Offerynnau Statudol

2009 Rhif 2706 (Cy.225)

Y DRETH GYNGOR, CYMRU

ARDRETHU A PHRISIO, CYMRU

Gorchymyn y Dreth Gyngor ac Ardrethu Annomestig (Cyfathrebiadau Electronig) (Cymru) 2009

Gwnaed

1 Hydref 2009

Gosodwyd gerbron Cynulliad Cenedlaethol Cymru

6 Hydref 2009

Yn dod i rym

31 Hydref 2009

Mae Gweinidogion Cymru, (a) gan ystyried fod awdurdodi defnyddio cyfathrebiadau electronig gan y Gorchymyn hwn at unrhyw ddiben yn gyfryw ag na fyddai'r rhychwant (os oes un) y bydd cofnodion o bethau a wnaed at y diben hwnnw ar gael yn llai boddhaol mewn achosion lle defnyddir cyfathrebiadau electronig nac mewn achosion eraill; (b) gyda chydsyniad yr Ysgrifennydd Gwladol(1); ac (c) drwy arfer y pwerau a roddwyd i Gynulliad Cenedlaethol Cymru gan adrannau 8 a 10 o Ddeddf Cyfathrebiadau Electronig 2000(2) ac a freiniwyd bellach ynddynt hwy(3) drwy hyn yn gwneud y Gorchymyn a ganlyn:

(1)

Gweler adran 10(5) o Ddeddf Cyfathrebiadau Electronig 2000 (p.7).

(2)

2000 p.7.

(3)

Trosglwyddwyd y swyddogaethau a roddwyd i Gynulliad Cenedlaethol Cymru gan adrannau 8 a 10 o Ddeddf Cyfathrebiadau Electronig 2000 i Weinidogion Cymru yn rhinwedd adran 162 o Ddeddf Llywodraeth Cymru 2006 (p.32) a pharagraff 30 o Atodlen 11 iddi. Trosglwyddwyd y pwerau y gwnaed Rheoliadau'r Dreth Gyngor (Gweinyddu a Gorfodi) 1992 (O.S. 1992/613), Rheoliadau Ardrethu Annomestig (Casglu a Gorfodi) (Rhestri Lleol) 1989 (O.S. 1989/1058) a Rheoliadau Ardrethu Annomestig (Casglu a Gorfodi) (Rhestri Canolog) 1989 (O.S. 1989/2260) oddi tanynt, o ran Cymru, i Gynulliad Cenedlaethol Cymru gan Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672); gweler y cyfeiriad at Ddeddf Cyllid Llywodraeth Leol 1988 a Deddf Cyllid Llywodraeth Leol 1992 yn Atodlen 1. Yn ddiweddarach breiniwyd y swyddogaethau yng Ngweinidogion Cymru yn rhinwedd adran 162 o Ddeddf Llywodraeth Cymru 2006, a pharagraff 30 o Atodlen 11 iddi.