http://www.legislation.gov.uk/wsi/2022/800/signature/made/welsh
Gorchymyn Ffyrdd Cyfyngedig (Terfyn Cyflymder 20 mya) (Cymru) 2022
cy
King's Printer of Acts of Parliament
2022-07-14
TRAFFIG FFYRDD, CYMRU
Mae adran 81(1) o Ddeddf Rheoleiddio Traffig Ffyrdd 1984 (“y Ddeddf”) yn darparu na fydd yn gyfreithlon i berson yrru cerbyd modur ar ffordd gyfyngedig yn gyflymach na 30 milltir yr awr. Yn ddarostyngedig i ddarpariaethau adrannau 82 ac 84(3) o’r Ddeddf, mae ffordd yn ffordd gyfyngedig at ddibenion adran 81 o’r Ddeddf os darperir arni, yng Nghymru a Lloegr, system o oleuadau stryd drwy gyfrwng lampau sydd wedi eu gosod heb fod yn fwy na 200 llath oddi wrth ei gilydd. Mae adran 81(2) o’r Ddeddf yn galluogi’r awdurdod cenedlaethol (sef Gweinidogion Cymru o ran Cymru yn unol ag adran 142(1) o’r Ddeddf), drwy orchymyn, i gynyddu neu ostwng y gyfradd gyflymder a bennir gan adran 81(1), naill ai fel y’i deddfwyd yn wreiddiol neu fel y’i hamrywiwyd o dan yr is-adran honno. Mae adran 81(3)(aa) o’r Ddeddf yn darparu bod gorchymyn o’r fath, os y’i gwneir gan Weinidogion Cymru, i’w wneud drwy offeryn statudol a’i gymeradwyo drwy benderfyniad gan Senedd Cymru. Cyn i Weinidogion Cymru wneud gorchymyn o dan adran 81(2) o’r Ddeddf, mae’n ofynnol gan adran 81(5) o’r Ddeddf iddynt ymgynghori â’r Ysgrifennydd Gwladol.
Julie JamesY Gweinidog Newid Hinsawdd, un o Weinidogion Cymru