Dehongli

2.—( 1) Yn y Rheoliadau hyn —

ystyr “blwyddyn ariannol flaenorol” (“preceding financial year”) yw'r flwyddyn ariannol cyn y flwyddyn ariannol o dan sylw;

ystyr “blwyddyn ariannol o dan sylw” (“financial year in question”) yw'r flwyddyn ariannol y mae cyfrannau cyllideb ysgolion a gynhelir yn cael eu penderfynu ar eu cyfer;

ystyr “y Cyngor Cenedlaethol” (“the National Council”) yw Cyngor Cenedlaethol Cymru dros Addysg a Hyfforddiant(1);

ystyr “y Cynulliad Cenedlaethol” (“the National Assembly”) yw Cynulliad Cenedlaethol Cymru;

ystyr “Deddf 1996” (“the 1996 Act”) yw Deddf Addysg 1996(2));

ystyr “Deddf 1998” (“the 1998 Act”) yw Deddf Safonau a Fframwaith Ysgolion 1998;

ystyr “Deddf 2000” (“the 2000 Act”) yw Deddf Dysgu a Medrau 2000(3);

ystyr “Deddf 2002” (“the 2002 Act”) yw Deddf Addysg 2002(4);

ystyr “dosbarth meithrin” (“nursery class”) yw dosbarth sy'n cael addysg amser-llawn neu ran-amser sy'n addas yn gyfan gwbl neu'n bennaf i blant nad ydynt wedi cyrraedd oedran ysgol gorfodol;

ystyr “Rheoliadau 1999” (“the 1999 Regulations”) yw Rheoliadau Ariannu Ysgolion a Gynhelir 1999(5);

ystyr “Rheoliadau 2003” (“the 2003 Regulations”) yw Rheoliadau Cyllidebau AALl, Cyllidebau Ysgolion a Chyllidebau Ysgolion Unigol (Cymru) 2003(6));

ystyr “ysgol a gynhelir” (“maintained school”) yw ysgol gymunedol, ysgol sefydledig neu ysgol wirfoddol neu ysgol gymunedol arbennig neu ysgol sefydledig arbennig neu ysgol feithrin a gynhelir.

(2) Yn y Rheoliadau hyn mae cyfeiriad (sut bynnag y mae wedi'i eirio) at ysgol feithrin a gynhelir, ysgol gymunedol, ysgol sefydledig neu ysgol wirfoddol neu ysgol arbennig gymunedol neu ysgol arbennig sefydledig, yn cynnwys ysgol newydd (o fewn ystyr adran 72(3) o Ddeddf 1998) a fydd, ar ôl gweithredu cynigion ar gyfer sefydlu'r ysgol o dan unrhyw ddeddfiad, yn ysgol o'r fath ac yn un a chanddi gorff llywodraethu dros dro.

(3) Yn y Rheoliadau hyn mae cyfeiriad at gorff llywodraethu yn cynnwys corff llywodraethu dros dro ar ysgol newydd sy'n dod o fewn paragraff (2).

(4) Yn y Rheoliadau hyn mae cyfeiriad at ysgol gynradd neu ysgol uwchradd yn golygu ysgol gynradd neu uwchradd sydd (neu a fydd) yn ysgol gymunedol, yn ysgol sefydledig neu'n ysgol wirfoddol.

(5) Yn y Rheoliadau hyn nid yw cyfeiriad (sut bynnag y mae wedi'i eirio) at ysgolion a gynhelir gan awdurdod addysg lleol yn cynnwys ysgolion nad ydynt yn ysgolion a gynhelir fel y'u diffinnir ym mharagraff (1).

(6) Yn y Rheoliadau hyn mae cyfeiriad at wahardd disgybl yn barhaol yn gyfeiriad at waharddiad parhaol y disgybl fel y'i diffinnir o dro i dro at ddibenion adran 494 o Ddeddf 1996(7).

(7) Onid yw'r cyd-destun yn mynnu fel arall, mae i'r geiriau neu'r ymadroddion a ddefnyddir yn y Rheoliadau hyn ac a nodir isod yn y paragraff hwn yr ystyron a roddwyd iddynt gan y darpariaethau a bennir —

• addysg feithrin (nursery education):

• adran 117 o Ddeddf 1998;

• anghenion addysgol arbennig (special educational needs):

• adran 312(1) o Ddeddf 1996;

• blwyddyn ariannol (financial year):

• adran 579(1) o Ddeddf 1996;

• blwyddyn ysgol (school year):

• adran 579(1) o Ddeddf 1996(8);

• cyfnod allweddol (key stage):

• adran 103 o Ddeddf 2002;

• cyfran o'r gyllideb (budget share):

• adran 47 (1) o Ddeddf 1998;

• cyllideb ddirprwyedig (delegated budget):

• adran 49(7) o Ddeddf 1998;

• cyllideb ysgolion (schools budget):

• adran 45A(2) o Ddeddf 1998;

• cyllideb ysgolion unigol (individual schools budget):

• adran 45A(3) o Ddeddf 1998(9);

• fformwla (formula):

• rheoliad 7 o'r Rheoliadau hyn;

• ysgol feithrin (nursery school):

• adran 6(1) o Ddeddf 1996(10).

(8) Onid yw'r cyd-destun yn mynnu fel arall, mae cyfeiriad yn y Rheoliadau hyn at reoliad â Rhif yn gyfeiriad at y rheoliad yn y Rheoliadau hyn a rifwyd felly ac mae cyfeiriad at baragraff â Rhif yn gyfeiriad at y paragraff a rifwyd felly yn y rheoliad neu'r Atodlen lle mae'r cyfeiriad yn ymddangos.

(1)

Sefydlwyd y Cyngor Cenedlaethol gan adran 30 o Ddeddf 2000.

(2)

1996 p.56.

(3)

2000 p.21.

(4)

2002 p.32.

(5)

O.S. 1999/101 a ddiwygiwyd gan O.S. 2000/911 (Cy.40), 2001/495 (Cy. 22), 2002/136 (Cy.19) a 2003/538 (Cy.75).

(6)

O.S. 2003/3118 (Cy.296).

(7)

Amnewidiwyd adran 494 gan baragraff 128 o Atodlen 30 i Ddeddf 1998.

(8)

Mewnosodwyd gan Ddeddf Addysg 1997 (p.44), Atodlen 7, paragraff 43.

(9)

Mewnosodwyd adran 45A gan adran 41(1) o Ddeddf 2002 (O.S. 2003/2961 (Cy. 278)).

(10)

Diwygiwyd adran 6(1) gan adran 156(1) o Ddeddf 2002.