Nodyn Esboniadol

(Nid yw'r nodyn hwn yn rhan o'r Rheoliadau)

Mae'r Rheoliadau hyn yn diwygio Rheoliadau Iechyd Planhigion (Ffioedd Arolygu Mewnforio) (Cymru) (Rhif 2) 2006 (O.S. 2006/2832 (Cy.253)) (“y prif Reoliadau”). Mae'r prif Reoliadau yn rhoi ar waith Erthygl 13d o Gyfarwyddeb y Cyngor 2000/29/EC (OJ Rhif L 169, 10.7.00, t. 1), sy'n ei gwneud yn ofynnol i Aelod-wladwriaethau godi ffioedd i dalu'r costau sy'n digwydd oherwydd gwiriadau dogfennol, gwiriadau adnabod a gwiriadau iechyd planhigion ar fewnforion penodol o ran planhigion, cynhyrchion planhigion a phethau eraill o drydydd gwledydd.

Mae'r Rheoliadau hyn: (a) yn ymestyn cymhwysiad y prif Reoliadau at lwythi sydd wedi'u ffurfio o nwyddau sy'n tramwy o fewn y Gymuned Ewropeaidd y cytunodd Gweinidogion Cymru gyda chorff swyddogol pwynt mynediad y nwyddau hyn yn unol â Gorchymyn Iechyd Planhigion (Cymru) 2006 (O.S. 2006/1643 (Cy.158)), y byddent hwy, Gweinidogion Cymru, yn gyfrifol am faterion penodol; a (b) yn gosod Atodlen 2 newydd yn lle'r un bresennol yn y prif Reoliadau, i roi eu heffaith i'r cyfraddau gostyngol diweddaraf y cytunwyd arnynt ar gyfer arolygiadau o ddeunydd penodol. (Mae Atodlen 2 i'r prif Reoliadau yn cynnwys darpariaeth am gyfraddau gostyngol ar gyfer planhigion penodol a chynhyrchion planhigion penodol a'r rheini'n gyfraddau y cytunwyd arnynt o dan y weithdrefn y darperir ar ei chyfer yn Erthyglau 13d(2) a 18(2) o'r Gyfarwyddeb.) Mae'r newidiadau i'r ffioedd a wneir gan y rheoliadau hyn, sydd wedi'u gosod ar gyfran o'r ffi safonol (a ddisgrifir yn Atodlen 1 i'r prif Reoliadau) sy'n cyfateb i gyfradd yr arolygiadau, yn seiliedig ar gyfraddau arolygu y cytunwyd arnynt ac a osodir isod:

Cafodd asesiad effaith rheoleiddiol ei baratoi mewn perthynas â rhagflaenydd y prif Reoliadau (O.S. 2006/171 (Cy.22)). Gellir cael copi ohono gan yr Adran dros yr Amgylchedd, Cynllunio a Chefn Gwlad, Llywodraeth Cynulliad Cymru, Parc Cathays, Caerdydd CF10 3NQ.

Genws	Gwlad tarddiad	Cyfradd flaenorol yr arolygiadau	Ffi gychwynnol(1)	Cyfradd newydd yr arolygiadau	Ffi gychwynnol, a bennir yn Atodlen 2
(1) Y ffi gychwynnol fesul llwyth ar gyfer blodau wedi'u torri (hyd at 20,000 o ran nifer) a ffrwythau a llysiau (hyd at 25,000 kg o ran pwysau). Gosodir ffioedd cyfatebol yn y Rheoliadau ar gyfer niferoedd ychwanegol, yr uchafbris fesul llwyth ac ar gyfer oriau gwaith heb fod yn ystod y dydd.
(2) Mae llwythi sy'n ddarostyngedig i gyfradd arolygu o 100% wedi'u heithrio o'r cynllun cyfraddau arolygu gostyngol ac maent yn ddarostyngedig i'r ffioedd arolygu mewnforio a bennir yn Atodlen 1 i'r prif Reoliadau.
Blodau wedi'u torri
Aster	Zimbabwe	50%	£6.62	100%(2)	—
Dianthus	Israel	25%	£3.31	35%	£4.63
Dianthus	Moroco	50%	£6.62	100%	—
Rosa	Ecuador	5%	£0.66	3%	£0.40
Rosa	Ethiopia	25%	£3.31	5%	£0.66
Rosa	Israel	10%	£1.32	100%	—
Rosa	Kenya	1%	£0.13	5%	£0.66
Rosa	Tanzania	25%	£3.31	15%	£1.98
Rosa	Uganda	5%	£0.66	10%	£1.32
Rosa	Zimbabwe	25%	£3.31	50%	£6.62
Ffrwythau
Fortunella	Israel	50%	£6.62	100%	—
Fortunella	De Affrica	75%	£9.93	100%	—
Malus	UDA	15%	£1.98	25%	£3.31
Mangifera	Brasil	10%	£1.32	5%	£0.66
Passiflora	De Affrica	75%	£9.93	50%	£6.62
Prunus	Yr Ariannin	15%	£1.98	25%	£3.31
Prunus	Chile	10%	£1.32	15%	£1.98
Prunus	Twrci	15%	£1.98	10%	£1.32
Prunus	UDA	35%	£4.63	50%	£6.62
Pyrus	Yr Ariannin	15%	£1.98	25%	£3.31
Pyrus	Chile	25%	£3.31	35%	£4.63
Pyrus	De Affrica	10%	£1.32	15%	£1.98
Citrus	Israel	15%	£1.98	25%	£3.31
Citrus	Periw	75%	£9.93	25%	£3.31
Citrus	Twrci	15%	£1.98	5%	£0.66
Citrus	UDA	15%	£1.98	10%	£1.32
Citrus	Zimbabwe	75%	£9.93	100%	—
Llysiau
Solanum melongena	Twrci	75%	£9.93	25%	£3.31