Diwygio Rheoliadau Addysg (Trefniadau Ymsefydlu ar gyfer Athrawon Ysgol) (Cymru) 2003

3.   Yn rheoliad 2(1) —

(a) mewnosoder ar ôl y diffiniad o “cyflogwr” y diffiniadau canlynol—

“ystyr “cyfnod absenoldeb mabwysiadu cyffredin” (“ordinary adoption leave period”) yw cyfnod o absenoldeb mabwysiadu cyffredin o dan Ran 3 o Reoliadau Absenoldeb Tadolaeth a Mabwysiadu 2002 (1);

ystyr “cyfnod absenoldeb mamolaeth” (“maternity leave period”) yw'r cyfnod absenoldeb mamolaeth a nodir yn rheoliad 7(1) o Reoliadau Absenoldeb Mamolaeth a Rhieiniol etc 1999(2);

ystyr “cyfnod absenoldeb rhieiniol” (“parental leave period”) yw cyfnod o absenoldeb rhieiniol o dan Ran III o Reoliadau Absenoldeb Mamolaeth a Rhieiniol etc 1999;

ystyr “cyfnod absenoldeb tadolaeth” (“paternity leave period”) yw cyfnod o absenoldeb tadolaeth o dan Ran 2 o Reoliadau Absenoldeb Tadolaeth a Mabwysiadu 2002;”.

(b) yn y diffiniad o “cyfnod allweddol” yn lle'r geiriau “adran 355(1) o Ddeddf 1996” rhodder y geiriau “adran 103(1) o Ddeddf 2002”;

(c) mewnosoder ar ôl y diffiniad o “Deddf 1998” y diffiniad canlynol—

“ystyr “Deddf 2002” (“the 2002 Act”) yw Deddf Addysg 2002(3);”;

(ch) hepgorer y diffiniad o “pwnc craidd”;

(d) hepgorer y diffiniad o “pwnc sylfaen”.

(1)

O.S. 2002/2788, fel y'i diwygiwyd gan O.S. 2003/921.

(2)

O.S. 1999/3312, fel y'i diwygiwyd gan O.S. 2001/4010.

(3)

2002 p.32.