Search Legislation

Rheoliadau Gofal a Chymorth (Dewis o Lety, Gosod Ffioedd ac Asesiad Ariannol) (Diwygiadau Amrywiol) (Cymru) 2017

 Help about what version

What Version

 Help about opening options

Opening Options

Statws

This is the original version (as it was originally made). Dim ond ar ei ffurf wreiddiol y mae’r eitem hon o ddeddfwriaeth ar gael ar hyn o bryd.

Offerynnau Statudol Cymru

2017 Rhif 214 (Cy. 58)

Gofal Cymdeithasol, Cymru

Rheoliadau Gofal a Chymorth (Dewis o Lety, Gosod Ffioedd ac Asesiad Ariannol) (Diwygiadau Amrywiol) (Cymru) 2017

Gwnaed

27 Chwefror 2017

Gosodwyd gerbron Cynulliad Cenedlaethol Cymru

28 Chwefror 2017

Yn dod i rym

10 Ebrill 2017

Mae Gweinidogion Cymru, drwy arfer y pwerau a roddir gan adrannau 50, 52, 53(3), 57, 61, 64, 66, 67 a 196(2)(c) o Ddeddf Gwasanaethau Cymdeithasol a Llesiant (Cymru) 2014(1), yn gwneud y Rheoliadau a ganlyn:

Enwi, cychwyn a chymhwyso

1.—(1Enw’r Rheoliadau hyn yw Rheoliadau Gofal a Chymorth (Dewis o Lety, Gosod Ffioedd ac Asesiad Ariannol) (Diwygiadau Amrywiol) (Cymru) 2017.

(2Daw’r Rheoliadau hyn i rym ar 10 Ebrill 2017 ac maent yn gymwys o ran Cymru.

Diwygio Rheoliadau Gofal a Chymorth (Dewis o Lety) (Cymru) 2015

2.  Mae Rheoliadau Gofal a Chymorth (Dewis o Lety) (Cymru) 2015(2) wedi eu diwygio fel a ganlyn—

(a)yn rheoliad 1(3) yn y lle priodol mewnosoder y canlynol—

ystyr “byrdymor” (“short term”) yw cyfnod nad yw’n hwy nag 8 wythnos;;

(b)yn rheoliad 2(a) ar ôl “Unedig” mewnosoder “nad yw’n llety byrdymor”.

Diwygio Rheoliadau Gofal a Chymorth (Gosod Ffioedd) (Cymru) 2015

3.  Mae Rheoliadau Gofal a Chymorth (Gosod Ffioedd) (Cymru) 2015(3) wedi eu diwygio fel a ganlyn—

(a)yn rheoliad 1(4)—

(i)hepgorer y diffiniad o “terfyn cyfalaf”;

(ii)yn y lle priodol mewnosoder y canlynol—

ystyr “terfyn cyfalaf perthnasol” (“relevant capital limit”) yw’r uchafswm cyfalaf, a asesir yn unol â’r Rheoliadau Asesiad Ariannol, y caniateir i berson y codir ffi arno feddu arno gan ddibynnu pa un a oes arno angen gofal a chymorth preswyl neu amhreswyl, ac uwchlaw’r uchafswm hwnnw y bydd yn ofynnol i’r person hwnnw, yn unol â rheoliad 11, dalu’r ffi safonol yn llawn.;

(iii)yn y diffiniad o “terfyn ariannol” yn lle “terfyn cyfalaf” rhodder “terfyn cyfalaf perthnasol”;

(b)yn rheoliad 7(1) yn lle “£60” rhodder “£70”;

(c)yn rheoliad 8(3)(d) yn lle “(terfyn cyfalaf)” rhodder “(terfyn cyfalaf perthnasol)”;

(d)yn rheoliad 9(1) yn lle “amhreswyl” rhodder “preswyl”;

(e)yn rheoliad 11 (terfyn cyfalaf)—

(i)ym mharagraff (1) yn lle “terfyn cyfalaf” rhodder “terfyn cyfalaf perthnasol”;

(ii)yn lle paragraff (2) rhodder—

(2) Mae’r terfynau ariannol at ddibenion adran 66(5) o’r Ddeddf fel a ganlyn—

(a)y terfyn cyfalaf perthnasol at ddibenion gofal preswyl yw £30,000;

(b)y terfyn cyfalaf perthnasol at ddibenion gofal amhreswyl yw £24,000.;

(iii)ym mharagraff (3) yn lle “terfyn cyfalaf” rhodder “terfyn cyfalaf perthnasol”;

(iv)ym mhennawd rheoliad 11 yn lle “Terfyn cyfalaf” rhodder “Terfyn cyfalaf perthnasol”;

(f)yn rheoliad 13 (isafswm incwm ar gyfer person y darperir llety iddo mewn cartref gofal), yn lle “£26.50” rhodder “£27.50”;

(g)yn rheoliad 15 (dyfarniad diwygiedig), yn lle paragraff (2) rhodder—

(2) Pan fo awdurdod lleol yn gwneud dyfarniad pellach o allu A i dalu ffi yn unol â’r rheoliad hwn—

(a)rhaid iddo ddarparu datganiad o’r dyfarniad diwygiedig i A; a

(b)rhaid iddo ad-dalu i A unrhyw ordaliad am ofal a chymorth a ddarparwyd neu a drefnwyd cyn y dyfarniad diwygiedig; neu

(c)caiff ei gwneud yn ofynnol i A dalu unrhyw ffi ychwanegol am ofal a chymorth a ddarparwyd neu a drefnwyd cyn y dyfarniad diwygiedig.;

(h)yn rheoliad 22(1) yn lle “£60” rhodder “£70”;

(i)yn rheoliad 23(3)(d) yn lle “(terfyn cyfalaf)” rhodder “(terfyn cyfalaf perthnasol)”;

(j)yn rheoliad 26 (terfyn cyfalaf – taliadau uniongyrchol)—

(i)ym mharagraffau (1) a (2) yn lle “terfyn cyfalaf” rhodder “terfyn cyfalaf perthnasol”;

(ii)ym mhennawd rheoliad 26 yn lle “Terfyn cyfalaf – taliadau uniongyrchol” rhodder “Terfyn cyfalaf perthnasol – taliadau uniongyrchol”;

(k)yn rheoliad 28 (isafswm incwm ar gyfer person y darperir llety iddo mewn cartref gofal) yn lle “£26.50” rhodder “£27.50”;

(l)yn rheoliad 30 (dyfarniad diwygiedig – taliadau uniongyrchol) yn lle paragraff (2) rhodder—

(2) Pan fo awdurdod lleol yn gwneud dyfarniad pellach o allu B i dalu cyfraniad neu ad-daliad yn unol â’r rheoliad hwn—

(a)rhaid iddo ddarparu datganiad o’r dyfarniad diwygiedig i B; a

(b)rhaid iddo ad-dalu i B unrhyw ordaliad o gyfraniad neu ad-daliad a wnaed cyn y dyfarniad diwygiedig; neu

(c)caiff ei gwneud yn ofynnol i B dalu unrhyw gyfraniad neu ad-daliad ychwanegol mewn perthynas ag unrhyw daliadau a wnaed cyn y dyfarniad diwygiedig.

Diwygio Rheoliadau Gofal a Chymorth (Asesiad Ariannol) (Cymru) 2015

4.  Mae Rhan 1 (symiau sydd i’w diystyru) o Atodlen 1 (symiau sydd i’w diystyru wrth gyfrifo incwm) i Reoliadau Gofal a Chymorth (Asesiad Ariannol) (Cymru) 2015(4) wedi ei diwygio fel a ganlyn—

(a)yn lle paragraff 16 rhodder—

16.  Unrhyw swm a ddiystyrid o dan baragraff 16 o Atodlen 9 i’r Rheoliadau Cymhorthdal Incwm (pensiynau penodedig) ac eithrio paragraff 16(a) ac (cc), ond fel pe bai’r cyfeiriad ym mharagraff 16 o’r Atodlen honno at baragraffau 36 a 37 o Atodlen 9 i’r Rheoliadau Cymhorthdal Incwm yn gyfeiriad at baragraff 46 o’r Atodlen hon.;

(b)ar ôl paragraff 16 mewnosoder—

16A.  Unrhyw daliad a geir o dan y Pensiwn Anabledd Rhyfel.

Rebecca Evans

Gweinidog Iechyd y Cyhoedd a Gwasanaethau Cymdeithasol o dan awdurdod Ysgrifennydd y Cabinet dros Iechyd, Llesiant a Chwaraeon, un o Weinidogion Cymru

27 Chwefror 2017

NODYN ESBONIADOL

(Nid yw’r nodyn hwn yn rhan o’r Rheoliadau)

Mae’r Rheoliadau hyn yn diwygio amryw Reoliadau a wnaed o dan Rannau 4 a 5 o Ddeddf Gwasanaethau Cymdeithasol a Llesiant (Cymru) 2014 (“y Ddeddf”).

Mae rheoliad 2 yn diwygio rheoliad 2 o Reoliadau Gofal a Chymorth (Dewis o Lety) (Cymru) 2015 i’w gwneud yn eglur nad yw dyletswydd yr awdurdod lleol i ddarparu dewis o lety yn gymwys pan angen byrdymor sydd ar berson am y ddarpariaeth o lety. Yna mewnosodir diffiniad o “byrdymor” yn rheoliad 1(3), sef cyfnod nad yw’n hwy nag 8 wythnos.

Mae rheoliad 3 yn diwygio Rheoliadau Gofal a Chymorth (Gosod Ffioedd) (Cymru) 2015. Mae paragraffau (b) ac (h) yn diwygio uchafswm y ffi wythnosol am ofal a chymorth amhreswyl. Mae hwn wedi ei ddiwygio o £60 i £70. Mae paragraff (d) yn cywiro gwall drafftio i’w gwneud yn eglur bod rheoliad 9 yn gymwys mewn perthynas â’r ffioedd am ofal a chymorth preswyl. Mae paragraff (e) yn diwygio rheoliad 11 i sefydlu dau derfyn cyfalaf gwahanol – un a fydd yn gymwys i godi ffioedd am ofal preswyl a fydd yn cynyddu i £30,000 ac un a fydd yn gymwys i godi ffioedd am ofal amhreswyl a fydd yn aros ar y lefel bresennol o £24,000. Mae paragraff (j) yn gwneud diwygiad canlyniadol i reoliad 26 i adlewyrchu’r ffaith bod dau derfyn cyfalaf. Mae paragraffau (f) a (k) yn diwygio rheoliadau 13 ac 28 yn y drefn honno i gynyddu’r isafswm incwm wythnosol pan fo llety yn cael ei ddarparu i berson mewn cartref gofal o £26.50 i £27.50. Mae paragraff (g) yn diwygio rheoliad 15 i’w gwneud yn eglur bod rhaid, yn dilyn asesiad ariannol diwygiedig, ddyroddi datganiad pellach i’r sawl sy’n cael gofal a bod y ffi ddiwygiedig yn dod yn daladwy (ac y caniateir ei hôl-ddyddio) o’r dyddiad pan gododd yr amgylchiad a arweiniodd at y dyfarniad diwygiedig. Mae paragraff (l) yn gwneud yr un diwygiad i reoliad 30 mewn cysylltiad â dyfarniadau diwygiedig o daliadau uniongyrchol.

Mae rheoliad 4 yn diwygio Rheoliadau Gofal a Chymorth (Asesiad Ariannol) (Cymru) 2015. Mae Atodlen 1 yn gwneud darpariaeth mewn cysylltiad â’r symiau sydd i gael eu diystyru pan fo awdurdod lleol yn cyfrifo incwm at ddibenion y Ddeddf. Mae paragraffau (a) a (b) yn rhoi paragraff 16 newydd yn lle’r hen un fel y bydd diystyru llwyr yn gymwys i godi ffioedd am ofal a chymorth preswyl ac amhreswyl mewn cysylltiad â symiau a geir o dan y Pensiwn Anabledd Rhyfel.

Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Rheoliadau hyn. O ganlyniad, lluniwyd asesiad effaith rheoleiddiol o’r costau a’r manteision sy’n debygol o ddeillio o gydymffurfio â’r Rheoliadau hyn. Gellir cael copi oddi wrth y Grŵp Iechyd a Gwasanaethau Cymdeithasol, Llywodraeth Cymru, Parc Cathays, Caerdydd, CF10 3NQ.

Back to top

Options/Help

Print Options

Close

Legislation is available in different versions:

Latest Available (revised):The latest available updated version of the legislation incorporating changes made by subsequent legislation and applied by our editorial team. Changes we have not yet applied to the text, can be found in the ‘Changes to Legislation’ area. The revised version is currently only available in English.

Original (As Enacted or Made) - English: The original English language version of the legislation as it stood when it was enacted or made. No changes have been applied to the text.

Original (As Enacted or Made) - Welsh:The original Welsh language version of the legislation as it stood when it was enacted or made. No changes have been applied to the text.

Close

Opening Options

Different options to open legislation in order to view more content on screen at once

Close

More Resources

Access essential accompanying documents and information for this legislation item from this tab. Dependent on the legislation item being viewed this may include:

  • the original print PDF of the as enacted version that was used for the print copy
  • lists of changes made by and/or affecting this legislation item
  • confers power and blanket amendment details
  • all formats of all associated documents
  • correction slips
  • links to related legislation and further information resources
Close

More Resources

Use this menu to access essential accompanying documents and information for this legislation item. Dependent on the legislation item being viewed this may include:

  • the original print PDF of the as made version that was used for the print copy
  • correction slips

Click 'View More' or select 'More Resources' tab for additional information including:

  • lists of changes made by and/or affecting this legislation item
  • confers power and blanket amendment details
  • all formats of all associated documents
  • links to related legislation and further information resources