Penderfynu a yw contract wedi ei drosi yn gontract diogel neu’n gontract safonol
9(1)Mae’r canlynol yn eithriadau ychwanegol i adrannau 11(1) a 12(3) (contractau a wneir neu a fabwysiedir gan landlord cymunedol yn gontractau diogel).
(2)Contract wedi ei drosi a oedd, cyn y diwrnod penodedig—
(a)wedi bod yn denantiaeth ddiogel, ond
(b)wedi peidio â bod yn denantiaeth o’r fath oherwydd adran 89, 91 neu 93 o Ddeddf Tai 1985 (p. 68) (olyniaeth, aseinio ac is-osod).
(3)Contract wedi ei drosi a oedd, cyn y diwrnod penodedig—
(a)wedi bod yn denantiaeth ragarweiniol, ond
(b)wedi peidio â bod yn denantiaeth o’r fath oherwydd adran 133 o Ddeddf Tai 1996 (p. 52) (olyniaeth).
(4)Contract wedi ei drosi a oedd, cyn y diwrnod penodedig—
(a)wedi bod yn denantiaeth isradd, ond
(b)wedi peidio â bod yn denantiaeth o’r fath oherwydd adran 143I o Ddeddf Tai 1996 (olyniaeth).