Nodyn Esboniadol

(Nid yw'r nodyn hwn yn rhan o'r Rheoliadau)

1.   Mae'r Rheoliadau hyn yn diwygio ymhellach Reoliadau Labelu Bwyd 1996 (“y prif Reoliadau”) i'r graddau y maent yn gymwys o ran Cymru. Mae'r prif Reoliadau yn rhychwantu Prydain Fawr gyfan.

2.   Mae'r Rheoliadau hyn yn gweithredu yng Nghymru Gyfarwyddeb y Comisiwn 2008/100/EC sy'n diwygio Cyfarwyddeb y Cyngor 90/496/EEC am labeli maeth ar gyfer deunyddiau bwyd o ran lwfansau dyddiol a argymhellir, ffactorau trosi ynni a diffiniadau (OJ Rhif L285, 29.10.2008, t.9) (“Cyfarwyddeb y Comisiwn”).

3.   Mae'r Rheoliadau yn gweithredu Cyfarwyddeb y Comisiwn drwy ddiwygio'r prif Reoliadau yn y fath fodd ag i wneud y canlynol—

(a) cynnwys diffiniad o “fibre” (rheoliad 2(2));

(b) diwygio'r rhestrau o fitaminau a mwynau y caniateir gwneud honiadau maeth amdanynt, o ran y sylweddau sydd wedi'u cynnwys a'r lwfansau dyddiol a argymhellir (rheoliad 2(3) ac Atodlenni 1 a 2);

(c) darparu ffactorau trosi ar gyfer cyfrifo gwerth ynni ffibr ac erythritol (rheoliad 2(4)); ac

(ch) darparu ar gyfer cyfnod trosiannol i gyflwyno ynddo y darpariaethau newydd fesul cam (rheoliad 3).

4.   Mae asesiad effaith rheoleiddiol llawn o effaith yr offeryn hwn ar gostau busnes ar gael oddi wrth yr Asiantaeth Safonau Bwyd, Llawr 11, Tŷ Southgate, Caerdydd CF10 1EW.