Rheoliad 2(1)
| Darpariaeth Rheoliad 1333/2008 | Y Pwnc |
|---|---|
| Erthygl 4.1 (fel y'i darllenir ar y cyd ag Erthyglau 11.3 a 4, 12, 13.2, 15, 16 ac 18.1(a), 2 a 3) | Gofyniad mai ychwanegion bwyd a gynhwysir yn y rhestr yn Atodiad II i Reoliad 1333/2008, yn unig, a osodir ar y farchnad fel y cyfryw, ac y'u defnyddir yn unol ag unrhyw amodau a bennir yn yr Atodiad hwnnw. |
| Erthygl 4.5 | Gofyniad bod ychwanegion bwyd yn cydymffurfio â'r manylebau y cyfeirir atynt yn Erthygl 14 o Reoliad 1333/2008. |
| Erthygl 5 | Gwaharddiad ar osod ar y farchnad ychwanegion bwyd neu fwyd sy'n cynnwys ychwanegion bwyd, os nad yw'r defnydd o'r ychwanegyn bwyd yn cydymffurfio â Rheoliad 1333/2008. |
| Erthygl 11.2 | Gofyniad i ddefnyddio ychwanegion bwyd yn unol ag egwyddor y quantum satis, nad yw'n pennu unrhyw lefel uchaf rifyddegol benodol ar gyfer yr ychwanegyn dan sylw. |
| Erthygl 15 | Gwaharddiad ar ddefnyddio ychwanegion bwyd mewn bwydydd nas prosesir ac eithrio fel y darperir yn Atodiad II i Reoliad 1333/2008. |
| Erthygl 16 | Gwaharddiad ar ddefnyddio ychwanegion bwyd mewn bwydydd ar gyfer babanod a phlant ifanc (gan gynnwys bwydydd dietegol i fabanod a phlant ifanc at ddibenion meddygol arbennig) ac eithrio fel y darperir yn Atodiad II i Reoliad 1333/2008. |
| Erthygl 17 | Gofyniad i ddefnyddio'r lliwiau bwyd hynny, yn unig, a restrir yn Atodiad II i Reoliad 1333/2008, at ddibenion marcio iechyd ar gig neu gynhyrchion cig, lliwio addurniadol ar blisgyn wyau neu stampio plisgyn wyau. |
| Erthygl 18.1(b) (fel y'i darllenir ar y cyd ag Erthygl 18.2) | Gofyniad na chaiff ychwanegion bwyd fod yn bresennol mewn bwyd yr ychwanegwyd ychwanegyn bwyd, ensym bwyd neu gyflasyn bwyd ato, onid yw'r ychwanegyn yn un a ganiateir yn yr ychwanegyn, ensym neu gyflasyn o dan Reoliad 1333/2008, ei fod wedi ei gludo drosodd i'r bwyd drwy gyfrwng yr ychwanegyn, ensym neu gyflasyn, ac nad oes iddo swyddogaeth dechnolegol yn y bwyd terfynol. |
| Erthygl 18.1(c) (fel y'i darllenir ar y cyd ag Erthygl 18.2) | Gofyniad na chaiff ychwanegion bwyd fod yn bresennol mewn bwydydd sydd i'w defnyddio yn unig i baratoi bwyd cyfansawdd, oni fydd y bwyd cyfansawdd yn cydymffurfio â Rheoliad 1333/2008. |
| Erthygl 18.4 | Gofyniad na cheir defnyddio ychwanegion bwyd yn felysyddion mewn bwydydd cyfansawdd sydd heb siwgrau ychwanegol, bwydydd cyfansawdd ynni isel sydd heb siwgrau ychwanegol, bwydydd cyfansawdd ynni isel, bwydydd dietegol cyfansawdd a fwriedir ar gyfer dietau calor 149 au isel, bwydydd cyfansawdd gwrth-gariogenig a bwydydd cyfansawdd sydd ag oes silff estynedig, oni fydd y melysydd yn un a ganiateir yn unrhyw un o gynhwysion y bwyd cyfansawdd. |
| Erthygl 21.1 | Gofyniad bod ychwanegion bwyd nas bwriedir ar gyfer eu gwerthu i'r defnyddwyr terfynol yn cael eu labelu, yn unol ag Erthygl 22 o Reoliad 1333/2008, yn weladwy, yn eglur ddarllenadwy ac yn annileadwy mewn iaith a ddeellir yn hawdd gan y prynwyr. |
| Erthygl 22.1 (fel y'i darllenir ar y cyd ag Erthygl 22.4 a 5 a'r ail baragraff o Erthygl 31) | Gofyniad na cheir gwerthu ychwanegion bwyd, nas bwriedir ar gyfer eu gwerthu i'r defnyddwyr terfynol, oni ddangosir gwybodaeth benodedig ar eu pecynnau neu'u cynhwysyddion. |
| Erthygl 22.2 (fel y'i darllenir ar y cyd ag Erthygl 22.4 a 5 a'r ail baragraff o Erthygl 31) | Gofyniad na cheir gwerthu ychwanegion bwyd a gymysgwyd â'i gilydd ac/neu â chynhwysion bwyd eraill oni dangosir, ar eu pecynnau neu'u cynhwysyddion, restr o'r cynhwysion yn nhrefn ddisgynnol eu pwysau fel canran o'r cyfanswm. |
| Erthygl 22.3 (fel y'i darllenir ar y cyd ag Erthygl 22.4 a 5 a'r ail baragraff o Erthygl 31) | Gofyniad, pan ychwanegir sylweddau (gan gynnwys ychwanegion bwyd neu gynhwysion bwyd eraill) at ychwanegion bwyd i hwyluso'u storio, eu gwerthu, eu safoni neu'u hydoddi, y dangosir, ar eu pecynnau neu'u cynhwysyddion, restr o'r holl sylweddau o'r fath yn nhrefn ddisgynnol eu pwysau fel canran o'r cyfanswm. |
| Erthygl 23.1 (fel y'i darllenir ar y cyd ag Erthygl 23.2 a 5) | Gwaharddiad ar farchnata ychwanegion bwyd, a werthir yn unigol neu'n gymysg â'i gilydd ac/neu'n gymysg â chynhwysion bwyd eraill, ac a fwriedir ar gyfer eu gwerthu i'r defnyddwyr terfynol, oni ddangosir gwybodaeth benodedig ar eu pecynnau. |
| Erthygl 23.3 (fel y'i darllenir ar y cyd ag Erthygl 23.5) | Gofyniad bod y labelu ar felysyddion pen-bwrdd sy'n cynnwys polyolau ac/neu aspartame ac/neu halen aspartame-acesulfame yn cynnwys rhybuddion penodedig. |
| Erthygl 26.1 | Gofyniad bod cynhyrchwyr a defnyddwyr ychwanegion bwyd yn hysbysu'r Comisiwn ar unwaith ynghylch unrhyw wybodaeth wyddonol neu dechnegol newydd a allai effeithio ar yr asesiad o ddiogelwch yr ychwanegyn bwyd dan sylw. |
| Erthygl 26.2 | Gofyniad bod cynhyrchwyr a defnyddwyr ychwanegion bwyd, ar gais y Comisiwn, yn ei hysbysu ynghylch y defnydd gwirioneddol o'r ychwanegyn bwyd dan sylw. |