xmlns:atom="http://www.w3.org/2005/Atom"
Offerynnau Statudol Cymru
CYFLOGAETHA HYFFORDDIANT, CYMRU
Gwnaed
20 Mai 2013
Gosodwyd gerbron Cynulliad Cenedlaethol Cymru
23 Mai 2013
Yn dod i rym
23 Mehefin 2013
Mae Gweinidogion Cymru yn gwneud y Gorchymyn a ganlyn drwy arfer y pwerau a roddwyd gan adran 28(3) o Ddeddf Prentisiaethau, Sgiliau, Plant a Dysgu 2009(1).
Yn unol ag adran 28(5) o'r Ddeddf honno, mae Gweinidogion Cymru wedi eu bodloni bod y fanyleb safonau prentisiaethau y rhoddwyd effaith iddi gan y Gorchymyn hwn yn cydymffurfio ag adran 31.
Dyma'r fanyleb safonau prentisiaethau ddrafft gyntaf i gael ei llunio ar ôl i adran 28 o'r Ddeddf honno gychwyn, ac yn unol ag adran 28(4), nid oedd yn ofynnol i Weinidogion Cymru ymgynghori ag unrhyw bersonau sy'n briodol yn eu barn hwy.
1.—(1) Enw'r Gorchymyn hwn yw Gorchymyn Prentisiaethau (Manyleb Safonau Prentisiaethau Cymru) 2013 a daw i rym ar 23 Mehefin 2013.
(2) Mae'r Gorchymyn hwn yn gymwys o ran Cymru.
2. Mae'r ddogfen o'r enw "The Specification of Apprenticeship Standards for Wales (SASW)" a gyhoeddwyd gan Weinidogion Cymru ar 13 Mai 2013 yn cael effaith.
Jeff Cuthbert
O dan awdurdod y Gweinidog Addysg a Sgiliau, un o Weinidogion Cymru
20 Mai 2013
(Nid yw'r nodyn hwn yn rhan o'r Gorchymyn)
Mae'r Gorchymyn hwn, a wnaed o dan adran 28(3) o Ddeddf Prentisiaethau, Sgiliau, Plant a Dysgu 2009 ("y Ddeddf"), yn rhoi effaith i fanyleb safonau prentisiaethau Cymru.
Mae'r Gorchymyn yn pennu bod y ddogfen o'r enw "The Specification of Apprenticeship Standards for Wales (SASW)" ("y ddogfen") yn cael effaith. Lluniwyd y ddogfen gan Weinidogion Cymru yn unol â'r gweithdrefnau yn adran 28 o'r Ddeddf..
Mae'r ddogfen yn pennu'r gofynion y mae'n rhaid eu bodloni er mwyn i'r fframweithiau Cymreig cydnabyddedig gael eu dyroddi o dan adran 19(1) o'r Ddeddf.