Deddf Safonau a Threfniadaeth Ysgolion (Cymru) 2013 (dccc1)

ATODLEN 2 LL+C NEWIDIADAU RHEOLEIDDIEDIG

RHAN 4 LL+C YSGOLION ARBENNIG

18 LL+C Mae paragraffau 19 i 21 yn disgrifio newidiadau rheoleiddiedig mewn perthynas ag ysgolion arbennig cymunedol.

Gwybodaeth Cychwyn

I1 Atod. 2 para. 18 ddim mewn grym ar y Cydsyniad Brenhinol, gweler a. 100(4)

I2 Atod. 2 para. 18 mewn grym ar 1.10.2013 gan O.S. 2013/1800, ergl. 3(f)

Cynnydd yn nifer disgyblion LL+C

19 (1) Ac eithrio pan fo ysgol wedi ei sefydlu mewn ysbyty, cynnydd yn nifer y disgyblion y mae’r ysgol yn gwneud darpariaeth ar eu cyfer, a fyddai o’i gymryd ynghyd â phob cynnydd blaenorol ar ôl y dyddiad priodol, yn cynyddu nifer y disgyblion gan o leiaf 10% neu gan y nifer perthnasol o’i gymharu â nifer y disgyblion ar y dyddiad priodol.

(2) Yn y paragraff hwn—

• y “dyddiad priodol” (“appropriate date”) yw’r diweddaraf o’r canlynol—

  (a)

  19 Ionawr 2012;

  (b)

  y dyddiad pan dderbyniodd yr ysgol ddisgyblion gyntaf;

  (c)

  dyddiad (neu ddyddiad diweddaraf) gweithredu cynigion i wneud newid i’r ysgol i gynyddu nifer y disgyblion y mae’r ysgol yn darparu ar eu cyfer ac y cyhoeddwyd y cynigion hynny o dan y canlynol—

  (i)

  adran 48, 59, 68 neu 72, neu

  (ii)

  adran 31 o Ddeddf Safonau a Fframwaith Ysgolion 1998 neu baragraff 5 o Atodlen 7 i’r Ddeddf honno; ac

• “y nifer perthnasol” (“relevant number”) mewn perthynas â nifer y disgyblion mewn ysgol yw—

  (a)

  pan fo’r ysgol yn darparu llety byrddio yn unig, 5, a

  (b)

  ym mhob achos arall, 20.

Gwybodaeth Cychwyn

I3 Atod. 2 para. 19 ddim mewn grym ar y Cydsyniad Brenhinol, gweler a. 100(4)

I4 Atod. 2 para. 19 mewn grym ar 1.10.2013 gan O.S. 2013/1800, ergl. 3(f)

Darpariaeth fyrddio LL+C

20 Newid y ddarpariaeth ar gyfer llety byrddio fel bod y nifer o ddisgyblion y gwneir darpariaeth o’r fath ar eu cyfer yn cael ei gynyddu neu ei leihau gan 5 disgybl neu ragor.

Gwybodaeth Cychwyn

I5 Atod. 2 para. 20 ddim mewn grym ar y Cydsyniad Brenhinol, gweler a. 100(4)

I6 Atod. 2 para. 20 mewn grym ar 1.10.2013 gan O.S. 2013/1800, ergl. 3(f)

Darpariaeth anghenion addysgol arbennig LL+C

21 Newid yn y math o anghenion addysgol arbennig y trefnwyd yr ysgol i wneud darpariaeth ar ei gyfer.

Gwybodaeth Cychwyn

I7 Atod. 2 para. 21 ddim mewn grym ar y Cydsyniad Brenhinol, gweler a. 100(4)

I8 Atod. 2 para. 21 mewn grym ar 1.10.2013 gan O.S. 2013/1800, ergl. 3(f)