Nodyn Esboniadol

(Nid yw'r nodyn hwn yn rhan o'r Rheoliadau)

Mae'r Rheoliadau hyn, sy'n gymwys i Gymru, yn darparu ar gyfer gorfodi a gweithredu rhai darpariaethau penodedig (sy'n ymwneud â bwyd) yn Rheoliad (EC) Rhif 1829/2003 Senedd Ewrop a'r Cyngor ar fwyd a bwyd anifeiliaid a addaswyd yn enetig (OJ Rhif L268, 18.10.2003, t.1). Mae Rheoliadau ar wahân yn gwneud darpariaeth ar gyfer gorfodi'r darpariaethau hynny yn Rheoliad (EC) Rhif 1829/2003 sy'n ymwneud â bwyd anifeiliaid.

Yn benodol mae'r Rheoliadau hyn —

(a) yn dynodi'r Asiantaeth Safonau Bwyd yn ffurfiol fel yr awdurdod cymwys cenedlaethol i dderbyn ceisiadau am awdurdodi'r organeddau newydd a addaswyd yn enetig i'w defnyddio ar gyfer bwyd, bwyd sy'n cynnwys organeddau a addaswyd yn enetig neu sydd wedi'i ffurfio ohonynt, neu fwyd a gynhyrchir o organeddau a addaswyd yn enetig neu sy'n cynwys cynhwysion a gynhyrchir o organeddau a addaswyd yn enetig (rheoliad 3);

(b) yn darparu bod awdurdodau bwyd yn gorfodi darpariaethau'r Rheoliadau hyn a darpariaethau Pennod II o Reoliad (EC) Rhif 1829/2003 (rheoliad 4);

(c) yn pennu cosbau am fethu â chydymffurfio â rhai darpariaethau penodedig yn Rheoliad (EC) Rhif 1829/2003, unwaith y mae'r Rheoliadau mewn grym (rheoliad 5 a'r Atodlen);

(ch) cymhwyso amrywiol ddarpariaethau Deddf Diogelwch Bwyd 1990 gyda rhai addasiadau wrth eu cymhwyso at ddibenion y Rheoliadau hyn (rheoliadau 6 a 7);

(d) dirymu Rheoliadau Bwydydd a Addaswyd yn Enetig a Bwydydd Newydd (Labelu) (Cymru) 2000 (rheoliad 8);

(dd) gwneud diwygiadau canlyniadol i Reoliadau Bwydydd Newydd a Chynhwysion Bwydydd Newydd 1997 a Rheoliadau Bwyd (Darpariaethau sy'n Ymwneud â Labelu) (Cymru) 2003 (rheoliad 9).

Mae arfarniad rheoliadol yn unol ag adran 65 o Ddeddf Llywodraeth Cymru 1998 wedi'i baratoi ar gyfer y rheoliadau hyn a'i osod yn llyfrgell Cynulliad Cenedlaethol Cymru ynghyd â Nodyn Trosi. Gellir cael copïau oddi wrth yr Asiantaeth Safonau Bwyd, Llawr 11, Southgate House, Wood Street, Caerdydd, CF10 1EW.