Offerynnau Statudol

2007 Rhif 1900 (Cy.161)

IECHYD Y CYHOEDD, CYMRU

Rheoliadau Iechyd Cyhoeddus (Awyrennau) (Diwygio) (Cymru) 2007

Wedi'u gwneud

2 Gorffenhaf 2007

Wedi'u gosod gerbron Cynulliad Cenedlaethol Cymru

4 Gorffenhaf 2007

Yn dod i rym

1 Awst 2007

Mae Gweinidogion Cymru, gyda chydsyniad Comisiynwyr Cyllid a Thollau ei Mawrhydi(1) yn gwneud y Rheoliadau canlynol drwy arfer y pwerau a roddwyd gan adran 13 o Ddeddf Iechyd Cyhoeddus (Rheoli Clefydau) 1984(2):

(1)

Mae adran 13(4) o Deddf Iechyd Cyhoeddus (Rheoli Clefydau) 1984 (p. 22) yn darparu bod rheoliadau yn ei gwneud yn ofynnol i gael cydsyniad y Comisiynwyr Tollau Tramor a Chartref i'r graddau y maent yn ymwneud â gorfodi a gweithredu gan swyddogion cyllid a thollau. Trosglwyddwyd swyddogaethau'r Comisiynwyr Tollau Tramor a Chartref i Gomisiynwyr Cyllid a Thollau ei Mawrhydi gan adran 5(2) o Ddeddf Comisiynwyr Cyllid a Thollau ei Mawrhydi 2005 (p. 11). Yn ôl adran 50(1) o'r Ddeddf honno, mae cyfeiriad mewn deddfiad at y Comisiynwyr Tollau Tramor a Chartref i'w drin fel cyfeiriad at Gomisiynwyr Cyllid a Thollau ei Mawrhydi.

(2)

1984 p. 22. Trosglwyddwyd swyddogaethau'r Ysgrifennydd Gwladol, i'r graddau yr oeddent yn arferadwy o ran Cymru, i Gynulliad Cenedlaethol Cymru gan Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672, erthygl 2 ac Atodlen 1. Trosglwyddwyd y swyddogaethau hynny i Weinidogion Cymru gan adran 162 o Ddeddf Llywodraeth Cymru 2006 a pharagraff 30 o Atodlen 11 iddi.