Cofrestrau o orchmynion rheoli
13.—(1) Mae'r manylion a ganlyn wedi eu rhagnodi ar gyfer pob cofnod mewn cofrestr a sefydlwyd ac sy'n cael ei chynnal o dan adran 232(1)(c) o'r Ddeddf o ran gorchymyn rheoli a wneir o dan adran 102 neu 113 o'r Ddeddf—
(a)cyfeiriad yr HMO neu'r tŷ y mae'r gorchymyn yn ymwneud ag ef ac unrhyw gyfeirnod a roddwyd iddo gan yr awdurdod tai lleol;
(b)disgrifiad byr o'r HMO neu'r tŷ;
(c)y dyddiad pryd y daw'r gorchymyn i rym;
(ch)crynodeb o'r rhesymau dros wneud y gorchymyn;
(d)crynodeb o delerau'r gorchymyn a'r math o orchymyn a wnaed;
(dd)gwybodaeth gryno ar unrhyw gais yn ymwneud â'r HMO neu'r tŷ sydd wedi cael ei wneud i dribiwnlys eiddo preswyl neu i'r Tribiwnlys Tiroedd; ac
(e)gwybodaeth gryno ar unrhyw benderfyniad gan y tribiwnlysoedd y cyfeirir atynt yn is-baragraff (dd) sy'n ymwneud â'r HMO neu'r tŷ trwyddedig, ynghyd â'r cyfeirnod a roddwyd i'r achos gan y tribiwnlys.
(2) Mae'r manylion ychwanegol a ganlyn wedi eu rhagnodi ar gyfer pob cofnod mewn cofrestr a sefydlwyd ac sy'n cael ei chynnal o dan adran 232(1)(c) o'r Ddeddf o ran gorchymyn rheoli a wneir o dan adran 102 neu 113 o'r Ddeddf—
(a)nifer y lloriau sy'n ffurfio'r HMO;
(b)nifer yr ystafelloedd yn yr HMO sy'n darparu—
(i)lle cysgu; a
(ii)lle byw;
(c)yn achos HMO sydd yn fflatiau—
(i)nifer y fflatiau sy'n hunangynhaliol;
(ii)nifer y fflatiau sydd heb fod yn hunangynhaliol;
(iii)disgrifiad o'r amwynderau sy'n cael eu rhannu gan gynnwys nifer pob amwynder;
(iv)uchafswm nifer yr aelwydydd y caniateir iddynt feddiannu'r HMO; ac
(v)uchafswm nifer y personau y caniateir iddynt feddiannu'r HMO.
(3) Mae'r manylion a ganlyn wedi eu rhagnodi ar gyfer pob cofnod mewn cofrestr a sefydlwyd ac sy'n cael ei chynnal o dan adran 232(1)(c) o'r Ddeddf o ran gorchymyn rheoli annedd wag a wneir o dan adran 113(1) neu 136(1) neu (2) o'r Ddeddf—
(a)cyfeiriad yr annedd(1) y mae'r gorchymyn yn ymwneud ag ef ac unrhyw gyfeirnod a roddwyd iddo gan yr awdurdod tai lleol;
(b)disgrifiad byr o'r annedd;
(c)y dyddiad pryd y daw'r gorchymyn i rym;
(ch)crynodeb o'r rhesymau dros wneud y gorchymyn;
(d)crynodeb o delerau'r gorchymyn;
(dd)gwybodaeth gryno ar unrhyw fater yn ymwneud â'r annedd sydd wedi cael ei wneud i dribiwnlys eiddo preswyl neu i'r Tribiwnlys Tiroedd; ac
(e)gwybodaeth gryno ar unrhyw benderfyniad gan y tribiwnlysoedd y cyfeirir atynt yn is-baragraff (dd) sy'n ymwneud â'r annedd, ynghyd â'r cyfeirnod a roddwyd i'r achos gan y tribiwnlys.
Am ystyr annedd (“"dwelling"”) gweler adran 132(4)(a) a (b) o'r Ddeddf.