Nodyn Esboniadol

(Nid yw'r nodyn hwn yn rhan o'r Gorchymyn)

Mae'r Gorchymyn hwn yn rhestru'r holl gyrff hynny y mae'n ymddangos i Weinidogion Cymru eu bod yn gyrff sy'n cael eu cydnabod o fewn ystyr adran 214(2)(a) neu (b) o Ddeddf Diwygio Addysg 1988. Mae'r rhain yn brifysgolion, colegau, neu gyrff eraill a awdurdodir drwy Siarter Frenhinol neu drwy Ddeddf Seneddol neu o dan Ddeddf Seneddol i roi graddau ac yn gyrff eraill a ganiateir am y tro gan y cyrff hynny i weithredu ar eu rhan wrth roi graddau. Nid yw dyfarniad a roddir gan gorff o'r fath yn ddyfarniad o'r math y cyfeirir ato yn adran 214(1) sy'n ei gwneud yn dramgwydd i roi, i gynnig rhoi neu i ddyroddi unrhyw wahoddiad sy'n ymwneud â graddau a dyfarniadau penodol nad ydynt yn cael eu cydnabod.

Mae'r Gorchymyn hwn yn diweddaru ac yn disodli'r rhestr o gyrff yng Ngorchymyn Addysg (Cyrff sy'n Cael eu Cydnabod) (Cymru) 2005 (O.S. 2005/3287), sydd wedi'i ddirymu. Mae'n cynnwys nifer o sefydliadau sydd wedi'u hawdurdodi i ddyfarnu graddau o dan adran 76 o Ddeddf Addysg Bellach ac Uwch 1992 (p.13) ac adran 48 o Ddeddf Addysg Bellach ac Uwch (Yr Alban) 1992 (p.37). Mae'n cynnwys hefyd nifer o ysgolion, colegau a sefydliadau Prifysgol Llundain y mae'r Brifysgol wedi caniatáu iddynt ddyfarnu graddau Prifysgol Llundain.