Deddf Treth Trafodiadau Tir a Gwrthweithio Osgoi Trethi Datganoledig (Cymru) 2017 (dccc1)

ATODLEN 13 RHYDDHAD AR GYFER CAFFAELIADAU SY’N YMWNEUD AG ANHEDDAU LLUOSOG

Pennu’r dreth sy’n gysylltiedig â’r gydnabyddiaeth sy’n weddill

7 (1) At ddibenion paragraff 5(1)(b), “y dreth sy’n gysylltiedig â’r gydnabyddiaeth sy’n weddill” yw’r ffracsiwn priodol o swm y dreth a fyddai’n ddyledus (oni bai am yr Atodlen hon) mewn cysylltiad â’r trafodiad perthnasol.

(2) Yn is-baragraff (1), ystyr “y ffracsiwn priodol” yw—

Ffigwr 13

pan fo—

• “CSW” y gydnabyddiaeth sy’n weddill ar gyfer y trafodiad perthnasol,

• “CCA” yn gyfanswm cydnabyddiaeth yr anheddau, a

• “CCSW” yn gyfanswm y gydnabyddiaeth sy’n weddill.

(3) Ystyr “cyfanswm y gydnabyddiaeth sy’n weddill” yw—

(a) ar gyfer trafodiad nad yw’n un o nifer o drafodiadau cysylltiol, y gydnabyddiaeth sy’n weddill ar gyfer y trafodiad hwnnw;

(b) ar gyfer un o nifer o drafodiadau cysylltiol—

(i) cyfanswm y gydnabyddiaeth drethadwy ar gyfer yr holl drafodiadau hynny, llai

(ii) cydnabyddiaeth cyfanswm yr anheddau.