Of the revelatioun of the promeisS
FOR this we constantlie beleif that God efter the feirfull and horribill defectioun of man fra his obedience did seik Adam agane call vpon him rebuik his sin conuict him for the same and in the end maid vnto him ane maist ioyfull promeiss to witt that the seid of the woman sould brek downe the serpentis heid That is he sould distroy the warkis of the deuill Quhilk promeis as it was repeitit and maid mair cleir fra tyme to tyme Sua was it embraceit with Joy and maist constantlie retenit of all the faithfull from Adam to Noe fra Noe to Abraham fra Abraham to Dauid and swa furth to the incarnatioun of Christ Jesus quha all (we mene the faithfull fatheris vnder the law) did se the Joyfull dayis of Christ Jesus and did reioyss