Rheoliadau Gweithdrefnau a Ffioedd Tribiwnlys Eiddo Preswyl (Cymru) 2012 No. 531 (Cy. 83)

YR ATODLEN Manylion ychwanegol ynglŷn â rhai ceisiadau

Ceisiadau a wneir o dan Ddeddf 2004

Ceisiadau sy'n ymwneud â thrwyddedu tai amlfeddiannaeth

15.—( 1) Mae'r paragraff hwn yn gymwys i gais o dan adran 256(4) o Ddeddf 2004 (apêl yn erbyn penderfyniad ATLl i wrthod dirymu datganiad tŷ amlfeddiannaeth).

(2) Y dogfennau penodedig yw—

(a) copi o'r datganiad tŷ amlfeddiannaeth; a

(b) copi o hysbysiad yr ATLl o'i benderfyniad i beidio â dirymu'r datganiad tŷ amlfeddiannaeth.

(3) Yr ymatebydd penodedig yw'r ATLl.