Rheoliadau 2(1) a (16)(2)

ATODLEN 1 Amodau ar gyfer trin dŵr mwynol naturiol a dŵr ffynnon gydag aer a gyfoethogwyd ag osôn

1.  Ni cheir trin dŵr mwynol naturiol a dŵr ffynnon gydag aer a gyfoethogwyd ag osôn ond —

(a) os yw at ddibenion gwahanu cyfansoddion haearn, manganis, sylffwr ac arsenig o ddŵr lle y maent yn digwydd yn naturiol yn y ffynhonnell;

(b) os bydd gofynion paragraffau 3, 4 a 5 o Atodlen 4 wedi'u bodloni cyn y driniaeth; ac

(c) os na fydd i'r driniaeth gamau diheintio.

2.  Rhaid i'r driniaeth ar gyfer dŵr mwynol naturiol a dŵr ffynnon gydag aer a gyfoethogwyd ag osôn beidio â gwneud y canlynol—

(a) addasu cyfansoddiad ffisigocemegol y dŵr o ran ei ansoddau nodweddiadol; neu

(b) gadael gweddillion yn y dŵr a allai fod yn risg i iechyd cyhoeddus, neu, yn achos y sylweddau a restrir isod, yn uwch na'r lefelau penodedig.

Trin y gweddill	Terfyn uchaf(μg/l)
Osôn toddedig	50
Bromad	3
Bromofform	1

3.  Rhaid i berson sy'n ceisio cael awdurdodiad i driniaeth ag aer a gyfoethogwyd ag osôn—

(a) gwneud cais ysgrifenedig i'r awdurdod perthnasol y mae'r dŵr a echdynnir yn ei ardal;

(b) caniatáu i gynrychiolwyr yr awdurdod hwnnw archwilio'r dull o drin arfaethedig, a lle'r driniaeth a chymryd samplau ar gyfer eu dadansoddi yn unol â rheoliad 17; ac

(c) darparu'r wybodaeth honno i gefnogi'r cais fel y bo'r awdurdod perthnasol yn gofyn amdani.

4.  Rhaid i'r awdurdod perthnasol asesu'r cais ac unrhyw wybodaeth sydd yn ei feddiant a rhaid iddo awdurdodi'r driniaeth os cafodd ei fodloni —

(a) bod cyfiawnhad i'r driniaeth oherwydd cyfansoddiad y dwr yn ei ffynhonnell;

(b) bod y person sy'n cyflawni'r driniaeth yn cymryd pob mesur angenrheidiol i sicrhau bod y driniaeth yn effeithiol ac yn ddiogel; ac

(c) bod y driniaeth fel arall yn cydymffurfio â pharagraffau 1 a 2.

5.  Os bydd yr awdurdod perthnasol yn penderfynu awdurdodi triniaeth yn unol â pharagraff 4, rhaid iddo hysbysu'r gweithredydd o'r driniaeth yn ysgrifenedig a datgan y dyddiad pan fydd yr awdurdodiad ar gyfer defnydd masnachol o'r driniaeth yn effeithiol.

6.  Os bydd yr awdurdod perthnasol yn gwrthod awdurdodi triniaeth yn unol â pharagraff 4, rhaid iddo hysbysu'r gweithredydd o'r driniaeth yn ysgrifenedig, gan ddatgan ei resymau.

7.  Os bydd triniaeth wedi cael ei hawdurdodi yn unol â pharagraff 4, rhaid i'r person sy'n cyflawni'r driniaeth, er mwyn galluogi'r awdurdod perthnasol i asesu p'un a yw'r amodau ym mharagraff 4(a) a (b) yn parhau i gael eu bodloni—

(a) caniatáu cynrychiolwyr yr awdurdod i archwilio dull y driniaeth a lle'r driniaeth a chymryd samplau ar gyfer eu dadansoddi yn unol â rheoliad 17; a

(b) darparu'r wybodaeth honno ynghylch y driniaeth y bydd yr awdurdod yn gofyn amdani.

8.  Os bydd yr awdurdod perthnasol wedi'i fodloni nad yw'r amodau a bennir ym mharagraff 4 bellach yn cael eu cyflawni, caiff dynnu'n ôl awdurdodiad o driniaeth drwy roi i'r person sy'n gweithredu'r driniaeth honno hysbysiad ysgrifenedig yn datgan y rhesymau dros dynnu'n ôl.

9.  Os bydd yr awdurdod perthnasol wedi hysbysu gweithredydd o dan baragraff 6 o'i wrthodiad i awdurdodi triniaeth o dan baragraff 4 neu os yw'n tynnu awdurdodiad o driniaeth yn ôl o dan baragraff 8, caniateir i'r person sy'n dymuno cyflawni'r driniaeth wneud cais i'r Asiantaeth adolygu'r penderfyniad hwnnw.

10.  Wrth i gais am adolygiad ddod i law'r Asiantaeth rhaid iddi ymchwilio i'r mater yn y fath fodd y mae'n ymddangos i'r Asiantaeth sy'n briodol ac, ar ôl iddi ystyried canlyniadau'r ymchwiliad hwnnw ac unrhyw ffeithiau perthnasol a ddaw i'r golwg drwyddo, rhaid iddi naill ai gadarnhau'r penderfyniad neu gyfarwyddo'r awdurdod perthnasol i roi neu adfer, fel y bo'n briodol, awdurdodiad o'r broses drin a weithredir. Yn achos cyfarwyddyd o'r fath rhaid i'r awdurdod perthnasol ar hynny gydymffurfio â'r cyfryw gyfarwyddyd.

Rheoliadau 2(1), 10(1)(b), 13, 19 a 21(2)

ATODLEN 2 Gofynion ar gyfer dŵr ffynnon a dŵr yfed gan gynnwys crynodiadau a ragnodwyd neu werthoedd paramedrau

RHAN 1 Gofynion ar gyfer dŵr ffynnon a dŵr yfed

1.  Mae dŵr yn bodloni gofynion yr Atodlen hon —

(a) os nad yw'r dŵr yn cynnwys—

(i) unrhyw ficro-organebau (heblaw paramedr) neu barasit, neu

(ii) unrhyw briodwedd, elfen neu sylwedd (heblaw paramedr),

mewn crynodiad neu werth a fyddai'n golygu perygl bosibl i iechyd dynol;

(b) os nad yw'r dŵr yn cynnwys unrhyw sylwedd (p'un a ydyw'n baramedr ai peidio) ar grynodiad neu werth a fyddai, ar y cyd ag unrhyw briodwedd, elfen, sylwedd neu organeb arall y mae'n eu cynnwys (p'un a ydyw'n baramedr ai peidio), yn golygu perygl bosibl i iechyd dynol;

(c) os nad yw'r dŵr yn cynnwys crynodiadau neu werthoedd o unrhyw rai o'r paramedrau a restrir yn Nhablau A i Ch yn Rhan 2 o'r Atodlen hon yn fwy na'r crynodiadau neu werthoedd a ragnodwyd; a

(ch) yn achos dŵr a gafodd ei baratoi o ddŵr sydd wedi'i feddalu neu wedi'i ddihalwyno, os nad yw ei galedwch yn is na'r crynodiad isaf o 60 mg Ca/l.

2.  Rhaid darllen crynodiadau neu werthoedd y paramedrau a restrir yn Nhabl A i Ch yn Rhan 2 o'r Atodlen hon ar y cyd â'r nodiadau ar eu cyfer.

RHAN 2 Crynodiadau neu werthoedd a ragnodwyd

Tabl A

Colofn 1	Colofn 2	Colofn 3	Colofn 4
Eitem	Paramedrau	Unedau Mesur	Crynodiad neu Werth (mwyafswm oni nodir fel arall)
Nodiadau: 1. Rhaid i grynodiad (mg/l) nitrad wedi'i rannu â 50 a ychwanegir i grynodiad (mg/l) o nitrid wedi'i rannu â 3 beidio â bod yn fwy nag 1. 2. Ac eithrio tritiwm, potasiwm-40, radon a chynhyrchion dadfeilio radon.
1.	Lliw	graddfa mg/1 Pt/Co	20
2.	Cymylogrwydd	NTU	4
3.	Arogl	Rhif gwanediad	3 ar 25°C
4.	Blas	Rhif gwanediad	3 ar 25°C
5.	Sylffad	mg SO4/1	250
6.	Sodiwm	mg Na/l	200
7.	Nitrad	mg NO3/l	50 (nodyn 1)
8.	Nitrid	mg NO2/l	0.5 (nodyn 1)
9.	Alwminiwm	μgAl/l	200
10.	Copr	mg Cu/l	2
11.	Fflworid	mg F/l	1.5
12.	Crynodiad ïonau hydrogen	unedau pH	4.5 (lleiafswm) 9.5 (mwyafswm)
13.	Tritiwm (ar gyfer ymbelydredd)	Bq/l	100
14.	Cyfanswm dogn dangosiadol	mSv/ flwyddyn	0.10 (nodyn 2)
15.	Manganis	μg Mn/l	50

TABL B

Colofn 1	Colofn 2	Colofn 3	Colofn 4
Eitem	Paramedrau	Unedau Mesur	Mwyafswm Crynodiad
Nodiadau: 1. Mae “plaleiddiaid” yn golygu: pryfleiddiaid organig, chwynleiddiaid organig, ffyngleiddiaid organig, nematoleiddiaid organig, gwiddonleiddiaid organig, algaleiddiaid organig, llygodleiddiaid organig, llysnafeddleiddiaid organig, a chynhyrchion perthynol (inter alia, rheoleiddwyr tyfiant) a'u metabolion, eu cynnyrch diraddio ac adweithio perthnasol. Dim ond y plaleiddiaid hynny sy'n debygol o fod yn bresennol mewn dŵr penodol sydd angen eu monitro. 2. Mae mwyafswm crynodiad yn gymwys i bob plaleiddiad unigol. Yn achos aldrin, deueldrin, heptaclor a heptaclor epocsid mwyafswm y crynodiad yw 0.030 μg/l. 3. Mae mwyafswm y crynodiad ar gyfer “sylweddau cyflawn” yn cyfeirio at swm y crynodiadau o bob plaleiddiad unigol a ganfyddir ac a feintiolir yn y weithdrefn fonitro. 4. Y cyfansodddion penodedig yw benso(b)fflworanthen, benso(k)fflworanthen, benso(ghi)perylen, indeno(1.2,3-cd) pyren.
1.	Arsenig	μg As/l	10
2.	Cadmiwm	μg Cd/l	5
3.	Cyanid	μg CN/l	50
4.	Cromiwm	μg Cr/l	50
5.	Mercwri	μg Hg/l	1
6.	Nicel	μg Ni/l	20
7.	Seleniwm	μg Se/l	10
8.	Antimoni	μg Sb/l	5
9.	Plwm	μg Pb/l	10
10.	Plaleiddiaid a chynhyrchion perthynol:
	— sylweddau unigol	μg/l	0.10 (nodiadau 1 a 2)
	— sylweddau cyflawn	μg/l	0.50 (nodiadau 1 a 3)
11.	Hydrocarbonau aromatig polysyclig	μg/l	0.1 swm crynodiadau cyfansoddion penodedig (nodyn 4)
12.	Bromad	μg BrO3/l	10

Tabl C

Colofn 1	Colofn 2	Colofn 3	Colofn 4
Eitem	Paramedrau	Unedau Mesur	Mwyafswm Crynodiad
Nodiadau: 1. Dylid mesur y cyfanswm cyfrif cytref hyfyw o fewn 12 awr ar ôl potelu, gan gadw'r sampl dŵr ar dymheredd cyson yn ystod y cyfnod hwnnw o 12 awr. Ni ddylai unrhyw gynnydd yng nghyfanswm cyfrif cytref hyfyw'r dŵr rhwng y 12 awr ar ôl ei botelu ac adeg y gwerthu ddim bod yn fwy na'r hyn a ddisgwylir yn arferol. 2. Mewn 72 o oriau ar agar-agar neu gymysgedd o agar-gelatin . 3. Mewn 24 o oriau ar agar-agar.
1.	Escherichia coli (E.coli)	nifer/250 ml	0/250 ml
2.	Enterococi	nifer/250 ml	0/250 ml
3.	Cyfrif cytref 22°C	nifer/ml	100/ml (nodiadau 1 a 2)
4.	Cyfrif cytref 37°C	nifer/ml	20/ml (nodiadau 1 a 3)
5.	Pseudomonas aeruginosa	nifer/250ml	0/250 ml

Tabl Ch

Colofn 1	Colofn 2	Colofn 3	Colofn 4
Eitem	Paramedrau	Unedau Mesur	Mwyafswm Crynodiad
Nodiadau: 4. Mae'r mwyafswm crynodiad a bennir yn gymwys i swm crynodiadau'r paramedrau a bennir. 5. Mae'r gwerth paramedrig yn cyfeirio at y crynodiad monomer gweddilliol yn y dŵr fel y'i cyfrifir yn unol â manylebau mwyafswm y gollyngiad o'r polymer cyfatebol sydd mewn cyffyrddiad â'r dŵr
1.	Boron	mg/l	1.0
2.	Benso (a) pyren	μg/l	0.010
3.	Tetracloroethen a Thricloroethen	μg/l	10 (nodyn 1)
4.	Tetracloromethan	μg/l	3
5.	Bensen	μg/l	1.0
6.	1,2-dicloroethan	μg/l	3.0
7.	Tricloromethan, Diclororbromomethan, Dibromocloromethan a Thribromomethan	μg/l	100 (nodyn 1)
8.	Epiclorohydrin	μg/l	0.10 (nodyn 2)
9.	Finyl clorid	μg/l	0.50 (nodyn 2)
10.	Acrylamid	μg/l	0.10 (nodyn 2)

Rheoliadau 4(1)(a) ac (ch)(i), (2)(a) a (c), (8) a (9) a 16(1)(a)(iii)

ATODLEN 3 Cydnabyddiaeth o ddŵr mwynol naturiol

RHAN 1 Dŵr mwynol naturiol a echdynnwyd o'r ddaear yng Nghymru

1.  Rhaid i berson sy'n ceisio cael cydnabyddiaeth ar gyfer dŵr a echdynnir o'r ddaear yng Nghymru fel dŵr mwynol naturiol at ddibenion Erthygl 1 wneud cais ysgrifenedig i'r awdurdod perthnasol y mae'r dŵr a echdynnir yn ei ardal ynddi, gan roi'r manylion a osodir ym mharagraff 2.

2.  Dyma'r manylion —

(a) y rheini a bennir ym mharagraff 1o Ran 3;

(b) unrhyw wybodaeth arall sy'n dangos bod y materion a bennir ym mharagraff 2 a 3 o Ran 3 wedi'u sefydlu; a

(c) y dystiolaeth honno sy'n foddhaol i ddangos nad yw'r dŵr yn cynnwys unrhyw sylwedd a restrir yn Atodlen 6 ar lefel sy'n fwy na'r terfyn uchaf a bennir o ran y sylwedd hwnnw yn yr Atodlen honno.

3.  I'r graddau y mae'n ofynnol rhoi manylion o unrhyw anionau, cationau, cyfansoddion sydd heb eu hïoneiddio neu elfennau hybrin a bennir yng ngholofn 1 o Atodlen 5 yn unol ag is-baragraff (b) o baragraff 2, rhaid mynegi'r crynodiad o bob anion, cation, cyfansoddyn sydd heb ei ïoneiddio neu elfen hybrin yn y manylion hynny yn yr uned fesur a bennir gyferbyn ag ef yng ngholofn 2 o'r Atodlen honno.

4.  Pan fydd manylion o'r fath wedi cael eu rhoi felly, rhaid i'r awdurdod perthnasol eu hasesu a chydnabod bod dŵr y mae'r manylion hynny'n ymwneud ag ef yn ddŵr mwynol naturiol os yw wedi'i fodloni—

(a) bod y dŵr yn ddŵr mwynol naturiol sy'n cydymffurfio â pharagraff 3 o Adran I o Atodiad I; a

(b) bod nodweddion y dŵr wedi cael eu hasesu yn unol â'r canlynol —

(i) y pwyntiau a rifir 1 i 4 a osodir ym mharagraff 2(a) o Adran I o Atodiad I,

(ii) y gofynion a'r meini prawf a restrir yn Rhan 3 o'r Atodlen hon, a

(iii) dulliau gwyddonol cydnabyddedig.

5.  Rhaid i'r awdurdod perthnasol, wrth roi cydnabyddiaeth i ddŵr mwynol naturiol yn unol â pharagraff 4, gyhoeddi datganiad o gydnabyddiaeth o'r fath a'r rhesymau dros ei rhoi yn y London Gazette.

RHAN 2 Dŵr mwynol naturiol a echdynnwyd o'r ddaear mewn gwlad heblaw Gwladwriaeth AEE

1.  Rhaid i berson sy'n ceisio cael cydnabyddiaeth ar gyfer dŵr a echdynnir o'r ddaear mewn gwlad heblaw Gwladwriaeth AEE yn ddŵr mwynol naturiol at ddibenion Erthygl 1 wneud cais ysgrifenedig i'r Asiantaeth, gan roi'r manylion a osodir ym mharagraff 2.

2.  Dyma'r manylion —

(a) y rheini a bennir ym mharagraff 1o Ran 3;

(b) unrhyw wybodaeth arall sy'n dangos bod y materion a bennir ym mharagraff 2 a 3 o Ran 3 wedi'u sefydlu; a

(c) y dystiolaeth honno sy'n foddhaol i ddangos nad yw'r dŵr yn cynnwys unrhyw sylwedd a restrir yn Atodlen 6 ar lefel sy'n fwy na'r terfyn uchaf a bennir o ran y sylwedd hwnnw yn yr Atodlen honno.

3.  I'r graddau y mae'n ofynnol rhoi manylion o unrhyw anionau, cationau, cyfansoddion sydd heb eu hïoneiddio neu elfennau hybrin a bennir yng ngholofn 1 o Atodlen 5 yn unol ag is-baragraff (b) o baragraff 2, rhaid mynegi'r crynodiad o bob anion, cation, cyfansoddyn sydd heb ei ïoneiddio neu elfen hybrin yn y manylion hynny yn yr uned fesur a bennir gyferbyn ag ef yng ngholofn 2 o'r Atodlen honno.

4.  Rhaid i'r Asiantaeth gydnabod y cyfryw ddŵr os bydd yr awdurdod yn y wlad yr echdynnwyd y dŵr ohoni wedi ardystio—

(a) ei bod wedi'i bodloni —

(i) bod y gofynion ym mharagraff 2 a 3 o Ran 3 wedi'u sefydlu, a

(ii) gyda'r dystiolaeth a roir yn unol ag is-baragraff (c) o baragraff 2; a

(b) bod archwiliadau cyfnodol wedi cael eu gwneud i ganfod —

(i) bod y dŵr yn ddŵr mwynol naturiol sy'n cydymffurfio â pharagraff 3 o Adran I o Atodiad I,

(ii) bod nodweddion y dŵr wedi'u hasesu yn unol â'r canlynol—

(aa) y pwyntiau a rifir 1 i 4 a osodir ym mharagraff 2(a) o Adran I o Atodiad I,

(bb) y gofynion a'r meini prawf a restrir yn Rhan 3; a

(cc) dulliau gwyddonol cydnabyddedig, a

(iii) bod darpariaethau Atodlen 4 yn cael eu cymhwyso gan y person sy'n datblygu'r ffynnon.

5.  Bydd cydnabyddiaeth o'r cyfryw ddŵr yn dirwyn i ben ar ôl cyfnod o bum mlynedd oni fydd awdurdod cyfrifol y wlad yr echdynnwyd y dŵr ohoni wedi adnewyddu'r ardystiad sy'n ofynnol gan baragraff 4.

6.  Rhaid i'r Asiantaeth, pan fydd yn cydnabod dŵr yn unol â'r Rhan hon o'r Atodlen hon, gyhoeddi datganiad o gydnabyddiaeth o'r fath yn y London Gazette, yr Edinburgh Gazette a'r Belfast Gazette.

RHAN 3 Gofynion a meini ar gyfer cydnabod dŵr mwynol naturiol

1.  Rhaid i arolygon daearegol a hydrolegol gynnwys y manylion canlynol —

(a) union safle'r dalgylch gan ddangos ei uchder, ar fap â graddfa heb fod yn fwy na 1:1,000;

(b) adroddiad daearegol manwl ar darddiad a natur y tir;

(c) stratigraffeg yr haen hydroddaearagol;

(ch) disgrifiad o weithrediadau'r dalgylch; a

(d) darnodi'r ardal neu fanylion o fesurau eraill sy'n diogelu'r ffynnon rhag llygredd.

2.  Rhaid i arolygon ffisegol, cemegol a ffisigocemegol sefydlu—

(a) cyfradd llif y ffynnon;

(b) tymheredd y dŵr yn ei ffynhonnell a thymheredd yr awyrgylch;

(c) y berthynas rhwng natur y tir a natur a math y mwynau yn y dŵr;

(ch) y gweddillion sych ar 180°C a 260°C;

(d) y dargludedd neu wrthedd trydanol, gan bennu mesur y tymheredd;

(dd) y crynodiad ïonau hydrogen (pH);

(e) yr anionau a'r cationau;

(f) yr elfennau sydd heb eu hïoneiddio;

(ff) yr elfennau hybrin;

(g) y priodweddau radio-actinolegol yn y ffynhonnell;

(ng) pan fydd yn briodol, y lefelau isotop perthnasol ac elfennau ansoddol y dŵr, ocsigen (16O —18O) a hydrogen (protiwm, dewteriwm, tritiwm); a

(h) gwenwyndra elfennau ansoddol y dŵr, gan gymryd i ystyriaeth y terfynau a osodir ar gyfer pob un ohonynt.

3.  Rhaid i ddadansoddiad microbiolegol yn y ffynhonnell ddangos—

(a) absenoldeb parasitiaid a micro-organebau pathogenig;

(b) penderfyniad meintiol cyfrif cytref y gellir ei adfywio'n dangos halogi ysgarthol, sy'n dangos—

(i) absenoldeb Escherichia coli a cholifformau eraill mewn 250 ml ar 37°C a 44.5°C,

(ii) absenoldeb streptococi ysgarthol mewn 250 ml,

(iii) absenoldeb anerobau lleihau-sylffit sborynnol mewn 50 ml, a

(iv) absenoldeb Pseudomonas aeruginosa mewn 250 ml; a

(c) cyfanswm cyfrif cytref y gellir ei adfywio fesul ml o ddŵr—

(i) ar 20 i 22°C mewn 72 o oriau ar agar-agar neu gymysgedd o agar-gelatin, a

(ii) ar 37°C mewn 24 o oriau ar agar-agar.

4.—(1) Yn ddarostyngedig i is-baragraff (2), rhaid cynnal dadansoddiad clinigol a ffarmacolegol yn unol â dulliau gwyddonol cydnabyddedig a dylai weddu i nodweddion arbennig dŵr mwynol naturiol a'i effaith ar yr organeb dynol, megis troethlif, swyddogaethau gastrig a choluddol, sy'n gwneud iawn am ddiffygion mwynol .

(2) Caniateir i ddadansoddiadau clinigol, mewn achosion priodol, gael eu cynnal yn hytrach na'r dadansoddiadau y cyfeirir atynt yn is-baragraff (1), cyhyd â bod cysondeb a chytundeb nifer sylweddol o sylwadau yn galluogi bod modd dod i'r un canlyniadau.

Rheoliadau 4(2)(b), 5(1)(c) a (2), 7(3), 9(2)(b), 10(1)(b) a (3) a 16(1)(a)(iv) a pharagraff 1(b) o Atodlen 1 a pharagraff 4(b)(iii) o Ran 2 o Atodlen 3

ATODLEN 4 Gofynion datblygu a photelu dŵr mwynol naturiol a dŵr ffynnon

1.  Rhaid i gyfarpar ar gyfer datblygu'r dŵr gael ei osod mewn modd sy'n osgoi unrhyw bosibilrwydd o halogi a diogelu'r priodweddau sy'n cyfateb i'r rheini a briodolir iddo sydd gan y dŵr yn ei ffynhonnell.

2.  Rhaid amddiffyn y ffynnon neu'r allanfa rhag risg llygredd.

3.  Rhaid i'r dalgylch, y pibellau a'r cronfeydd fod o ddeunyddiau sy'n addas ar gyfer dŵr ac o wneuthuriad sy'n rhwystro unrhyw newid cemegol, ffisigocemegol neu ficrobiolegol i'r dŵr.

4.  Rhaid i'r amodau ar gyfer y datblygu, yn enwedig yn y man golchi a photelu, fodloni gofynion hylendid. Yn benodol, rhaid bod y cynwysyddion wedi'u trin neu eu gweithgynhyrchu mewn modd sy'n osgoi effeithiau andwyol ar nodweddion microbiolegol a chemegol y dwr naturiol.

5.—(1) Yn ddarostyngedig i is-baragraffau (2) a (3), rhaid peidio â chludo dŵr mewn cynwysyddion heblaw'r rhai a awdurdodwyd ar gyfer dosbarthu i'r defnyddiwr olaf.

(2) Caniateir cludo dŵr mwynol naturiol o'r ffynnon i'r man potelu mewn cynhwysydd nad yw ar gyfer ei ddosbarthu i'r defnyddiwr olaf os cludwyd dŵr o'r ffynnon honno yn y fath fodd cyn 17 Gorffennaf 1980.

(3) Caniateir i ddŵr a ddosberthir i'r defnyddiwr olaf mewn potel wedi'i marcio neu wedi'i labelu â'r disgrifiad “spring water” neu “dŵr ffynnon” gael ei gludo o'r ffynnon i'r man potelu mewn cynhwysydd nad yw ar gyfer ei ddosbarthu i'r defnyddiwr olaf os cludwyd dŵr o'r ffynnon honno yn y fath fodd cyn 23 Tachwedd 1996.

6.—(1) Rhaid i gyfanswm cyfrif cytref y dŵr y gellir ei adfywio yn ei ffynhonnell, a benderfynir yn unol ag is-baragraff (2), gydymffurfio â chyfrif cytref hyfyw'r dŵr hwnnw a rhaid iddo beidio â dangos bod ffynhonnell y dŵr hwnnw'n halogedig.

(2) Y cyfrif cytref yw hwnnw a benderfynir fesul ml o ddŵr—

(a) ar 20 i 22 °C mewn 72 o oriau ar agar-agar neu gymysgedd o agar-gelatin; a

(b) ar 37 °C mewn 24 o oriau ar agar-agar.

7.—(1) Ar ôl potelu, ni chaiff cyfanswm cyfrif cytref y dŵr yn ei ffynhonnell fod yn fwy na—

(a) 100 fesul ml ar 20 i 22 °C mewn 72 o oriau ar agar-agar neu gymysgedd o agar-gelatin; a

(b) 20 fesul ml ar 37 °C mewn 24 o oriau ar agar-agar.

(2) Rhaid mesur cyfanswm y cyfrif cytref o fewn y cyfnod o 12 awr ar ôl potelu, a rhaid cadw'r dŵr ar 4 °C +/−1 °C yn ystod y cyfnod cyn iddo gael ei fesur.

8.  Rhaid bod y dŵr yn rhydd rhag—

(a) Parasitiaid a micro-organebau pathogenig,

(b) Escherichia coli neu golifformau a streptococi ysgarthol eraill mewn unrhyw sampl 250 ml a archwilir;

(c) Anerobau lleihau-sylffit sborynnol mewn unrhyw sampl 50 ml a archwilir; a

(ch) Pseudomonas aeruginosa mewn unrhyw sampl 250 ml a archwilir.

Rheoliad 4(9) a pharagraff 3 o Ran 1 o Atodlen 3

ATODLEN 5 Manylion o anionau, cationau, cyfansoddion sydd heb eu hïoneiddio ac elfennau hybrin

Anionau	Uned fesur
Borad BO3-	mg/1
Carbonad CO32-	mg/1
Clorid Cl-	mg/1
Fflworid F-	mg/l
Hydrogen Carbonad HCO3-	mg/1
Nitrad NO3-	mg/1
Nitrid NO2-	mg/1
Ffosffad PO43-	mg/1
Silicad SiO2	mg/1
Sylffad SO42-	mg/1
Sylffid S2-	mg/1
Cationau	Uned fesur
Alwminiwm A1	mg/1
Amoniwm NH4+	mg/1
Calsiwm Ca	mg/1
Magnesiwm Mg	mg/1
Potasiwm K	mg/l
Sodiwm Na	mg/1
Cyfansoddion sydd heb eu hïoneiddio	Uned fesur
Cyfanswm carbon organig C	mg/1
Carbon deuocsid rhydd CO2	mg/1
Silica SiO2	mg/1
Elfennau hybrin	Uned fesur
Bariwm Ba	μg/l
Bromin (cyfanswm) Br	μg/l
Cobalt Co	μg/l
Copr Cu	μg/l
Iodin (cyfanswm) I	μg/l
Haearn Fe	μg/l
Lithiwm Li	μg/l
Manganis Mn	μg/l
Molybdenwm Mo	μg/l
Strontiwm Sr	μg/l
Zinc Zn	μg/1

Rheoliad 7(1) a (2) a pharagraff 2(c) o Ran 1 o Atodlen 3, paragraff 2(c) o Ran 2 o Atodlen 3 a Nodiadau 1 a 2 o Atodlen 7

ATODLEN 6 Terfynau uchaf ar gyfer ansoddau dŵr mwynol naturiol

Ansoddau	Mwyafswm terfynau (mg/l)
Nodyn: Mae'r ansoddau a ddisgrifir uchod yn cyfeirio at ansoddau sy'n bresennol yn naturiol yn y dŵr yn ei ffynhonnell ac nid at sylweddau sy'n bresennol o ganlyniad i halogi.
Antimoni	0.0050
Arsenig	0.010 (fel cyfanswm)
Bariwm	1.0
Cadmiwm	0.003
Cromiwm	0.050
Copr	1.0
Cyanid	0.070
Fflworid	5.0
Plwm	0.010
Manganis	0.50
Mercwri	0.0010
Nicel	0.020
Nitrad	50
Nitrid	0.1
Seleniwm	0.010

Rheoliad 7(2)

ATODLEN 7 Nodweddion perfformiad ar gyfer dadansoddi'r ansoddau yn Atodlen 6

Ansoddyn	Cywirdeb y gwerth paramedrig mewn %	Trachywiredd y gwerth paramedrig	Terfyn canfod y gwerth paramedrig mewn %
Nodiadau: 1. Rhaid bod y dull dadansoddi a ddefnyddir i fesur crynodiad yr ansoddau yn Atodlen 6 yn gallu mesur crynodiadau sy'n hafal i'r gwerthoedd paramedrig gyda'r cywirdeb penodedig, a'r terfynau trachywiredd a chanfod. 2. Bid a fo am sensitifrwydd y dull dadansoddi, rhaid mynegi'r canlyniad i o leiaf yr un nifer o lefydd degol â'r terfyn uchaf a osodir yn Atodlen 6 ar gyfer yr ansoddyn penodol sy'n cael ei ddadansoddi. 3. Cywirdeb yw'r gwall systematig ac mae'n cynrychioli'r gwahaniaeth rhwng y gwerth cyfartalog o nifer mawr o fesuriadau mynych a'r union werth. 4. Mae trachywiredd yn cynrychioli'r gwall ar hap a mynegir ef yn gyffredinol fel y gwyriad safonol (mewn swp a rhwng sypiau) o sampl o ganlyniadau o'r cyfartaledd. 5. Mae trachywiredd derbyniol yn hafal i ddwywaith y gwyriad safonol perthynol. 6. O ran y terfyn canfod— (a) mae'n dair gwaith y gwyriad safonol perthynol o fewn swp o sampl naturiol sy'n cynnwys crynodiad isel o'r ansoddyn; neu (b) mae'n bum gwaith y gwyriad safonol perthynol o fewn swp o'r newydd. 7. Dylai'r dull ei gwneud yn bosibl canfod cyanid yn ei holl ffurfiau.
Antimoni	25	25	25
Arsenig	10	10	10
Bariwm	25	25	25
Cadmiwm	10	10	10
Cromiwm	10	10	10
Copr	10	10	10
Cyanidau	10	10	10
Fflworid	10	10	10
Plwm	10	10	10
Manganis	10	10	10
Mercwri	20	10	20
Nicel	10	10	10
Nitrad	10	10	10
Nitrid	10	10	10
Seleniwm	10	10	10

Rheoliad 8(1)(d)

ATODLEN 8 Mynegiadau labelu ar gyfer dŵr mwynol naturiol a meini prawf ar gyfer eu defnyddio

Mynegiad	Meini prawf
Cynnwys isel o fwynau	Cynnwys mwyn halwyn, wedi'i gyfrifo fel gweddill penodol, dim mwy na 500 mg/l
Cynnwys isel iawn o fwynau	Cynnwys mwyn halwyn, wedi'i gyfrifo fel gweddill penodol, dim mwy na 50 mg/l
Cyfoethog mewn halwynau mwynol	Cynnwys mwynau halwyn, wedi'i gyfrifo fel gweddill penodol, dim mwy na 1500 mg/l
Yn cynnwys bicarbonad	Cynnwys bicarbonad sy'n fwy na 600 mg/l
Yn cynnwys sylffad	Cynnwys sylffad sy'n fwy na 200 mg/l
Yn cynnwys clorid	Cynnwys clorid sy'n fwy na 200 mg/l
Yn cynnwys calsiwm	Cynnwys calsiwm sy'n fwy na 150 mg/l
Yn cynnwys magnesiwm	Cynnwys magnesiwm sy'n fwy na 50 mg/l
Yn cynnwys fflworid	Cynnwys fflworid sy'n fwy na 1 mg/l
Yn cynnwys haearn	Cynnwys deufalent haearn sy'n fwy na 1 mg/l
Asidig	Carbon deuocsid rhydd sy'n fwy na 250 mg/l
Yn cynnwys sodiwm	Cynnwys sodiwm sy'n fwy na 200 mg/l
Addas ar gyfer deiet isel mewn sodiwm	Cynnwys sodiwm sy'n llai na 20 mg/l