Rheoliadau Gwybodaeth am Fwyd (Cymru) (Diwygio) 2016

Enwi, cymhwyso a chychwyn

1.—( 1) Enw’r Rheoliadau hyn yw Rheoliadau Gwybodaeth am Fwyd (Cymru) (Diwygio) 2016.

(2) Mae’r Rheoliadau hyn yn gymwys o ran Cymru.

(3) Daw’r Rheoliadau hyn i rym ar 20 Gorffennaf 2016.

Diwygio Rheoliadau Gwybodaeth am Fwyd (Cymru) 2014

2.—( 1) Mae Rheoliadau Gwybodaeth am Fwyd (Cymru) 2014 wedi eu diwygio yn unol â pharagraffau (2) i (6).

(2) Yn rheoliad 2 (dehongli)—

(a) ym mharagraff (1)—

(i) ar ddiwedd y diffiniad o “parod i’w fwyta”, hepgorer “ac”;

(ii) ar ôl y diffiniad o “parod i’w fwyta” mewnosoder—

“ystyr “Rheoliad 828/2014” (“Regulation 828/2014”) yw Rheoliad Gweithredu’r Comisiwn (EU) Rhif 828/2014 ynghylch y gofynion ar gyfer darparu gwybodaeth i ddefnyddwyr am absenoldeb glwten mewn bwyd neu fod llai o glwten yn bresennol ynddo; ac”;

(b) ym mharagraff (3), ar ôl “(gan gynnwys cyfeiriad at Erthygl yn FIC neu Atodiad iddo ac y mae paragraff (2) yn gymwys iddo)” mewnosoder “neu at Reoliad 828/2014 neu ddarpariaeth yn Rheoliad 828/2014,”.

(3) Yn rheoliad 10 (trosedd)—

(a) ym mharagraff (1)(a) yn lle “, neu” rhodder “;”;

(b) ym mharagraff (1)(b) yn lle “.” rhodder “; neu”;

(c) ar ôl paragraff (1)(b) mewnosoder—

“(c) ag unrhyw ddarpariaeth yn Rheoliad 828/2014 a bennir ym mharagraff (3).”;

(d) ar ôl paragraff (2), mewnosoder—

“(3) Y darpariaethau yn Rheoliad 828/2014 yw—

(a) Erthygl 3(1) fel y’i darllenir gydag Erthyglau 1(3), 6, 7 ac 36(1) a (2) yn FIC ac Erthyglau 2 a 3(2) a (3) o Reoliad 828/2014 a’r Atodiad iddo;

(b) Erthygl 4 fel y’i darllenir gydag Erthygl 2.”

(4) Yn rheoliad 12 (cymhwyso darpariaethau’r Ddeddf)—

(a) ym mharagraff (1)(a)(i) ar ôl “darpariaeth yn FIC” mewnosoder “neu Reoliad 828/2014”;

(b) ym mharagraff (2)(a) ar ôl “darpariaeth yn FIC” mewnosoder “neu Reoliad 828/2014”.

(5) Yn Atodlen 1 (darpariaethau y Rheoliadau hyn sy’n cynnwys cyfeiriadau newidiadwy at FIC yn rhinwedd rheoliad 2(3))—

(a) yn y pennawd ar ôl “FIC” mewnosoder “neu Reoliad 828/2014”; a

(b) yn y llinell gyntaf, ar ôl “ac eithrio’r diffiniad o “FIC””, mewnosoder “a Rheoliad 828/2014”.

(6) Yn Atodlen 4 (cymhwyso ac addasu darpariaethau’r Ddeddf)—

(a) yn Rhan 1, paragraff 1—

(i) ar ddiwedd is-adran (1A)(c) hepgorer “or”;

(ii) ar ddiwedd is-adran (1A)(d)(iii) hepgorer “or”;

(iii) ar ddiwedd is-adran (1A)(d)(iv) yn lle “.” rhodder—

“; or

(e) a provision of Commission Implementing Regulation (EU) No 828/2014 on the requirements for the provision of information to consumers on the absence or reduced presence of gluten in food specified in the table in Part 4 of Schedule 5 to the Food Information Regulations (Wales) 2014 (as read with regulation 2(3) of, and Schedule 1 to, those Regulations).”;

(b) yn Rhan 2, paragraff 2, ym mharagraff (a)(iii) ar ôl “any other provision of Regulation (EU) No 1169/2011 of the European Parliament and of the Council” mewnosoder “or Commission Implementing Regulation (EU) No 828/2014 on the requirements for the provision of information to consumers on the absence or reduced presence of gluten in food”.

(7) Yn Atodlen 5 (hysbysiadau gwella – darpariaethau FIC penodedig)—

(a) yn y pennawd, hepgorer “FIC”;

(b) ar ôl Rhan 3 mewnosoder—

“RHAN 4 Y darpariaethau yn Rheoliad 828/2014 y caniateir i hysbysiadau gwella gael eu cyflwyno mewn perthynas â hwy ar ac ar ôl 20 Gorffennaf 2016

Y ddarpariaeth yn Rheoliad 828/2014	Y ddarpariaeth sydd i’w darllen gyda’r ddarpariaeth yn Rheoliad 828/2014
Erthygl 3(1)	Erthyglau 1(3), 6, 7 ac 36(1) a (2) yn FIC ac Erthyglau 2 a 3(2) a (3) o Reoliad 828/2014 a’r Atodiad iddo
Erthygl 4	Erthygl 2 o Reoliad 828/2014”.

Dirymu

3.   Mae Rheoliadau Deunyddiau Bwyd sy’n Addas i Bobl ag Anoddefiad tuag at Glwten (Cymru) 2010(1) wedi eu dirymu.

Rebecca Evans

Gweinidog Iechyd y Cyhoedd a Gwasanaethau Cymdeithasol o dan awdurdod Ysgrifennydd y Cabinet dros Iechyd, Llesiant a Chwaraeon, un o Weinidogion Cymru

22 Mehefin 2016