Rheoliad 2(1)

ATODLEN 2 GWYBODETH I'W CHYNNWYS YN Y DATGANIADAU AMGYLCHEDDOL

RHAN I

1.   Disgrifiad o'r prosiect, gan gynnwys yn benodol—

(a) disgrifiad o nodweddion ffisegol y prosiect cyfan a'r anghenion defnydd tir yn ystod y cyfnod adeiladu neu gyfnodau rhoi ar waith a chyfnodau gweithredol eraill ;

(b) disgrifiad o brif nodweddion y prosesau cynhyrchu, er enghraifft, natur a nifer y deunyddiau a ddefnyddir ;

(c) amcangyfrif, yn ôl math a maint, o'r gwaddodion a'r allyriadau disgwyliedig (llygredd dŵ r, aer a phridd, sŵ n, dirgryniad, golau, gwres, ymbelydredd, ayb) sy'n deillio o gynnal y prosiect arfaethedig.

2.   Amlinelliad o'r prif opsiynau eraill a astudiwyd gan y sawl sy'n gwneud cais am ganiatâd a syniad o'r prif resymau dros y dewis a wnaed gan y ceisydd, gan gymeryd i ystyriaeth yr effeithiau amgylcheddol.

3.   Disgrifiad o'r agweddau ar yr amgylchedd y mae'r prosiect arfaethedig yn debyg o effeithio'n sylweddol arnynt, gan gynnwys, yn benodol, poblogaeth, ffawna, fflora, pridd, dŵ r, aer, ffactorau hinsoddol, asedau materol, gan gynnwys y dreftadaeth bensaernïol ac archeolegol, y tirlun a'r rhyng-berthynas rhwng y ffactorau uchod.

4.   Disgrifiad o effeithiau sylweddol tebygol y prosiect ar yr amgylchedd, a ddylai ymdrin ag effeithiau uniongyrchol ac unrhyw effeithiau anuniongyrchol, eilaidd, cronnol, byr-dymor, tymor-canolig a hir-dymor, parhaol a thros dro, cadarnhaol a negyddol y prosiect, a fydd yn deillio o:

(a) bodolaeth y prosiect;

(b) y defnydd o adnoddau naturiol; a

(c) allyriad llygrwyr, creu niwsans a dileu gwastraff,

a disgrifiad gan y ceisydd am ganiatâd o'r dulliau darogan a ddefnyddir i asesu'r effeithiau ar yr amgylchedd.

5.   Disgrifiad o'r mesurau a ragwelir i atal, lleihau ac os yw'n bosibl i wrthbwyso unrhyw effeithiau andwyol sylweddol ar yr amgylchedd.

6.   Crynodeb annhechnegol o'r wybodaeth a ddarparwyd o dan baragraffau 1 i 5 o'r Rhan hon.

7.   Awgrym yngl 246 yn ag unrhyw anawsterau (diffygion technegol neu ddiffyg arbenigedd technegol) a wynebodd y ceisydd am ganiatâd wrth gasglu'r wybodaeth angenrheidiol.

RHAN II

1.   Disgrifiad o'r prosiect, gan gynnwys gwybodaeth am safle, cynllun a maint y prosiect.

2.   Disgrifiad o'r mesurau a ragwelir y bydd eu hangen er mwyn osgoi, lleihau ac, o bosibl, unioni effeithiau andwyol sylweddol.

3.   Y data angenrheidiol i adnabod ac i asesu'r prif effeithiau y mae'r prosiect yn debygol o'u cael ar yr amgylchedd.

4.   Amlinelliad o'r prif opsiynau eraill a astudiwyd gan y ceisydd am ganiatâd a syniad o'r prif resymau am ei ddewis, gan gymryd i ystyriaeth yr effeithiau amgylcheddol.

5.   Crynodeb annhechnegol o'r wybodaeth a ddarparwyd o dan baragraffau 1 i 4 o'r Rhan hon.