RHAN 2SAFONAU

PENNOD 2YMYRRYD MEWN AWDURDODAU LLEOL

Hysbysiad rhybuddio

22Hysbysiad rhybuddio

(1)

Caiff Gweinidogion Cymru roi hysbysiad rhybuddio i awdurdod lleol os ydynt wedi eu bodloni bod un neu fwy o seiliau 1 i 3 yn bodoli mewn perthynas â’r awdurdod lleol.

(2)

Rhaid i Weinidogion Cymru bennu pob un o’r canlynol yn yr hysbysiad rhybuddio—

(a)

y seiliau dros ymyrryd;

(b)

y rhesymau pam y maent wedi eu bodloni bod y seiliau yn bodoli;

(c)

y camau y maent yn ei gwneud yn ofynnol i’r awdurdod lleol eu cymryd er mwyn ymdrin â’r seiliau dros ymyrryd;

(d)

y cyfnod y mae’r camau i’w cymryd ynddo gan yr awdurdod lleol (“y cyfnod cydymffurfio”);

(e)

y camau y maent â’u bryd ar eu cymryd os bydd yr awdurdod lleol yn methu â chymryd y camau gofynnol.