Dehongli

2.—( 1) Yn y Gorchymyn hwn—

• ystyr “blwyddyn” (“year”) yw blwyddyn ariannol daladwy ;

• ystyr “blwyddyn berthnasol”(“relevant year”) yw unrhyw flwyddyn y mae gwerth ardrethol i'w benderfynu arno yn unol â'r Gorchymyn hwn ac ystyr “blwyddyn flaenorol berthnasol” yw'r flwyddyn sy'n dod cyn blwyddyn berthnasol;

• ystyr “dosbarth ar hereditamentau”(“a class of hereditaments”) yw'r hereditamentau hynny sydd i'w dangos ar y rhestr ardrethu canolog i Gymru yn rhinwedd rheoliad 3(1) o'r Rheoliadau Rhestr Ganolog a Rhan 6 o'r Atodlen iddynt ac a feddiennir gan unrhyw un o'r personau dynodedig a enwir yn yr Atodlen i'r Gorchymyn hwn

• Ystyr “y Ddeddf” (“the Act”) yw Deddf Cyllid Llywodraeth Leol 1988 ;

• ystyr “ffactor ailgyfrif”(“recalculation factor”) mewn perthynas â dosbarth ar hereditamentau yw'r ffactor y penderfynir arno mewn perthynas â'r dosbarth hwnnw yn unol ag erthygl 7;

• ystyr “y fformwla safonol”(“the standard formula”) yw'r fformwla T + U lle —

  (a)

  T yw'r swm a bennir mewn perthynas â dosbarth ar hereditamentau yn yr Atodlen; a

  (b)

  U yw'r ffactor ailgyfrif cymwysadwy i'r dosbarth hwnnw mewn perthynas â'r flwyddyn berthnasol;

• ystyr “person dynodedig”(“designated person”) yw person a ddynodir gan reoliad 3(1) o'r Rheoliadau Rhestr Ganolog ac a enwir yn Rhan 6 o'r Atodlen iddynt; ac mewn perthynas â dosbarth ar hereditamentau, ystyr “person dynodedig perthnasol” yw'r person dynodedig sy'n meddiannu'r dosbarth hwnnw; ac

• ystyr “Rheoliadau Rhestr Ganolog”(“Central List Regulations”) yw Rheoliadau Rhestr Ardrethu Canolog (Cymru) 1999(1).

(2) Mae unrhyw gyfeiriad yn y Gorchymyn hwn at hereditamentau a feddiennir gan berson yn cynnwys cyfeiriad, yn achos hereditamentau nas meddiennir, at hereditamentau a berchnogir gan y person hwnnw gan ddehongli cyfeiriadau at feddiannaeth yn unol â hynny.

(3) Mae unrhyw gyfeiriad yn y Gorchymyn hwn, neu yn yr Atodlen, at berson dynodedig wrth ei enw yn gyfeiriad at y cwmni sy'n dwyn yr enw hwnnw ar y dyddiad y cofnodir yr enw hwnnw ar y rhestr ardrethu canolog i Gymru.

(1)

O.S. 1999/3453