Search Legislation

Rheoliadau Casglu a Rheoli Trethi (Trefniadau Talu’n Ôl) (Cymru) 2018

 Help about what version

What Version

 Help about opening options

Opening Options

Statws

This is the original version (as it was originally made). Dim ond ar ei ffurf wreiddiol y mae’r eitem hon o ddeddfwriaeth ar gael ar hyn o bryd.

Offerynnau Statudol Cymru

2018 Rhif 88 (Cy. 21)

Trethi, Cymru

Rheoliadau Casglu a Rheoli Trethi (Trefniadau Talu’n Ôl) (Cymru) 2018

Gwnaed

24 Ionawr 2018

Gosodwyd gerbron Cynulliad Cenedlaethol Cymru

29 Ionawr 2018

Yn dod i rym

1 Ebrill 2018

Mae Gweinidogion Cymru yn gwneud y Rheoliadau a ganlyn drwy arfer y pwerau a roddir iddynt gan adrannau 66, 69 a 188 o Ddeddf Casglu a Rheoli Trethi (Cymru) 2016(1).

Enwi a chychwyn

1.—(1Enw’r Rheoliadau hyn yw Rheoliadau Casglu a Rheoli Trethi (Trefniadau Talu’n Ôl) (Cymru) 2018.

(2Daw’r Rheoliadau hyn i rym ar 1 Ebrill 2018.

Dehongli

2.  Yn y Rheoliadau hyn—

ystyr “ACC” (“WRA”) yw Awdurdod Cyllid Cymru;

ystyr “y Ddeddf” (“the Act”) yw Deddf Casglu a Rheoli Trethi (Cymru) 2016;

ystyr “hawliad” (“claim”) yw hawliad a wneir o dan adran 63(2) o’r Ddeddf;

ystyr “swm perthnasol” (“relevant amount”) yw’r rhan honno o swm hawliad (a allai fod y swm cyfan) y mae’r hawlydd wedi ei thalu’n ôl neu’n bwriadu ei thalu’n ôl i gwsmeriaid; ac

ystyr “trefniadau talu’n ôl” (“reimbursement arrangements”) yw unrhyw drefniadau at ddibenion hawliad—

(a)

a wneir gan hawlydd at ddiben sicrhau na chaiff yr hawlydd ei gyfoethogi’n annheg yn sgil ad-dalu unrhyw swm yn unol â’r hawliad; a

(b)

sy’n darparu ar gyfer talu’n ôl i bersonau (“cwsmeriaid”) sydd, at ddibenion ymarferol, wedi ysgwyddo holl gost neu ran o gost y taliad gwreiddiol o’r swm hwnnw i ACC.

Trefniadau talu’n ôl – cyffredinol

3.  At ddibenion adran 64 o’r Ddeddf (gwrthod hawliadau am ryddhad oherwydd cyfoethogi anghyfiawn) rhaid diystyru trefniadau talu’n ôl a wneir gan hawlydd ac eithrio pan fônt—

(a)yn cynnwys y darpariaethau a ddisgrifir yn rheoliad 4; a

(b)yn cael eu hategu gan yr ymgymeriadau a ddisgrifir yn rheoliad 7.

Trefniadau talu’n ôl – y darpariaethau sydd i’w cynnwys

4.  Y darpariaethau y cyfeirir atynt yn rheoliad 3(a) yw—

(a)y bydd y talu’n ôl y mae’r trefniadau’n darparu ar ei gyfer wedi ei gwblhau yn ddim hwyrach na 90 o ddiwrnodau ar ôl yr ad-daliad y mae’n ymwneud ag ef;

(b)na wneir unrhyw ddidyniad o’r swm perthnasol ar ffurf ffi neu dâl (ym mha fodd bynnag y’i mynegir neu y rhoddir effaith iddi neu iddo);

(c)y bydd y talu’n ôl yn cael ei wneud mewn arian parod neu ar ffurf siec yn unig neu, gyda chytundeb yr hawlydd, drwy drosglwyddiad electronig;

(d)y bydd yr hawlydd yn ad-dalu i ACC unrhyw ran o’r swm perthnasol nad yw wedi ei thalu’n ôl erbyn yr adeg a grybwyllir ym mharagraff (a);

(e)y bydd yr hawlydd hefyd yn trin unrhyw log a delir gan ACC ar unrhyw swm perthnasol a ad-delir gan ACC yn yr un modd ag y mae’r swm perthnasol i’w drin o dan baragraffau (a) a (b); ac

(f)y bydd yr hawlydd yn cadw’r cofnodion a ddisgrifir yn rheoliad 6.

Ad-daliadau i ACC

5.  Rhaid i’r hawlydd, heb archiad ymlaen llaw, wneud unrhyw ad-daliad i ACC y mae’n ofynnol i’r hawlydd ei wneud yn rhinwedd rheoliad 4(d) ac (e) o fewn 30 o ddiwrnodau i ddiwedd y cyfnod o 90 o ddiwrnodau y cyfeirir ato yn rheoliad 4(a).

Cofnodion

6.—(1Rhaid i’r hawlydd gadw cofnodion o’r materion a ganlyn—

(a)enwau a chyfeiriadau’r cwsmeriaid hynny y mae’r hawlydd wedi talu’n ôl iddynt neu y mae’r hawlydd yn bwriadu talu’n ôl iddynt;

(b)y cyfanswm a dalwyd yn ôl i bob cwsmer o’r fath, gan gynnwys ym mhob achos dderbynebau gan y rheini y talwyd yn ôl iddynt yn cydnabod faint a dalwyd yn ôl ac yn rhoi’r dyddiad y talwyd yn ôl iddynt;

(c)swm y llog a gynhwyswyd ym mhob cyfanswm a dalwyd yn ôl i bob cwsmer; a

(d)dyddiad pob achos o dalu’n ôl.

(2Mae adran 69(2) o’r Ddeddf yn gymwys i gofnodion a gedwir o dan baragraff (1) fel y mae’n gymwys i gofnodion a gedwir o dan yr adran honno.

Ymgymeriadau

7.—(1Rhaid i’r hawlydd roi’r ymgymeriadau y cyfeirir atynt yn rheoliad 3(b) i ACC cyn i’r hawlydd wneud yr hawliad y gwnaed y trefniadau talu’n ôl ar ei gyfer, neu ar yr un pryd â’r hawliad.

(2Rhaid i’r ymgymeriadau fod yn ysgrifenedig, rhaid i’r hawlydd eu llofnodi a’u dyddio, a rhaid iddynt fod i’r perwyl—

(a)ar ddyddiad yr ymgymeriadau, fod yr hawlydd yn gallu nodi enwau a chyfeiriadau’r cwsmeriaid hynny y mae’r hawlydd wedi talu’n ôl iddynt neu y mae’r hawlydd yn bwriadu talu’n ôl iddynt;

(b)y bydd yr hawlydd yn cymhwyso’r swm perthnasol yn ei gyfanrwydd, heb unrhyw ddidyniad ar ffurf ffi neu dâl na fel arall, i dalu’n ôl i gwsmeriaid o’r fath yn ddim hwyrach na 90 o ddiwrnodau ar ôl i’r hawlydd gael y swm hwnnw (ac eithrio i’r graddau y mae’r hawlydd eisoes wedi talu’n ôl iddynt);

(c)y bydd yr hawlydd yn cymhwyso unrhyw log a dalwyd i’r hawlydd ar y swm perthnasol yn llwyr i dalu’n ôl i gwsmeriaid o’r fath yn ddim hwyrach na 90 o ddiwrnodau ar ôl i’r hawlydd gael y llog hwnnw;

(d)y bydd yr hawlydd yn ad-dalu i ACC, heb archiad, y cyfan o’r swm perthnasol neu unrhyw ran ohono a ad-dalwyd i’r hawlydd neu o unrhyw log a dalwyd i’r hawlydd y mae’r hawlydd yn methu â’i gymhwyso yn unol â’r ymgymeriadau a grybwyllir yn is-baragraffau (b) ac (c), o fewn 30 o ddiwrnodau i ddiwedd y cyfnod o 90 o ddiwrnodau y cyfeirir ato yn yr is-baragraffau hynny; ac

(e)y bydd yr hawlydd yn cadw’r cofnodion a ddisgrifir yn rheoliad 6.

(3Rhaid i’r hawlydd gyflwyno ymgymeriad diwygiedig (i adlewyrchu’r diwygiad) i ACC o fewn 14 o ddiwrnodau i’r adeg—

(a)y mae’r hawlydd yn diwygio hawliad o dan adran 71(1) o’r Ddeddf; neu

(b)y mae ACC yn diwygio hawliad o dan adran 75(2)(b) o’r Ddeddf.

Cosbau

8.—(1Mae’r darpariaethau yn adrannau 143 i 145 o’r Ddeddf (cosbau sy’n ymwneud â chadw cofnodion a threfniadau talu’n ôl) yn gymwys i fethiant i gydymffurfio â rheoliad 6 fel y maent yn gymwys i fethiant i gydymffurfio ag adran 69 o’r Ddeddf.

(2Mae hawlydd sy’n methu â chydymffurfio â rheoliad 5 yn agored i gosb o 100% o swm unrhyw ad-daliad y mae’n ofynnol i’r hawlydd ei wneud i ACC yn rhinwedd rheoliad 4(d) ac (e).

(3Mae adrannau 125 i 128 o’r Ddeddf yn gymwys i gosb o dan baragraff (2) fel y maent yn gymwys i gosb o dan adran 122 o’r Ddeddf.

(4Nid yw adran 157A o’r Ddeddf (llog taliadau hwyr ar gosbau) yn gymwys i gosb o dan baragraff (2).

(5Mae adran 154 o’r Ddeddf (talu cosbau) yn gymwys i gosb o dan y rheoliad hwn.

Mark Drakeford

Ysgrifennydd y Cabinet dros Gyllid, un o Weinidogion Cymru

24 Ionawr 2018

NODYN ESBONIADOL

(Nid yw’r nodyn hwn yn rhan o’r Rheoliadau)

Mae’r Rheoliadau hyn yn disgrifio’r darpariaethau y mae’n rhaid eu cynnwys mewn trefniadau talu’n ôl a wneir gan berson sy’n gwneud hawliad o dan adran 63 (hawlio rhyddhad rhag treth a ordalwyd) o Ddeddf Casglu a Rheoli Trethi (Cymru) 2016 (“y Ddeddf”). Deuant i rym ar 1 Ebrill 2018.

Mae rheoliad 2 yn diffinio termau penodol a ddefnyddir yn y Rheoliadau.

Mae rheoliad 3 yn darparu bod rhaid i drefniadau talu’n ôl gael eu diystyru at ddibenion adran 64 (gwrthod hawliadau am ryddhad oherwydd cyfoethogi anghyfiawn) o’r Ddeddf oni bai eu bod yn cydymffurfio â rheoliadau 4 a 7.

Mae rheoliad 4 yn disgrifio’r darpariaethau manwl y mae’n rhaid eu cynnwys mewn trefniadau talu’n ôl.

Mae rheoliad 5 yn ei gwneud yn ofynnol i hawlydd ad-dalu i Awdurdod Cyllid Cymru unrhyw swm a gafodd yr hawlydd er mwyn talu’n ôl i gwsmeriaid, ond yr oedd yr hawlydd wedi methu â’i gymhwyso at y diben hwnnw o fewn 30 o ddiwrnodau i gael y swm hwnnw.

Mae rheoliad 6 yn disgrifio’r cofnodion y mae’n rhaid i’r hawlydd eu cadw mewn perthynas â’r trefniadau talu’n ôl.

Mae rheoliad 7 yn disgrifio’r ymgymeriadau y mae’n rhaid i’r hawlydd eu rhoi er mwyn cydymffurfio â threfniadau talu’n ôl yr hawlydd.

Mae rheoliad 8 yn gwneud darpariaethau mewn cysylltiad â chosbau.

Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Rheoliadau hyn. O ganlyniad, lluniwyd Asesiad Effaith Rheoleiddiol o’r costau a’r manteision sy’n debygol o ddeillio o gydymffurfio â’r Rheoliadau hyn. Gellir cael copi oddi wrth: Llywodraeth Cymru, Parc Cathays, Caerdydd CF10 3NQ.

Back to top

Options/Help

Print Options

Close

Legislation is available in different versions:

Latest Available (revised):The latest available updated version of the legislation incorporating changes made by subsequent legislation and applied by our editorial team. Changes we have not yet applied to the text, can be found in the ‘Changes to Legislation’ area. The revised version is currently only available in English.

Original (As Enacted or Made) - English: The original English language version of the legislation as it stood when it was enacted or made. No changes have been applied to the text.

Original (As Enacted or Made) - Welsh:The original Welsh language version of the legislation as it stood when it was enacted or made. No changes have been applied to the text.

Close

Opening Options

Different options to open legislation in order to view more content on screen at once

Close

More Resources

Access essential accompanying documents and information for this legislation item from this tab. Dependent on the legislation item being viewed this may include:

  • the original print PDF of the as enacted version that was used for the print copy
  • lists of changes made by and/or affecting this legislation item
  • confers power and blanket amendment details
  • all formats of all associated documents
  • correction slips
  • links to related legislation and further information resources
Close

More Resources

Use this menu to access essential accompanying documents and information for this legislation item. Dependent on the legislation item being viewed this may include:

  • the original print PDF of the as made version that was used for the print copy
  • correction slips

Click 'View More' or select 'More Resources' tab for additional information including:

  • lists of changes made by and/or affecting this legislation item
  • confers power and blanket amendment details
  • all formats of all associated documents
  • links to related legislation and further information resources