Rheoliadau'r Gwasanaeth Iechyd Gwladol (Rhestr Atodol Gwasanaethau Offthalmig Cyffredinol) a (Gwasanaethau Offthalmig Cyffredinol) (Diwygio a Diwygiad Canlyniadol) (Cymru) 2006

Offerynnau Statudol Cymru

2006 Rhif 181 (Cy.32)

GWASANAETH IECHYD GWLADOL, CYMRU

Rheoliadau'r Gwasanaeth Iechyd Gwladol (Rhestr Atodol Gwasanaethau Offthalmig Cyffredinol) a (Gwasanaethau Offthalmig Cyffredinol) (Diwygio a Diwygiad Canlyniadol) (Cymru) 2006

Wedi'i wneud

31 Ionawr 2006

Yn dod i rym, ac eithrio

ar gyfer rheoliad 39(11)

1 Chwefror 2006

Rheoliad 39(11)

1 Awst 2006

Mae Cynulliad Cenedlaethol Cymru, drwy arfer y pwerau a roddwyd gan adrannau 38, 39, 43ZA, 43D, 49F, 49I, 49M, 49N, 49O, 49P, 49Q, 49R, a 126(4) o'r Ddeddf Gwasanaeth Iechyd Gwladol (1) ac adran 65 o Ddeddf Iechyd a Gofal Cymdeithasol 2001(2) drwy hyn yn gwneud y Rheoliadau canlynol:

(1)

1977 p.49 (“Deddf 1977); gweler adran 128(1) fel y'i diwygiwyd gan y Ddeddf Gwasanaeth Iechyd Gwladol a Gofal Cymunedol 1990, adran 26(2)(g) ac (i), ar gyfer diffiniadau “prescribed” a “regulations”.

Diwygiwyd adran 38 gan Ddeddf Iechyd a Nawdd Cymdeithasol 1984 (p.48)(“Deddf 1984”), adran 1(3); Deddf Iechyd a Meddygyniaethau 1988 (p.49), adran 13; gan O.S.1985/39, erthygl 7(11); Deddf Awdurdodau Iechyd 1995 (p.17) (“Deddf 1995”) adran 2(1) a pharagraffau 1 a 27 o'r Atodlen; a gan Ddeddf Diwygio'r Gwasanaeth Iechyd Gwladol a Phroffesiynau Gofal Iechyd 2002 (p.17) (“Deddf 2002”), adran 2(5) a pharagraffau 1 ac 11 o Atodlen 2.

Diwygiwyd adran 39 gan Ddeddf 1984, adran 1 a pharagraff 1 o Atodlen 1 ac Atodlen 8; Deddf 1995, adran 2 a pharagraff 28 o Atodlen 1; Deddf Iechyd 1999 (p.8) (“Deddf 1999”), adran 9(4); gan Ddeddf Iechyd a Gofal Cymdeithasol 2001 (p.15) (“Deddf 2001”), adrannau 20 a 23; a chan Ddeddf 2002 , adran 2(5) a pharagraffau 1 a 12 o Atodlen 2.

Mewnosodwyd adrannau 43ZA a 43D gan Ddeddf 2001, adrannau 21 a 24.

Mewnosodwyd adrannau 49F, 49I, 49L, 49M, 49N, 49P a 49Q gan Ddeddf 2001, adran 25.

Diwygiwyd adran 126(4) gan Ddeddf 1990, adran 65(2) a chan baragraff 37(6) i Atodlen 4 i Ddeddf 1999 Act a gan Ddeddf 2001, adran 67 a pharagraff 5(13)(b) i Atodlen 5.

Trosglwyddwyd swyddogaethau'r Ysgrifennydd Gwladol o dan adrannau 38, 39 a 126(4) i Gynulliad Cenedlaethol Cymru gan Orchymyn Cynulliad Cenedlaethol Cymru (Trosglwyddo Swyddogaethau) 1999, O.S.1999/672, erthygl 2 ac Atodlen 1 fel y'i diwygiwyd gan Ddeddf 1999, adran 66(5); gan Ddeddf 2001, adran 68(1), gan Ddeddf 2002, adran 40(1) a thrwy Ddeddf Iechyd a Gofal Cymdeithasol (Iechyd Cymunedol a Safonau) 2003 (p.43), adran 1971(1).

(2)

2001 p.15.