Rheoliadau Gofal Cymdeithasol Cymru (Achosion gerbron Paneli) 2016

RHAN 1 Cyffredinol

Enwi, cychwyn a chymhwyso

1.—( 1) Enw’r Rheoliadau hyn yw Rheoliadau Gofal Cymdeithasol Cymru (Achosion gerbron Paneli) 2016.

(2) Daw’r Rheoliadau hyn i rym ar 3 Ebrill 2017.

(3) Mae’r Rheoliadau hyn yn gymwys o ran Cymru.

Dehongli

2.   Yn y Rheoliadau hyn—

mae i “cyfrifoldeb rhiant” yr ystyr a roddir i “parental responsibility” yn adran 105 o Ddeddf Plant 1989(1);

ystyr “y Ddeddf” (“the Act”) yw Deddf Rheoleiddio ac Arolygu Gofal Cymdeithasol (Cymru) 2016;

mae i “euogfarn gryno” yr ystyr a roddir i “extract conviction” yn adran 307 o Ddeddf Gweithdrefn Droseddol (Yr Alban) 1995(2);

mae i “paneli addasrwydd i ymarfer” (“fitness to practise panels”) yr ystyr a roddir yn adran 174(1)(b) o’r Ddeddf;

mae i “paneli apelau cofrestru” (“registration appeals panels”) yr ystyr a roddir yn adran 174(1)(a) o’r Ddeddf;

mae i “paneli gorchmynion interim” (“interim orders panels”) yr ystyr a roddir yn adran 174(1)(c) o’r Ddeddf.

(1)

1989 p. 41 (“Deddf 1989”). Mae’r diffiniad yn adran 105 o Ddeddf 1989 yn cyfeirio at ystyr “parental responsibility” a nodir yn adran 3 o’r Ddeddf honno.

(2)

1995 p. 46.