xmlns:atom="http://www.w3.org/2005/Atom"

Offerynnau Statudol Cymru

2000 Rhif 975 (Cy.45)

ARDRETHU A PHRISIO, CYMRU

Gorchymyn Ardrethi a Phraeseptau (Addasiadau Terfynol) (Diwygio) (Cymru) 2000

Wedi'i wneud

21 Mawrth 2000

Yn dod i rym

31 Mawrth 2000

Mae Cynulliad Cenedlaethol Cymru'n gwneud y Gorchymyn canlynol drwy arfer y pwerau a roddwyd i'r Ysgrifennydd Gwladol gan adran 147(1) a (2) o Ddeddf Cyllid Llywodraeth Leol 1988(1), ac a freiniwyd ynddo bellach i'r graddau y maent yn arferadwy yng Nghymru(2):

Enwi, cychwyn a chymhwyso

1.  –

(1) Enw'r Gorchymyn hwn yw Gorchymyn Ardrethi a Phraeseptau (Addasiadau Terfynol) (Diwygio) (Cymru) 2000 a daw i rym ar 31 Mawrth 2000

(2) Mae'r Gorchymyn hwn yn gymwys i Gymru'n unig.

Blwyddyn berthnasol

2.  Yn erthygl 2 o Orchymyn Ardrethi a Phraeseptau (Addasiadau Terfynol) 1991 (“Gorchymyn 1991”)(3) , yn y diffiniad o “relevant year”, ar ôl “subsequent financial year” ychwaneger “until, and including, the financial year beginning in 1999”.

Addasiadau ardrethu hwyr

3.  Ym mharagraff (2) o erthygl 3 o Orchymyn 1991, ar ôl “as mentioned in paragraph (1),” ychwaneger “and on or before 31st March 2001.”

Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998(4)

D. Elis Thomas

Llywydd Cynulliad Cenedlaethol Cymru

21 Mawrth 2000

Nodyn Esboniadol

(Nid yw'r nodyn hwn yn rhan o'r Gorchymyn)

Mae Gorchymyn Ardrethi a Phraeseptau (Addasiadau Terfynol) 1991 (“Gorchymyn 1991”) yn darparu ar gyfer addasiadau ariannol, rhwng cyrff penodol a oedd, ynglŷn â'r flwyddyn ariannol sy'n dechrau ar 1 Ebrill 1989, yn awdurdodau praeseptu (neu eu holynwyr) a'r cyrff a oedd, ynglŷn â'r flwyddyn honno'n awdurdodau ardrethu.

Mae'r addasiadau'n ymwneud â symiau sy'n adferadwy, neu a ddilëwyd fel rhai anadferadwy neu a ad-dalwyd, ar 1 Ebrill 1990 neu wedi hynny, a briodolir i ardrethi am gyfnod sy'n dod i ben cyn y dyddiad hwnnw, ac i gostau gweinyddol cysylltiedig.

Mae'r Gorchymyn hwn, sy'n gymwys i Gymru'n unig, yn diwygio'r diffiniad o “relevant year” yn erthygl 2 o Orchymyn 1991 fel na fydd yr addasiadau'n gymwys ar ôl y flwyddyn ariannol 1999/2000 (erthygl 2).

Mae'r Gorchymyn hefyd yn diwygio erthygl 3 o Orchymyn 1991 fel bod rhaid gwneud hysbysiad o gyfrif a wnaed yn unol â'r erthygl honno ar 31 Mawrth 2001 neu cyn hynny (erthygl 3).

(2)

Gweler Gorchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672).