Gorchymyn Ymddiriedolaeth Gwasanaeth Iechyd Gwladol Felindre (Sefydlu) (Diwygio) 2018

Offerynnau Statudol Cymru

2018 Rhif 887 (Cy. 176)

Y Gwasanaeth Iechyd Gwladol, Cymru

Gorchymyn Ymddiriedolaeth Gwasanaeth Iechyd Gwladol Felindre (Sefydlu) (Diwygio) 2018

Gwnaed

19 Gorffennaf 2018

Yn dod i rym

2 Awst 2018

Mae Gweinidogion Cymru, drwy arfer y pwerau a roddir gan adrannau 18(1), 203 a 204(1) o Ddeddf y Gwasanaeth Iechyd Gwladol (Cymru) 2006(1), a pharagraff 5 o Atodlen 3 iddi, ar ôl cwblhau’r ymgynghoriad a ragnodir o dan adran 18(3) o’r Ddeddf honno, yn gwneud y Gorchymyn a ganlyn:

Enwi, cychwyn a dehongli

1.—( 1) Enw’r Gorchymyn hwn yw Gorchymyn Ymddiriedolaeth Gwasanaeth Iechyd Gwladol Felindre (Sefydlu) (Diwygio) 2018 a daw i rym ar 2 Awst 2018.

(2) Yn y Gorchymyn hwn, ystyr “y prif Orchymyn” yw Gorchymyn Ymddiriedolaeth Gwasanaeth Iechyd Gwladol Felindre (Sefydlu) 1993(2).

Diwygio erthygl 1 o’r prif Orchymyn

2.   Yn erthygl 1(2) o’r prif Orchymyn, yn y diffiniad o “the trust”, yn lle “Velindre National Health Service Trust” rhodder “Velindre University National Health Service Trust”.

Diwygio erthygl 2 o’r prif Orchymyn

3.   Yn lle erthygl 2 o’r prif Orchymyn, rhodder—

“2.    Establishment of the trust

There is hereby established an NHS trust which shall be called Velindre University National Health Service Trust or Ymddiriedolaeth Gwasanaeth Iechyd Gwladol Prifysgol Felindre.”

Ymrwymiad addysgu sylweddol

4.   Ar ôl erthygl 4 o’r prif Orchymyn, mewnosoder—

“4A.    Significant teaching commitment

(1) The trust is to be regarded as having a significant teaching commitment by virtue of paragraph 5(3)(b) of Schedule 3 to the National Health Service (Wales) Act 2006(3).

(2) One of the non-executive directors must be appointed from Cardiff University.”

Arbed

5.   Nid yw’r enw newydd y rhoddir effaith iddo gan reoliad 3—

(a) yn effeithio ar unrhyw hawl neu rwymedigaeth unrhyw berson; na

(b) yn annilysu unrhyw offeryn (pa un a’i gwnaed cyn, ar neu ar ôl y diwrnod y daw’r Gorchymyn hwn i rym) sy’n cyfeirio at Ymddiriedolaeth Gwasanaeth Iechyd Gwladol Felindre, a rhaid dehongli pob offeryn neu ddogfen arall sy’n cyfeirio at yr enw hwnnw fel pe bai’n cyfeirio at yr ymddiriedolaeth.

Vaughan Gething

Ysgrifennydd y Cabinet dros Iechyd a Gwasanaethau Cymdeithasol, un o Weinidogion Cymru

19 Gorffennaf 2018

NODYN ESBONIADOL

Mae’r Gorchymyn hwn yn diwygio Gorchymyn Ymddiriedolaeth Gwasanaeth Iechyd Gwladol Felindre (Sefydlu) 1993 (“y prif Orchymyn”) er mwyn newid enw Ymddiriedolaeth Gwasanaeth Iechyd Gwladol Felindre i Ymddiriedolaeth Gwasanaeth Iechyd Gwladol Prifysgol Felindre.

Gan y bydd gan Ymddiriedolaeth Gwasanaeth Iechyd Gwladol Felindre ymrwymiad addysgu sylweddol bellach, mae’r Gorchymyn yn pennu hyn ac yn diwygio’r prif Orchymyn ymhellach i ragnodi bod rhaid i un o’r cyfarwyddwyr anweithredol gael ei benodi o Brifysgol Caerdydd.

(1)

2006 p. 42.

(2)

Fel y’i diwygiwyd gan O.S. 1999/826; O.S. 2002/442 (Cy. 57); O.S. 2002/2199 (Cy. 219); O.S. 2009/2059 (Cy. 178); O.S. 2012/1262 (Cy. 157) ac O.S. 2017/912 (Cy. 223).

(3)

2006 p. 42.