2013 Rhif 664 (Cy.77)

ADDYSG, CYMRU

Gorchymyn Corfforaeth Addysg Uwch Prifysgol Cymru, Casnewydd (Diddymu) 2013

Gwnaed

Gosodwyd gerbron Cynulliad Cenedlaethol Cymru

Yn dod i rym

Mae Gweinidogion Cymru yn gwneud y Gorchymyn a ganlyn drwy arfer y pwerau a roddwyd i'r Ysgrifennydd Gwladol gan adran 128 o Ddeddf Diwygio Addysg 19881 ac sy'n arferadwy bellach ganddynt hwy2.

Yn unol ag adran 128(2) o Ddeddf Diwygio Addysg 1988, mae Corfforaeth Addysg Uwch Prifysgol Morgannwg (“the University of Glamorgan Higher Education Corporation”)3, sef corff corfforaethol a sefydlwyd at ddibenion sy'n cynnwys darparu cyfleusterau neu wasanaethau addysgol o fewn ystyr adran 128(1)(b)(ii) o'r Ddeddf honno, wedi cydsynio i eiddo, hawliau a rhwymedigaethau Corfforaeth Addysg Uwch Prifysgol Cymru, Casnewydd (“University of Wales, Newport Higher Education Corporation”)4 gael eu trosglwyddo iddi.

Mae Gweinidogion Cymru wedi ymgynghori â Chorfforaeth Addysg Uwch Prifysgol Cymru, Casnewydd ac â Chyngor Cyllido Addysg Uwch Cymru yn unol ag adran 128(4) o'r Ddeddf honno.

Enwi a chychwyn1

Enw'r Gorchymyn hwn yw Gorchymyn Corfforaeth Addysg Uwch Prifysgol Cymru, Casnewydd (Diddymu) 2013 a daw i rym ar 11 Ebrill 2013.

Dehongli2

Yn y Gorchymyn hwn—

  • ystyr “Corfforaeth Casnewydd” (“the Newport Corporation”) yw Corfforaeth Addysg Uwch Prifysgol Cymru, Casnewydd;

  • ystyr “Prifysgol Morgannwg” (“University of Glamorgan”) yw Corfforaeth Addysg Uwch Prifysgol Morgannwg.

Diddymu Prifysgol Cymru, Casnewydd

3

Ar 1 Ebrill 2013 mae Corfforaeth Casnewydd wedi ei diddymu ac mae ei holl eiddo, hawliau a rhwymedigaethau wedi eu trosglwyddo i Brifysgol Morgannwg.

4

Mae adran 127 o Ddeddf Diwygio Addysg 1988 yn gymwys i unrhyw berson a gyflogwyd gan Gorfforaeth Casnewydd yn union cyn 1 Ebrill 2013 fel petai'r cyfeiriadau yn yr adran honno—

a

at berson y mae'r adran honno yn gymwys iddo yn gyfeiriadau at berson a gyflogwyd felly;

b

at y dyddiad trosglwyddo yn gyfeiriadau at 1 Ebrill 2013;

c

at yr awdurdod sy'n trosglwyddo yn gyfeiriadau at Gorfforaeth Casnewydd;

d

at y gorfforaeth yn gyfeiriadau at Brifysgol Morgannwg.

Leighton AndrewsY Gweinidog Addysg a Sgiliau, un o Weinidogion Cymru

(Nid yw'r nodyn hwn yn rhan o'r Gorchymyn)

Mae'r Gorchymyn hwn yn diddymu'r gorfforaeth addysg uwch a sefydlwyd i redeg Prifysgol Cymru, Casnewydd (“Prifysgol Casnewydd”). Sefydlwyd Prifysgol Casnewydd fel corfforaeth addysg uwch o'r enw Coleg Addysg Uwch Gwent o dan adran 122 o Ddeddf Diwygio Addysg 1988 a newidodd ei henw i Goleg Prifysgol Cymru, Casnewydd ac wedi hynny i Brifysgol Cymru, Casnewydd gyda chydsyniad y Cyfrin Gyngor.

Mae'r Gorchymyn hwn yn darparu i'r holl eiddo, hawliau a rhwymedigaethau yr oedd gan Brifysgol Casnewydd hawlogaeth iddynt neu yr oedd yn ddarostyngedig iddynt yn union cyn ei diddymu, gael eu trosglwyddo i Gorfforaeth Addysg Uwch Prifysgol Morgannwg (“Prifysgol Morgannwg”).

Mae'r Gorchymyn hwn hefyd yn gwneud darpariaeth i adran 127 o Ddeddf Diwygio Addysg 1988 fod yn gymwys mewn perthynas â phersonau a gyflogwyd gan Brifysgol Casnewydd yn union cyn 1 Ebrill 2013. Mae adran 127 o Ddeddf 1988, fel y'i cymhwysir gan y Gorchymyn hwn, yn gwneud darpariaeth ar gyfer trosglwyddo'r cyflogeion hynny i Brifysgol Morgannwg ar 1 Ebrill 2013 ac mewn cysylltiad â hawliau a dyletswyddau cysylltiedig Prifysgol Morgannwg a'r cyflogeion a drosglwyddir.

Ymgorfforwyd Prifysgol Morgannwg fel corfforaeth addysg uwch o'r enw Polytechnig Cymru ym 1982 a newidodd ei henw gyda chydsyniad y Cyfrin Gyngor.