Deddf Safonau a Threfniadaeth Ysgolion (Cymru) 2013 (dccc1)

RHAN 3 LL+C TREFNIADAETH YSGOLION

[F1 PENNOD 3A LL+C CYNIGION I‍ AILSTRWYTHURO DARPARIAETH CHWECHED DOSBARTH

Diwygiadau Testunol

F1 Rhn. 3 Pnd. 3A wedi ei fewnosod (5.4.2025) gan Deddf Addysg Drydyddol ac Ymchwil (Cymru) 2022 (asc 1), a. 148(2), Atod. 4 para. 29(7) (ynghyd ag a. 19); O.S. 2025/432, ergl. 2(ll)(iii)

63H Gweithredu cynigion LL+C

(1) Mae cynigion sydd wedi eu cymeradwyo gan Weinidogion Cymru o dan adran 63F neu y penderfynwyd eu gweithredu gan y Comisiwn o dan adran 63G yn cael effaith fel petaent wedi eu cymeradwyo gan Weinidogion Cymru o dan adran 50 ar ôl iddynt gael eu gwneud—

(a) gan yr awdurdod lleol o dan ei bwerau i wneud cynigion i sefydlu, newid neu derfynu ysgolion, neu

(b) yn achos cynigion i newid ysgol sefydledig neu ysgol wirfoddol, gan y corff llywodraethu o dan ei bwerau i wneud cynigion i newid ei ysgol.

(2) Er gwaethaf unrhyw beth yn Rhan 1 o Atodlen 3 (cyfrifoldeb dros weithredu cynigion statudol), rhaid i’r awdurdod lleol sy’n cynnal yr ysgol o dan sylw gwrdd â’r gost o weithredu cynigion sydd wedi eu cymeradwyo o dan adran 63F neu y penderfynwyd eu gweithredu o dan adran 63G ac sy’n cael effaith fel a grybwyllir yn is-adran (1)(b).]