Rheoliadau 4(1), 9(2), 10(1) a (4), 12(6) a (7)

ATODLEN 1 GWERTHOEDD TERFYN, GODDEFIANNAU, ETC.

RHAN I SYLFFWR DEUOCSID (SO2)

Gwerthoedd terfyn ar gyfer sylffwr deuocsid

	Cyfnod Cyfartaleddu	Gwerth terfyn	Goddefiant(1)	Erbyn pryd y mae'n rhaid cyrraedd y gwerth terfyn
1.   Terfyn gwerth fesul-awr ar gyfer diogelu iechyd pobl	1 awr	350 μg/m3, y mae'n rhaid peidio â mynd yn uwch nag ef fwy na 24 gwaith y flwyddyn galendr	60 μg/m3 ar 1 Ionawr 2003, gan ostwng ar 1 Ionawr bob blwyddyn wedyn yn ôl canrannau blynyddol cyfartal nes cyrraedd 0 μg/m3 erbyn 1 Ionawr 2005	1 Ionawr 2005
2.   Gwerth terfyn dyddiol ar gyfer diogelu iechyd pobl	24 awr	125 μg/m3, y mae'n rhaid peidio â mynd yn uwch nag ef fwy na 3 gwaith y flwyddyn galendr	Dim un	1 Ionawr 2005
3.   Gwerth terfyn ar gyfer diogelu ecosystemau	Y flwyddyn galendr a'r gaeaf (1 Hydref i 31 Mawrth)	20 μg/m3	Dim un

Trothwy rhybuddio ar gyfer sylffwr deuocsid

1.2   500 μg/m³ wedi'i fesur dros dair awr o'r bron mewn mannau sy'n gynrychioliadol o ansawdd yr aer dros o leiaf 100 km² neu barth neu grynhoad cyfan, p'un bynnag yw'r lleiaf.

Isafswm y manylion y mae'n rhaid trefnu eu bod ar gael i'r cyhoedd pan eir yn uwch na'r trothwy rhybuddio ar gyfer sylffwr deuocsid

1.3   Dylai'r manylion y mae'n rhaid trefnu eu bod ar gael i'r cyhoedd gynnwys o leiaf :

• dyddiad, awr a lle y digwyddiad a'r rhesymau drosto, os ydynt yn hysbys;

• unrhyw ragolygon ar gyfer:

  • newidiadau mewn crynodiad (gwella, sefydlogi, neu ddirywio), ynghyd â'r rhesymau dros y newidiadau hynny,

  • yr ardal ddaearyddol o dan sylw,

  • parhad y digwyddiad;

  • y math o boblogaeth a allai fod yn sensitif i'r digwyddiad;

  • rhagofalon sydd i'w cymryd gan y boblogaeth sensitif o dan sylw.

RHAN II NITROGEN DEUOCSID (NO₂) AC OCSIDAU NITROGEN (NO_x)

Gwerthoedd terfyn ar gyfer nitrogen deuocsid ac ocsidau nitrogen

	Cyfnod Cyfartaleddu	Gwerth terfyn	Goddefiant	Erbyn pryd y mae'n rhaid cyrraedd y gwerth terfyn
1.   Gwerth terfyn fesul-awr ar gyfer diogelu iechyd pobl	1 awr	200μg/m3 o NO2 y mae'n rhaid peidio â mynd yn uwch nag ef fwy na 18 gwaith mewn blwyddyn galendr	70 μg/m3 ar 1 Ionawr 2003, gan ostwng ar 1 Ionawr bob blwyddyn wedyn yn ôl canran flynyddol gyfartal nes cyrraedd 0 μg/m3 erbyn 1 Ionawr 2010	1 Ionawr 2010
2.   Gwerth terfyn blynyddol ar gyfer diogelu iechyd pobl	Y flwyddyn galendr	40μg/m3 o NO2	14 μg/m3 ar 1 Ionawr 2003, gan ostwng ar 1 Ionawr bob blwyddyn wedyn yn ôl canran flynyddol gyfartal nes cyrraedd 0 μg/m3 erbyn 1 Ionawr 2010	1 Ionawr 2010
3.   Gwerth terfyn blynyddol ar gyfer diogelu llystyfiant	Y flwyddyn galendr	30 μg/m3 o NOx	Dim un

Trothwy rhybuddio ar gyfer nitrogen deuocsid

2.2   400 μg/m3 wedi'i fesur dros dair awr o'r bron mewn lleoliadau sy'n gynrychioliadol o ansawdd yr aer dros o leiaf 100 km² neu barth neu grynhoad cyfan, p'un bynnag yw'r lleiaf.

Isafswm y manylion y mae'n rhaid trefnu eu bod ar gael i'r cyhoedd pan eir yn uwch na'r trothwy rhybuddio ar gyfer nitrogen deuocsid

2.3   Dylai'r manylion y mae'n rhaid trefnu eu bod ar gael i'r cyhoedd gynnwys o leiaf:

• dyddiad, awr a lle y digwyddiad a'r rhesymau drosto, os ydynt yn hysbys;

• — unrhyw ragolygon ar gyfer:

  • newidiadau mewn crynodiad (gwella, sefydlogi, neu ddirywio), ynghyd â'r rhesymau dros y newidiadau hynny,

  • yr ardal ddaearyddol o dan sylw,

  • parhad y digwyddiad;

  • y math o boblogaeth a allai fod yn sensitif i'r digwyddiad;

  • y rhagofalon sydd i'w cymryd gan y boblogaeth sensitif o dan sylw.

RHAN III MATER GRONYNNOL (PM₁₀)

	Cyfnod Cyfartaleddu	Gwerth terfyn	Goddefiant	Erbyn pryd y mae'n rhaid cyrraedd y gwerth terfyn
1.   Gwerth terfyn 24-awr ar gyfer diogelu iechyd pobl	24 awr	Rhaid peidio â mynd yn uwch na 50μg/m3 o PM10 fwy na 35 gwaith y flwyddyn galendr	10 μg/m3 ar 1 Ionawr 2003, gan ostwng ar 1 Ionawr bob blwyddyn wedyn yn ôl canrannau blynyddol cyfartal nes cyrraedd 0 μg/m3 erbyn 1 Ionawr 2005.	1 Ionawr 2005
2.   Gwerth terfyn blynyddol ar gyfer diogelu iechyd pobl	Blwyddyn galendr	40 μg/m3 o PM10	3.2 μg/m3 ar 1 Ionawr 2003, gan ostwng ar 1 Ionawr bob blwyddyn wedyn yn ôl canrannau blynyddol cyfartal nes cyrraedd 0 μg/m3 erbyn 1 Ionawr 2005.	1 Ionawr 2005

RHAN IV PLWM (Pb)

	Cyfnod Cyfartaleddu	Gwerth terfyn	Goddefiant	Erbyn pryd y mae'n rhaid cyrraedd y gwerth terfyn
Gwerth terfyn blynyddol ar gyfer diogelu iechyd pobl	Blwyddyn galendr	0.5 μg/m3	0.2 μg/m3 ar 1 Ionawr 2003, gan ostwng ar 1 Ionawr bob blwyddyn wedyn yn ôl canrannau blynyddol cyfartal nes cyrraedd 0 μg/m3 erbyn 1 Ionawr 2005.	1 Ionawr 2005

RHAN V BENSEN (C₆H₆)

	Cyfnod Cyfartaleddu	Gwerth terfyn	Goddefiant	Erbyn pryd y mae'n rhaid cyrraedd y gwerth terfyn
Gwerth terfyn blynyddol ar gyfer diogelu iechyd pobl	Blwyddyn galendr	5 μg/m3	5 μg/m3 ar 1 Ionawr 2003, gan ostwng ar 1 Ionawr 2006 a phob 12 mis wedyn gan 1 μg/m3 nes cyrraedd 0 μg/m3 erbyn 1 Ionawr 2010.	1 Ionawr 2010

RHAN V CARBON MONOCSID (CO)

	Cyfnod Cyfartaleddu	Gwerth terfyn	Goddefiant	Erbyn pryd y mae'n rhaid cyrraedd y gwerth terfyn
Detholir crynodiad mwyafswm cymedr o 8-awr yn ddyddiol drwy archwilio cyfartaleddau cyfredol 8-awr, wedi'u cyfrifo o ddata fesul awr a'u diweddaru bob awr. Priodolir pob 8-awr gyfartalog a gyfrifir felly i'r diwrnod pan ddaw i ben, h.y. y cyfnod cyfrifo cyntaf ar gyfer unrhyw ddiwrnod fydd y cyfnod o 17:00 ar y diwrnod blaenorol hyd at 01:00 ar y diwrnod hwnnw; y cyfnod cyfrifo olaf ar gyfer unrhyw ddiwrnod fydd y cyfnod o 16:00 hyd at 24:00 ar y diwrnod hwnnw.
Gwerth terfyn blynyddol ar gyfer diogelu iechyd pobl	Mwyafswm cymedr o 8-awr yn ddyddiol	10 mg/m3	4 mg/m3 ar 1 Ionawr 2003, gan ostwng pob 12 mis wedyn gan 2 mg/m3 nes cyrraedd 0 mg/m3 erbyn 1 Ionawr 2005.	1 Ionawr 2005

(1)

Mae'r ffigurau ar gyfer Goddefiannau ar gyfer pob un o'r llygrynnau perthnasol a roddir yn yr Atodlen hon wedi'u cyfrifo o'r rhai a roddir yn Atodiad I i Gyfarwyddeb 99/30/EC ac Atodiadau I a II o Gyfarwyddeb 2000/69/EC.