Offerynnau Statudol

2005 Rhif 2605 (Cy.180)

TAI, CYMRU

Rheoliadau Grantiau Adnewyddu Tai (Diwygio) (Cymru) 2005

Wedi'u gwneud

20 Medi 2005

Yn dod i rym

30 Medi 2005

Mae Cynulliad Cenedlaethol Cymru, ac yntau'n arfer y pwerau a roddwyd i'r Ysgrifennydd Gwladol gan adrannau 30 a 146(1) a (2) o Ddeddf Grantiau Tai, Adeiladu ac Adfywio 1996(1) ac sydd bellach yn arferadwy gan Gynulliad Cenedlaethol Cymru o ran Cymru, drwy hyn yn gwneud y Rheoliadau canlynol:

Enwi, cychwyn a chymhwyso

1.—( 1) Enw'r Rheoliadau hyn yw Rheoliadau Grantiau Adnewyddu Tai (Diwygio) (Cymru) 2005 a deuant i rym ar 30 Medi 2005.

(2) Mae'r Rheoliadau hyn yn gymwys i geisiadau am grant a wneir ar 30 Medi 2005 neu wedi hynny i Awdurdodau Tai Lleol yng Nghymru.

Dehongli

2.   Yn y Rheoliadau hyn, ystyr “Rheoliadau 1996” (“the 1996 Regulations”) yw Rheoliadau Grantiau Adnewyddu Tai 1996(2).

Diwygio Rheoliadau 1996

3.—( 1) Diwygir Rheoliadau 1996 fel a ganlyn:

(2) Yn lle rheoliad 5 rhodder y canlynol—

“Definition of relevant person

5.— (1) Subject to paragraph (2), in respect of any application for a grant a relevant person is any person who—

(a) is the disabled occupant, or one of the disabled occupants, of the dwelling or the flat in the building and is not a child or young person; or

(b) is the partner, or a partner, of the disabled occupant or of one of the disabled occupants and is not a child or young person; and

is not the parent or guardian of a disabled child who lives or intends to live in the dwelling or, as the case may be, a flat in the building.

(2) Where any of the sub-paragraphs (a) or (b) of paragraph (1) applies to both members of a couple or to more than one member of a polygamous marriage, one member only of that couple or of that polygamous marriage will be the relevant person in respect of that application.”

Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998(3)

D. Elis-Thomas

Llywydd y Cynulliad Cenedlaethol

20 Medi 2005

Nodyn Esboniadol

(Nid yw'r nodyn hwn yn rhan o'r Rheoliadau)

Mae'r Rheoliadau hyn yn diwygio Rheoliadau Grantiau Adnewyddu Tai 1996 (“Rheoliadau 1996”) sy'n nodi'r prawf moddion ar gyfer penderfynu swm y grant y caiff awdurdodau tai lleol ei dalu o dan Bennod 1 o Ran 1 o Ddeddf Grantiau Tai, Adeiladu ac Adfywio 1996.

Mae rheoliad 5 o Reoliadau 1996 yn diffinio person perthnasol. Mae'r Rheoliadau hyn yn diwygio'r diffiniad o berson perthnasol fel na wneir prawf moddion ar y rhai sy'n gyfrifol am blentyn neu berson ifanc anabl. Mae'r Rheoliadau hyn yn gymwys i geisiadau a wneir ar 30 Medi 2005 neu wedi hynny i Awdurdodau Tai Lleol yng Nghymru.

(1)

1996 p.53. Trosglwyddir swyddogaethau'r Ysgrifennydd Gwladol o dan adrannau 30 a 146(1) a (2) o Ddeddf Grantiau Tai, Adeiladu ac Adfywio 1996, i'r graddau y maent yn arferadwy o ran Cymru, i Gynulliad Cenedlaethol Cymru gan Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672).

(2)

O.S. 1996/2890.

(3)

1998 p.38.