Y weithdrefn ar gyfer gosod amodau capio ffioedd
This section has no associated Explanatory Notes
8(1)Cyn gosod amod capio ffioedd, rhaid i Gymwysterau Cymru roi i’r corff o dan sylw hysbysiad am ei fwriad i wneud hynny.
(2)Rhaid i’r hysbysiad—
(a)nodi’r amod capio ffioedd y mae Cymwysterau Cymru yn bwriadu ei osod;
(b)esbonio pam y mae Cymwysterau Cymru yn bwriadu gosod yr amod;
(c)pennu pa bryd y mae Cymwysterau Cymru yn bwriadu penderfynu pa un ai i’w osod.
(3)Wrth benderfynu pa un ai i osod yr amod, rhaid i Gymwysterau Cymru roi sylw i unrhyw sylwadau a gyflwynir gan y corff cydnabyddedig.