440.Mae’r adran hon yn rhoi hawl i ddeiliad contract, sydd wedi cael hysbysiad sy’n ceisio meddiant o dan y teler o’r contract sy’n ymgorffori adran 173 (hysbysiad y landlord) neu hysbysiad adennill meddiant sy’n nodi’r sail ôl-ddyledion rhent difrifol (gweler adran 181), ofyn am adolygiad gan y landlord o’r penderfyniad i roi’r hysbysiad. Rhaid gwneud cais i’r landlord am adolygiad o fewn 14 diwrnod o’r dyddiad y mae’r landlord yn rhoi’r hysbysiad i ddeiliad y contract (oni bai bod y landlord yn caniatáu rhagor o amser).