216.Mae adran 54 yn diffinio “bagiau siopa” fel y bagiau hynny y gellir eu darparu yn y man y gwerthir y nwyddau, neu’r rheini a ddarperir at ddiben danfon nwyddau. Yn gyffredinol y bagiau siopau y byddai isafswm tâl yn gymwys iddynt fyddai’r rheini a ddarperir gan fanwerthwyr i’w cwsmeriaid pan fônt yn prynu nwyddau mewn siop, neu’r rheini a ddarperir gan gwmnïau sy’n danfon nwyddau, megis archfarchnadoedd sy’n darparu gwasanaeth danfon bwydydd ar-lein.