Gorchymyn Corff Adnoddau Naturiol Cymru (Swyddogaethau) 2013 No. 755 (Cy. 90)

ATODLEN 1 SWYDDOGAETHAU CORFF ADNODDAU NATURIOL CYMRU

9.   Ar ôl erthygl 9 mewnosoder—

“Pŵer i ymrwymo i gytundebau ag awdurdodau lleol a chyrff cyhoeddus

9A.— (1) Heb ragfarnu cyffredinolrwydd y pwerau a roddir gan erthygl 9, mae'r Corff i'w drin fel awdurdod lleol ac fel corff cyhoeddus at ddibenion darpariaethau Deddf Awdurdodau Lleol (Nwyddau a Gwasanaethau) 1970(1), ac eithrio adran 2(2).

(2) Ond ni chaiff y Corff, o dan adran 1 o'r Ddeddf honno, wneud trefniadau a allai gael eu gwneud o dan adran 28(1) o Ddeddf Cyrff Cyhoeddus 2011(2).”

(1)

1970 p. 39. Cafwyd diwygiadau i'r Ddeddf nad ydynt yn berthnasol at ddibenion y Gorchymyn hwn.

(2)

2011 p. 24.