Offerynnau Statudol Cymru

2009 Rhif 780 (Cy.68)

BYWYD GWYLLT, CYMRU

Gorchymyn Deddf Bywyd Gwyllt a Chefn Gwlad 1981 (Amrywio Atodlen 4) (Cymru) 2009

Gwnaed

24 Mawrth 2009

Gosodwyd gerbron Cynulliad Cenedlaethol Cymru

26 Mawrth 2009

Yn dod i rym

23 Ebrill 2009

At ddibenion adran 26(4)(a) o Ddeddf Bywyd Gwyllt a Chefn Gwlad1981(1) mae Gweinidogion Cymru o'r farn nad yw'r Gorchymyn hwn yn effeithio ar unrhyw awdurdod lleol.

Mae Gweinidogion Cymru —

(a) yn unol â'r ddarpariaeth honno, wedi rhoi cyfle i unrhyw berson arall yr effeithir arno gyflwyno gwrthwynebiadau neu sylwadau mewn perthynas â phwnc y Gorchymyn hwn;

(b) yn unol ag adran 26(4)(b) o Ddeddf Bywyd Gwyllt a Chefn Gwlad 1981, wedi ymgynghori â'r Cyd-bwyllgor Cadwraeth Natur(2), sef y corff cynghori y mae Gweinidogion Cymru o'r farn sy'n gallu cynghori orau a ddylid gwneud y Gorchymyn hwn ai peidio.

Trwy arfer y pwerau a roddwyd gan adran 22(1) o Ddeddf Bywyd Gwyllt a Chefn Gwlad 1981(3), mae Gweinidogion Cymru(4) yn gwneud y Gorchymyn canlynol:

Enwi, cychwyn a chymhwyso

1.   Enw'r Gorchymyn hwn yw Gorchymyn Deddf Bywyd Gwyllt a Chefn Gwlad 1981 (Amrywio Atodlen 4) (Cymru) 2009, a daw i rym ar 23 Ebrill 2009 ac mae'n gymwys o ran Cymru.

Amrywio Atodlen 4

2.—( 1) Diwygir Atodlen 4(5) i Ddeddf Bywyd Gwyllt a Chefn Gwlad 1981 (adar y mae'n rhaid eu cofrestru a'u modrwyo os cedwir hwy yn gaeth) fel a ganlyn.

(2) Hepgorir yr adar canlynol—

Common name	Scientific name
Bunting, Cirl	Emberiza cirlus
Bunting, Lapland	Calcarius lapponicus
Bunting, Snow	Plectrophenax nivalis
Eagle, Adalbert's	Aquila adalberti
Eagle, Great Philippine	Pithecophaga jefferyi
Eagle. Imperial	Aquila heliaca
Eagle, New Guinea	Harpyopsis novaeguineae
Chough	Pyrrhocorax pyrrhocorax
Crossbills (all species)	Loxia spp
Falcon, Barbary	Falco pelegrinoides
Falcon, Gyr	Falco rusticolus
Fieldfare	Turdus pilaris
Firecrest	Regulus ignicapillus
Fish-Eagle, Madagascar	Haliaeetus vociferoides
Forest-Falcon, Plumbeous	Micrastur plumbeus
Harrier, Hen	Circus cyaneus
Hawk, Galapagos	Buteo galapagoensis
Hawk, Grey-backed	Leucopternis occidentalis
Hawk, Hawaiian	Buteo solitarius
Hawk, Ridgway's	Buteo ridgwayi
Hawk, White-necked	Leucopternis lacernulata
Hawk-Eagle, Wallace's	Spizaetus nanus
Hobby	Falco subbuteo
Honey-Buzzard, Black	Henicopernis infuscatus
Kestrel, Lesser	Falco naumanni
Kestrel, Mauritius	Falco punctatus
Kite, Red	Milvus, milvus
Oriole, Golden	Oriolus, oriolus
Redstart, Black	Phoenicurus ochruros
Redwing	Turdus iliacus
Sea-Eagle, Pallas'	Haliaeetus leucoryphus
Sea-Eagle, Steller's	Haliaeetus pelagicus
Serin	Serinus serinus
Serpent-Eagle, Andaman	Spilornis elgini
Serpent-Eagle, Madagascar	Eutriorchis astur
Serpent-Eagle, Mountain	Spilornis kinabaluensis
Shorelark	Eremophila alpestris
Shrike, Red-backed	Lanius collurio
Sparrowhawk, Gundlach's	Accipiter gundlachi
Sparrowhawk, Imitator	Accipiter imitator
Sparrowhawk, New Britain	Accipiter brachyurus
Sparrowhawk, Small	Accipiter nanus
Tit, Bearded	Panurus biarmicus
Tit, Crested	Parus cristatus
Warbler, Cetti's	Cettia cetti
Warbler, Dartford	Sylvia undata
Warbler, Marsh	Acrocephalus palustris
Warbler, Savi's	Locustella luscinioides
Woodlark	Lullula arborea
Wryneck	Jynx torquilla

(3) Hepgorir y geiriau “Any bird one of whose parents or other lineal ancestor was a bird of a kind specified in the foregoing provisions of this Schedule”.

Dirymu

3.   Dirymir Erthygl 3 o Orchymyn Deddf Bywyd Gwyllt a Chefn Gwlad 1981(Amrywio Atodlen 4).

Jane Davidson

Y Gweinidog dros yr Amgylchedd, Cynaliadwyedd a Thai, un o Weinidogion Cymru

24 Mawrth 2009

Nodyn Esboniadol

(Nid yw'r nodyn hwn yn rhan o'r Gorchymyn)

Mae adran 7 o Ddeddf Bywyd Gwyllt a Chefn Gwlad 1981 (“y Ddeddf”), ynghyd â Rheoliadau a wnaed o dan yr adran honno, yn darparu at gyfer cofrestru a modrwyo neu farcio adar a gedwir mewn caethiwed ac a restrir yn Atodlen 4 i'r Ddeddf.

Mae Erthygl 3 o'r Gorchymyn hwn yn tynnu'r adar a restrir yn yr erthygl honno oddi ar Atodlen 4 i'r Ddeddf. Mae hefyd yn tynnu allan y cyfeiriad at gymysgrywiau fel nad yw Atodlen 4 bellach yn cynnwys cymysgrywiau o'r rhywogaethau o adar ar y rhestr.

O'r dyddiad y daw'r Gorchymyn hwn i rym, dyma'r adar a gynhwysir yn Atodlen 4 i'r Ddeddf —

Enw cyffredin	Enw gwyddonol
Buzzard, Honey	Pernis apivorus
Eagle, Golden	Aquila chrysaetos
Eagle, White-tailed	Haliaeetus albicilla
Falcon, Peregrine	Falco peregrinus
Goshawk	Accipiter gentilis
Harrier, Marsh	Circus aeruginosus
Harrier, Montagu's	Circus pygargus
Merlin	Falco columbarius
Osprey	Pandion haliaetus

Mae Erthygl 4 yn cynnwys dirymiad canlyniadol o Erthygl 3 o Orchymyn Deddf Bywyd Gwyllt a Chefn Gwlad 1981 (Amrywio Atodlen 4) 1994 (O.S. 1994/1151).

Paratowyd Asesiad Effaith Rheoleiddiol llawn o'r effaith a gaiff yr offeryn hwn ar gostau busnes a'r sector wirfoddol mewn perthynas â'r Gorchymyn hwn. Mae copi o'r Asesiad Effaith ar gael gan Adran yr Amgylchedd, Cynaliadwyedd a Thai, Yr Uned Natur, Mynediad a'r Môr, Adeiladau'r Goron, Stryd y Dollborth, Aberystwyth, neu gellir ei weld ar wefan Cynulliad Cenedlaethol Cymru ar www.cynulliadcymru.org .

(1)

1981 p.69.

(2)

Gweler y diffiniad o “advisory body” yn adrannau 23(3) a 27(1) o Ddeddf Bywyd Gwyllt a Chefn Gwlad 1981. Sefydlwyd y Cyd-bwyllgor Cadwraeth Natur o dan adran 128(4) o Ddeddf Diogelu'r Amgylchedd 1990 (p.43) ac mae'n parhau mewn bodolaeth (er ei fod wedi'i ail gyfansoddi) o dan adran 31 o Ddeddf yr Amgylchedd Naturiol a Chymunedau Gwledig 2006 (p.16).

(3)

Diwygiwyd adran 22(1) o Ddeddf Bywyd Gwyllt a Chefn Gwlad 1981 gan adrannau 47(1) a (5) o Ddeddf yr Amgylchedd Naturiol a Chymunedau Gwledig 2006.

(4)

Trosglwyddwyd pwerau'r Ysgrifennydd Gwladol o dan adran 22(1) o Ddeddf Bywyd Gwyllt a Chefn Gwlad 1981 i Gynulliad Cenedlaethol Cymru gan Erthygl 2 o Orchymyn Cynulliad Cenedlaethol Cymru (Trosglwyddo Swyddogaethau) 1999 ac Atodlen 1 iddo (O.S. 1999/672) a'u trosglwyddo wedi hynny i Weinidogion Cymru gan adran 162 o Ddeddf Llywodraeth Cymru 2006 a pharagraff 30 o Atodlen 11 iddi (p.32).

(5)

Diwygiwyd Atodlen 4 gan Orchymyn Deddf Bywyd Gwyllt a Chefn Gwlad 1981 (Amrywio Atodlen 4) 1994 (O.S. 1994/1151).