Rheoliadau Pwyllgorau Safonau (Cymru) 2001

Dehongli

2.   Yn y Rheoliadau hyn —

• ystyr “aelod” (“member”), oni fydd y cyd-destun yn mynnu fel arall, yw —

  (a)

  yn achos awdurdod lleol, aelod etholedig o'r awdurdod hwnnw, a

  (b)

  yn achos awdurdod Parc Cenedlaethol neu awdurdod tân aelod a benodir i'r awdurdod hwnnw naill ai —

  (i)

  o dan Orchymyn Awdurdodau Parciau Cenedlaethol (Cymru) 1995, neu

  (ii)

  o dan unrhyw un o'r Gorchmynion Gwasanaethau Tân;

• ystyr “aelod annibynnol” (“independent member”) yw aelod o bwyllgor safonau nad yw —

  (a)

  yn aelod,

  (b)

  yn swyddog, neu

  (c)

  yn briod ag aelod neu swyddog

  o'r awdurdod perthnasol o dan sylw, unrhyw awdurdod pethnasol arall, na chyngor cymuned;

• ystyr “aelod panel” (“panel member”) yw aelod o banel a sefydlwyd o dan reoliad 15;

• ystyr “aelod panel lleyg” (“lay panel member”) yw aelod o banel a sefydlir o dan reoliad 15 —

  (a)

  nad yw, ac nad yw wedi bod, yn aelod, yn aelod cyfetholedig nac yn swyddog, neu

  (b)

  nad yw'n briod i aelod neu swyddog

  o'r awdurdod perthnasol o dan sylw, unrhyw awdurdod perthnasol arall na chyngor cymuned;

• ystyr “aelod pwyllgor cymunedol” (“community committee member”) yw aelod o bwyllgor safonau sy'n aelod hefyd o gyngor cymuned yn ardal yr awdurdod perthnasol o dan sylw;

• ystyr “awdurdod lleol” (“local authority”) yw cyngor sir neu gyngor bwrdeistref sirol;

• ystyr “awdurdod Parc Cenedlaethol” (“National Park authority”) yw awdurdod Parc Cenedlaethol a sefydlwyd o dan adran 63 o Ddeddf yr Amgylchedd 1995(1);

• ystyr “awdurdod perthnasol” (“relevant authority”) yw —

  (a)

  cyngor sir,

  (b)

  cyngor bwrdeistref sirol,

  (c)

  awdurdod Parc Cenedlaethol, ac

  (ch)

  awdurdod tân;

• ystyr “awdurdod tân” (“fire authority”) yw awdurdod tân a gyfansoddwyd trwy gynllun cyfuno o dan Ddeddf Gwasanaethau Tân 1947(2);

• mae i “bwrdd” (“board”) yr ystyr a roddir iddo gan Reoliadau Awdurdodau Lleol (Trefniadau Amgen) (Cymru) 2001(3);

• mae “cadeirydd” (“chairperson”), at ddibenion rheoliad 8(3), yn cynnwys —

  (a)

  cadeirydd a etholir o dan baragraff 5 o Atodlen 3 i Orchymyn Awdurdodau Parciau Cenedlaethol (Cymru) 1995(4)), a

  (b)

  cadeirydd a etholir o dan baragraff 17 o Ran III o'r Atodlen i unrhyw un o'r Gorchmynion Gwasanaethau Tân;

• ystyr “Deddf 1972” (“the 1972 Act”) yw Deddf Llywodraeth Leol 1972(5);

• ystyr “Deddf 2000” (“the 2000 Act”) yw Deddf Llywodraeth Leol 2000;

• mae “dirprwy gadeirydd” (“deputy chairperson”) yn cynnwys —

  (a)

  dirprwy gadeirydd a etholir o dan baragraff 5 o Atodlen 3 i Orchymyn Awdurdodau Parciau Cenedlaethol (Cymru) 1995, a

  (b)

  is-gadeirydd a etholir o dan baragraff 17 o Ran III o'r Atodlen i unrhyw un o'r Gorchmynion Gwasanaethau Tân;

• ystyr “y Gorchmynion Gwasanaethau Tân” (“the Fire Service Orders”) yw —

  (a)

  Gorchymyn Gwasanaethau Tân Gogledd Cymru (Cynllun Cyfuno) 1995(6),

  (b)

  Gorchymyn Gwasanaethau Tân Canolbarth a Gorllewin Cymru (Cynllun Cyfuno) 1995(7), ac

  (c)

  Gorchymyn Gwasanaethau Tân De Cymru (Cynllun Cyfuno) 1995(8);

• ystyr “gweithrediaeth arweinydd a chabinet” (“leader and cabinet executive”) yw'r math o drefniadau gweithrediaeth a bennir yn adran 11(3) o Ddeddf 2000;

• ystyr “gweithrediaeth maer a chabinet” (“mayor and cabinet executive”) yw'r math o drefniadau gweithrediaeth a bennir naill ai —

  (a)

  yn adran 11(2), neu

  (b)

  yn adran 11(4)o Ddeddf 2000;

• ystyr “is-bwyllgor i bwyllgor safonau” (“sub- committee of a standards committee”) yw is- bwyllgor a benodir gan bwyllgor safonau awdurdod lleol o dan adran 56 o Ddeddf 2000;

• ystyr “pwyllgor safonau” (“standards committee”), oni fydd y cyd-destun yn mynnu fel arall, yw pwyllgor safonau awdurdod perthnasol ac mae'n cynnwys is-bwyllgor i bwyllgor safonau;

• mae i “swyddog priodol” yr ystyr a roddir i “proper officer” gan adran 270(3) o Ddeddf 1972;

• ystyr “trefniadau amgen” (“alternative arrangements”) yw'r trefniadau a bennir mewn rheoliadau a wneir gan Gynulliad Cenedlaethol Cymru o dan adran 32(1) o Ddeddf 2000;

• ystyr “trefniadau gweithrediaeth” (“executive arrangements”) yw trefniadau gan awdurdod lleol —

  (a)

  ar gyfer creu a gweithredu gweithrediaeth i'r awdurdod ac mewn cysylltiad â hynny, a

  (b)

  y mae swyddogaethau penodol i'r awdurdod yn gyfrifoldeb i'r weithrediaeth o danynt.

(1)

1995 p.25.

(2)

1947 p.41.

(3)

O.S. 2001/2284 (Cy.173).

(4)

O.S. 1995/2803.

(5)

1972 p.70.

(6)

O.S. 1995/3218.

(7)

O.S. 1995/3229.

(8)

O.S. 1995/3230.