Dehongli

2.   Yn y Rheoliadau hyn—

• ystyr “argymhelliad meddygol” (“medical recommendation”) yw argymhelliad meddygol fel a grybwyllir yn adran 12(1) o'r Ddeddf at ddibenion cais;

• ystyr “asesydd” (“assessor”) yw—

  (a)

  GPIMC sy'n ystyried gwneud cais, neu

  (b)

  ymarferydd meddygol cofrestredig sy'n ystyried rhoi argymhelliad meddygol;

• ystyr “cais” (“application”) yw cais a grybwyllir yn adran 11(1) o'r Ddeddf;

• ystyr “y Ddeddf” (“the Act”) yw Deddf Iechyd Meddwl 1983(1);

• ystyr “GPIMC” (“AMHP”) yw gweithiwr proffesiynol iechyd meddwl cymeradwy;

• mae cyfeiriadau at “perthynas agosaf” (“nearest relative”) yn cynnwys unrhyw berson a benodwyd am y tro i weithredu swyddogaethau'r perthynas agosaf yn rhinwedd gorchymyn a wnaed o dan adran 29 o'r Ddeddf, rheoliad 33 o Reoliadau Iechyd Meddwl (Ysbyty, Gwarcheidiaeth, Triniaeth Gymunedol a Chydsynio â Thriniaeth) (Cymru) 2008 neu reoliad 24 o Reoliadau Iechyd Meddwl (Ysbyty, Gwarcheidiaeth a Thriniaeth) (Lloegr) 2008.

(1)

1983 p.20 (fel y'i diwygiwyd gan Ddeddf Iechyd Meddwl 2007 p.12).