- Latest available (Revised) - English
- Latest available (Revised) - Welsh
- Original (As made) - English
- Original (As made) - Welsh
This is the original version (as it was originally made). Dim ond ar ei ffurf wreiddiol y mae’r eitem hon o ddeddfwriaeth ar gael ar hyn o bryd.
Offerynnau Statudol Cymru
Addysg, Cymru
Gwnaed
10 Rhagfyr 2013
Mae Gweinidogion Cymru, drwy arfer y pŵer a roddwyd i’r Ysgrifennydd Gwladol gan adran 85(5) o Ddeddf Safonau a Fframwaith Ysgolion 1998 ac sydd bellach wedi ei freinio ynddynt hwy(1) yn gwneud y Gorchymyn a ganlyn:
1.—(1) Enw’r Gorchymyn hwn yw Gorchymyn y Cod Apelau Derbyn Ysgol (Diwrnod Penodedig) (Cymru) 2013.
(2) Mae’r Gorchymyn hwn yn gymwys o ran Cymru.
2. Y diwrnod a bennir fel y diwrnod y daw’r Cod Apelau Derbyn Ysgol (y gosodwyd copi o ddrafft ohono gerbron Cynulliad Cenedlaethol Cymru ar 4 Hydref 2013) i rym yw 1 Ionawr 2014.
Huw Lewis
Y Gweinidog Addysg a Sgiliau, un o Weinidogion Cymru
10 Rhagfyr 2013
(Nid yw’r nodyn hwn yn rhan o’r Gorchymyn)
Mae’r Gorchymyn hwn yn pennu 1 Ionawr 2014 fel y diwrnod y daw’r Cod Apelau Derbyn Ysgol (“y Cod Apelau”) a ddyroddwyd gan Weinidogion Cymru o dan adrannau 84 a 85 o Ddeddf Safonau a Fframwaith Ysgolion 1998 (“DSFfY 1998”) i rym. Mae’r Cod Apelau yn gymwys o ran Cymru.
Mae’r Cod Apelau yn disodli’r Cod Apelau Derbyn Ysgol a ddaeth i rym ar 15 Gorffennaf 2009. Mae’r Cod Apelau yn adlewyrchu’r newidiadau a wnaed i DSFfY 1998 ers y dyddiad hwnnw.
Mae’r Cod newydd yn gosod gofynion ac yn cynnwys canllawiau sy’n nodi nodau, amcanion a materion eraill mewn perthynas â’r trefniadau ar gyfer apelau mewn perthynas â derbyn i ysgolion. O dan adran 84(3) o DSFfY 1998, dyletswydd awdurdodau lleol, cyrff llywodraethu ysgolion a gynhelir, fforymau derbyn a phaneli apêl, wrth arfer swyddogaethau o dan Bennod 1 o Ran 3 o DSFfY 1998, yw gweithredu yn unol ag unrhyw ddarpariaethau perthnasol yn y Cod. Yn ogystal, rhaid i unrhyw berson arall, wrth arfer unrhyw swyddogaeth at ddiben cyflawni swyddogaethau gan awdurdod lleol neu gorff llywodraethu ysgol a gynhelir o dan y Bennod honno, weithredu yn unol ag unrhyw ddarpariaethau perthnasol yn y Cod.
Y prif newidiadau a gyflwynir gan y Cod yw:
(a)bod rhaid i awdurdodau derbyn sicrhau bod pob aelod o’r panel yn cael hyfforddiant bob tair blynedd;
(b)y caiff awdurdodau derbyn, wrth gynnal apelau, ddefnyddio eu hadeiladau eu hunain os oes angen ar yr amod eu bod o bellter addas o waith yr awdurdod derbyn; ac
(c)bod rhaid i aelodau’r panel ystyried a yw’r trefniadau derbyn yn cydymffurfio â Rhan 3 o DSFfY 1998 a’r Cod Derbyniadau Ysgol.
Daw’r Cod Apelau i rym ar 1 Ionawr 2014 ac mae’n gymwys i bob apêl y gwrandewir arni ar neu ar ôl y dyddiad hwnnw. Mae Cod Apelau Derbyn Ysgol 2009 yn gymwys i apelau y gwrandewir arnynt cyn y dyddiad hwnnw.
1998 p.31. Trosglwyddwyd swyddogaeth yr Ysgrifennydd Gwladol o dan yr adran hon i Gynulliad Cenedlaethol Cymru gan Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672) ac yna i Weinidogion Cymru gan baragraff 30 o Atodlen 11 i Ddeddf Llywodraeth Cymru 2006 (p.32).
Latest Available (revised):The latest available updated version of the legislation incorporating changes made by subsequent legislation and applied by our editorial team. Changes we have not yet applied to the text, can be found in the ‘Changes to Legislation’ area. The revised version is currently only available in English.
Original (As Enacted or Made) - English: The original English language version of the legislation as it stood when it was enacted or made. No changes have been applied to the text.
Original (As Enacted or Made) - Welsh:The original Welsh language version of the legislation as it stood when it was enacted or made. No changes have been applied to the text.
Access essential accompanying documents and information for this legislation item from this tab. Dependent on the legislation item being viewed this may include:
Use this menu to access essential accompanying documents and information for this legislation item. Dependent on the legislation item being viewed this may include:
Click 'View More' or select 'More Resources' tab for additional information including: