Rheoliadau Addysg (Diwygiadau sy’n Ymwneud ag Arolygu Addysg a Hyfforddiant) (Cymru) 2014

Diwygio Rheoliadau Addysg (Arolygu Ysgolion) (Cymru) 2006

4.—( 1) Mae Rheoliadau Addysg (Arolygu Ysgolion) (Cymru) 2006(1) wedi eu diwygio fel a ganlyn.

(2) Yn rheoliad 6, yn lle paragraff (1)(b), rhodder—

“(b) ym mhob achos arall o leiaf unwaith o fewn cyfnod o chwe blynedd yn dechrau ar 1 Medi 2014 ac yn dod i ben ar 31 Awst 2020 ac o leiaf unwaith o fewn pob cyfnod o chwe blynedd wedi hynny yn dechrau pan ddaw’r cyfnod blaenorol o chwe blynedd i ben.”.

(3) Ym mharagraff (c) o reoliad 8 hepgorer “o leiaf dair wythnos ymlaen llaw”.

(4) Ym mharagraff (1) o reoliad 10 yn lle “ddeugain a phump” rhodder “20”.

(5) Yn lle rheoliad 14 rhodder—

“14.    Cyfnodau rhwng arolygiadau

Pan fo’n ofynnol gan adran 50(1) i gorff llywodraethu ysgol wirfoddol neu ysgol sefydledig sicrhau bod addysg enwadol a roddir i unrhyw ddisgybl a chynnwys addoli ar y cyd yn yr ysgol yn cael eu harolygu, rhaid iddo sicrhau bod yr arolygiad yn cael ei gynnal—

(a) yn achos ysgol nad oedd wedi’i harolygu o’r blaen, o fewn chwe blynedd i’r dyddiad y derbyniwyd disgyblion gyntaf i’r ysgol; a

(b) ym mhob achos arall, o leiaf unwaith o fewn cyfnod o chwe blynedd yn dechrau ar 1 Medi 2014 ac yn dod i ben ar 31 Awst 2020 ac o leiaf unwaith o fewn pob cyfnod o chwe blynedd wedi hynny yn dechrau pan ddaw’r cyfnod blaenorol o chwe blynedd i ben.”.

(6) Ym mharagraff (4) o reoliad 16 yn lle “ddeugain a phump” rhodder “20”.

(1)

O.S. 2006/1714 (Cy. 176) fel y’i diwygiwyd gan Reoliadau Addysg (Diwygiadau ynglŷn â’r Ysbeidiau rhwng Arolygiadau Addysg a Hyfforddiant) (Cymru) 2010 (O.S. 2010/1436 (Cy. 127)).