Swyddogaethau cyrff y Gwasanaeth Iechyd Gwladol

5.   Dyma swyddogaethau cyrff y Gwasanaeth Iechyd Gwladol —

(a) swyddogaeth darparu, neu drefnu darparu, gwasanaethau —

(i) o dan adrannau 2 a 3(1) o Ddeddf 1977, gan gynnwys gwasanaethau adsefydlu a gwasanaethau y bwriedir iddynt osgoi derbyn cleifion i'r ysbyty ond heb gynnwys llawfeddygaeth, radiotherapi, terfynu beichiogrwydd, endosgopi, defnyddio triniaethau laser Dosbarth 4(1) a thriniaethau trychiadol eraill a gwasanaethau ambiwlansys brys; a

(ii) o dan adran 5(1), (1A) ac 1(B) o Ddeddf 1977(2), ac Atodlen 1 iddi; a

(b) y swyddogaethau o dan adrannau 25A i 25H a 117 o Ddeddf Iechyd Meddwl 1983(3).

(1)

Gweler BS EN 60825-1: Safety Laser Products. Diffinnir cynhyrchion laser dosbarth 4 drwy gyfeirio at ‘British Standards' sy'n cael ei gyhoeddi gan y Sefydliad Safonau Prydeinig (“BSI”) a gellir ei gael oddi wrth BSI, Linford Woods, Milton Keynes, MK14 6LT.

(2)

Diwygiwyd adran 5(1) gan Ddeddf Iechyd a Meddyginiaethau 1988 (p.49), adran 10(1), a mewnosodwyd adran 5(1A) ac (1B) ganddi; diwygiwyd Atodlen 1 gan Ddeddf Addysg 1981 (p.60), Atodlen 3, paragraff 13; Deddf Diwygio Addysg 1988 (p.40) Atodlen 12, Rhan 1, paragraff 21, a Deddf Iechyd a Meddyginiaethau 1988, Atodlen 2, paragraff 7.

(3)

1983 p.20.