Rheoliadau Gwasanaethau Maethu (Cymru) 2003

Rheoliad 22

ATODLEN 2 Y COFNODION SYDD I'W CADW GAN DDARPARWYR GWASANAETH MAETHU

1.   Cofnod ar ffurf cofrestr sy'n dangos mewn perthynas â phob plentyn sydd wedi'i leoli gyda rhieni maeth—

(a) dyddiad lleoli'r plentyn;

(b) enw a chyfeiriad y rhiant maeth;

(c) y dyddiad y daeth lleoliad y plentyn yno i ben;

(ch) cyfeiriad y plentyn cyn y lleoliad;

(d) cyfeiriad y plentyn wrth iddo ymadael â'r lleoliad;

(dd) awdurdod cyfrifol y plentyn (os nad y darparydd gwasanaeth maethu ydyw);

(e) y ddarpariaeth statudol y mae neu yr oedd gofal maeth yn cael ei ddarparu odani ar gyfer y plentyn.

2.   Cofnod o'r holl bersonau sy'n gweithio ar gyfer y darparydd gwasanaeth maethu, a hwnnw'n gofnod y mae'n rhaid iddo gynnwys y materion canlynol mewn perthynas â pherson sy'n dod o fewn rheoliad 20(1)—

(a) enw llawn;

(b) rhyw;

(c) dyddiad geni;

(ch) cyfeiriad cartref;

(d) cymwysterau sy'n berthnasol i waith sy'n ymwneud â phlant a phrofiad o'r gwaith hwnnw;

(dd) a yw'r person yn cael ei gyflogi gan y darparydd gwasanaeth maethu o dan gontract gwasanaeth, contract ar gyfer gwasanaethau, neu fel arall o dan gontract, neu a yw'n cael ei gyflogi gan rywun arall heblaw'r darparydd gwasanaeth maethu;

(e) a yw'r person yn gweithio'n amser llawn neu'n rhan amser, ac, os yn rhan amser, nifer cyfartalog yr oriau y mae'n eu gweithio bob wythnos.

3.   Cofnod o bob damwain sy'n digwydd i blant yn ystod eu lleoliad gyda rhieni maeth.