1 [F1Bwrdd Taliadau Annibynnol y Senedd] LL+C
(1)Bydd [F2bwrdd i’w alw’n Fwrdd Taliadau Annibynnol y Senedd] (“y Bwrdd”).
(2)Aelodau'r Bwrdd yw'r Cadeirydd a phedwar aelod arall.
(3)Os bydd swydd y Cadeirydd yn wag, neu os na all y Cadeirydd weithredu, caiff aelodau eraill y Bwrdd benodi un o'u plith yn Gadeirydd Dros Dro.
(4)Cworwm y Bwrdd yw tri.
(5)Ni chaiff y Bwrdd wneud yr un penderfyniad o dan adran 20(6), 24(1) neu 53(7) o'r Ddeddf oni bai bod y cynnig i wneud hynny wedi'i gymeradwyo gan o leiaf dri o aelodau'r Bwrdd.
(6)Yn ddarostyngedig i is-adrannau (4) a (5) ac i adran 2(2), mae'r Bwrdd i reoleiddio ei weithdrefn ei hun.
(7)Nid yw'r canlynol yn effeithio ar ddilysrwydd trafodion y Bwrdd—
(a)swydd wag ymhlith yr aelodau, neu
(b)diffyg wrth benodi aelod.
Diwygiadau Testunol
F1Geiriau yn mhennawd a. 1 wedi eu hamnewid (6.5.2020) gan Deddf Senedd ac Etholiadau (Cymru) 2020 (anaw 1), a. 42(2), Atod. 1 para. 4(2)
F2Geiriau yn a. 1(1) wedi eu hamnewid (6.5.2020) gan Deddf Senedd ac Etholiadau (Cymru) 2020 (anaw 1), aau. 8, 42(2)
Gwybodaeth Cychwyn
I1A. 1 mewn grym ar 22.7.2010, gweler a. 20(2)