19(1)Wrth bennu swm y ffi newydd am y llain, nid oes unrhyw gostau yr aed iddynt gan y perchennog mewn cysylltiad ag ehangu’r safle gwarchodedig i’w cymryd i ystyriaeth.
(2)Wrth bennu swm y ffi newydd am y llain, ni chaniateir rhoi sylw—
(a)i unrhyw gostau yr aed iddynt gan y perchennog o ran cynnal achos o dan y Rhan hon neu’r cytundeb,
(b)i unrhyw ffi y mae’n ofynnol i’r perchennog ei thalu yn rhinwedd adran 6 neu 13, nac
(c)i unrhyw gostau yr aed iddynt gan y perchennog mewn cysylltiad â’r canlynol—
(i)unrhyw gamau a gymerwyd gan awdurdod lleol o dan adrannau 15 i 25, neu
(ii)collfarnu’r perchennog am drosedd o dan adran 18.