Offerynnau Statudol Cymru
Y DRETH GYNGOR, CYMRU
Gwnaed
4 Mawrth 2010
Gosodwyd gerbron Cynulliad Cenedlaethol Cymru
5 Mawrth 2010
Yn dod i rym
1 Ebrill 2010
1.—(1) Enw'r Rheoliadau hyn yw Rheoliadau'r Dreth Gyngor (Dosbarthau Rhagnodedig ar Anheddau) (Cymru) (Diwygio) 2010 a deuant i rym ar 1 Ebrill 2010.
(2) Mae'r Rheoliadau hyn yn gymwys o ran Cymru.
2.—(1) Diwygir Rheoliadau'r Dreth Gyngor (Dosbarthau Rhagnodedig ar Anheddau) (Cymru) 1998(3) yn unol â pharagraff (2).
(2) Yn rheoliad 2 (dehongli) yn lle'r diffiniad o “qualifying person” rhodder—
““qualifying person” means a person who is liable for the council tax in respect of a dwelling on a particular day, whether or not jointly with any other person, or who would be liable for the council tax in respect of a dwelling on a particular day if that dwelling did not fall within Class O of the Council Tax (Exempt Dwellings) Order 1992(4);”.
Carl Sargeant
Y Gweinidog dros Gyfiawnder Cymdeithasol a Llywodraeth Leol, un o Weinidogion Cymru
4 Mawrth 2010
(Nid yw'r nodyn hwn yn rhan o'r Rheoliadau)
Gwnaed y Rheoliadau hyn yn unol ag adran 12 o Ddeddf Cyllid Llywodraeth Leol 1992. Mae'r Rheoliadau hyn yn diwygio darpariaethau penodol yn Rheoliadau'r Dreth Gyngor (Dosbarthau Rhagnodedig ar Anheddau) (Cymru) 1998, i ddarparu bod personél y lluoedd arfog, pan yw'n ofynnol eu bod yn byw mewn llety a ddarperir gan y Weinyddiaeth Amddiffyn er mwyn cyflawni dyletswyddau'u swyddi, yn dod o fewn y diffiniad o rai sydd â'u hanheddau'n berthynol i'w swyddi. Effaith hyn, pan fo gan y personau hynny ail gartref yng Nghymru ac yn atebol i dalu'r dreth gyngor arno, yw rhwystro'r awdurdod bilio ar gyfer yr ardal y lleolir yr ail gartref ynddi rhag lleihau'r disgownt ar yr annedd honno islaw 50%.
Ni pharatowyd asesiad effaith rheoleiddiol llawn ar gyfer yr offeryn hwn, gan nad yw'n effeithio ar gostau busnesau, elusennau na chyrff gwirfoddol.
Trosglwyddwyd y swyddogaethau hyn i Gynulliad Cenedlaethol Cymru gan Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672) a breiniwyd hwy bellach yng Ngweinidogion Cymru yn rhinwedd paragraff 30 o Atodlen 11 i Ddeddf Llywodraeth Cymru 2006 (p.32).