Troseddau
10Gwahardd gweithgareddau heb gydsyniad
1
Mae person yn cyflawni trosedd os yw’n gwneud, heb gydsyniad, weithgaredd trawsblannu yng Nghymru.
2
Ond nid yw person yn cyflawni trosedd o dan is-adran (1)—
a
os yw’r person yn credu yn rhesymol—
i
ei fod yn gwneud y gweithgaredd â chydsyniad, neu
ii
nad yw’r hyn y mae’n ei wneud yn weithgaredd trawsblannu;
b
os yw adran 3(3) (deunydd sydd wedi’i fewnforio) yn gymwys;
c
os yw adran 13(1) (preserfio deunydd at ei drawsblannu) yn gymwys.
3
Mae person yn cyflawni trosedd os yw, yng Nghymru—
a
yn ymhonni’n dwyllodrus wrth berson y mae’n gwybod neu’n credu ei fod yn mynd i wneud gweithgaredd trawsblannu neu y gall ei wneud—
i
bod cydsyniad i wneud y gweithgaredd, neu
ii
nad yw’r gweithgaredd yn weithgaredd trawsblannu, a
b
yn gwybod bod yr ymhoniad yn anwir neu ddim yn credu ei fod yn wir.
4
Mae person sy’n euog o drosedd o dan yr adran hon yn agored—
a
o’i gollfarnu’n ddiannod i ddirwy heb fod yn fwy na’r uchafswm statudol;
b
o’i gollfarnu ar dditiad—
i
i garchariad am gyfnod heb fod yn hwy na 3 blynedd, neu
ii
i ddirwy, neu
iii
i’r ddau.
5
Yn yr adran hon ystyr “cydsyniad” yw’r cydsyniad sy’n ofynnol yn rhinwedd adran 3.
11Troseddau gan gyrff corfforaethol
1
Pan fo corff corfforaethol yn cyflawni trosedd o dan adran 10 ac os profir bod y trosedd hwnnw wedi ei gyflawni â chydsyniad neu gydgynllwyn unrhyw un o’r canlynol, neu y gellir ei briodoli i esgeulustod ar ran unrhyw un o’r canlynol—
a
unrhyw gyfarwyddwr, rheolwr neu ysgrifennydd i’r corff corfforaethol, neu
b
unrhyw swyddog oedd yn honni gweithredu yn rhinwedd unrhyw un o’r swyddi hynny,
bydd yr unigolyn hwnnw (yn ogystal â’r corff corfforaethol) yn euog o’r trosedd ac yn agored i achos yn ei erbyn a chosb yn unol â hynny.
2
Mae’r cyfeiriad at gyfarwyddwr, rheolwr neu ysgrifennydd i’r corff corfforaethol yn cynnwys cyfeiriad at—
a
unrhyw swyddog tebyg sydd gan y corff;
b
pan fo’r corff yn gorff corfforaethol y mae ei fusnes yn cael ei reoli gan ei aelodau, unrhyw swyddog neu aelod o’r corff.
12Erlyn
Ni chaniateir cychwyn achos am drosedd o dan adran 10 ac eithrio drwy neu â chydsyniad y Cyfarwyddwr Erlyniadau Cyhoeddus.