Ymddiswyddo
8.—(1) Caiff cadeirydd y Panel, drwy roi o leiaf ddau fis o rybudd ysgrifenedig i Weinidogion Cymru, ymddiswyddo o’r swydd honno, a bydd yn peidio â bod yn aelod o’r Panel pan ddaw’r cyfnod rhybudd hwnnw i ben.
(2) Caiff unrhyw aelod o’r Panel, nad yw’n gadeirydd y Panel, drwy roi o leiaf ddau fis o rybudd ysgrifenedig i gadeirydd y Panel, ymddiswyddo o’r swydd honno, a bydd yn peidio â bod yn aelod o’r Panel pan ddaw’r cyfnod rhybudd hwnnw i ben.
(3) Ar ôl cael rhybudd ymddiswyddo gan aelod annibynnol, rhaid i gadeirydd y Panel hysbysu Gweinidogion Cymru cyn gynted ag y bo’n rhesymol ymarferol.
(4) Pan fo cadeirydd y Panel yn ymddiswyddo, bydd cadeirydd dros dro yn cael ei ddethol gan, ac o blith, yr aelodau annibynnol, a bydd yntau yn dal ei swydd yn gadeirydd y Panel hyd nes y bydd cadeirydd newydd y Panel wedi ei benodi gan Weinidogion Cymru.