Deddf Sgorio Hylendid Bwyd (Cymru) 2013

RHAN 1 LL+C Y WEITHDREFN AR GYFER HYSBYSIADAU COSB BENODEDIG

1 LL+C Caiff hysbysiad cosb benodedig gynnig cyfle i berson dalu cosb o £200 (“y gosb”) o fewn cyfnod o 28 o ddiwrnodau gan ddechrau ar y diwrnod y rhoddir yr hysbysiad cosb.

Gwybodaeth Cychwyn

I1 Atod. para. 1 ddim mewn grym ar y Cydsyniad Brenhinol, gweler a. 27(2)

I2 Atod. para. 1 mewn grym ar 28.11.2013 gan O.S. 2013/2617, ergl. 3(l)

2 LL+C Caiff hysbysiad cosb benodedig gynnig cyfle hefyd i berson dalu cosb is o £150 (“y gosb ostyngol”) os telir o fewn cyfnod o 14 o ddiwrnodau gan ddechrau ar y diwrnod y bydd yr hysbysiad cosb wedi ei roi.

Gwybodaeth Cychwyn

I3 Atod. para. 2 ddim mewn grym ar y Cydsyniad Brenhinol, gweler a. 27(2)

I4 Atod. para. 2 mewn grym ar 28.11.2013 gan O.S. 2013/2617, ergl. 3(l)

3 LL+C Caiff Gweinidogion Cymru ragnodi swm gwahanol ar gyfer y gosb neu’r gosb ostyngol.

Gwybodaeth Cychwyn

I5 Atod. para. 3 ddim mewn grym ar y Cydsyniad Brenhinol, gweler a. 27(2)

I6 Atod. para. 3 mewn grym ar 28.11.2013 gan O.S. 2013/2617, ergl. 3(l)

4 LL+C Caniateir i’r gosb neu’r gosb ostyngol gael ei thalu drwy bostio llythyr sy’n cynnwys swm y gosb at y person a ddisgrifir ar yr hysbysiad yn y cyfeiriad a ddisgrifir felly. Bernir y bydd y taliad wedi ei wneud ar yr amser y byddai’r llythyr wedi cael ei ddosbarthu yn nhrefn arferol y post.

Gwybodaeth Cychwyn

I7 Atod. para. 4 ddim mewn grym ar y Cydsyniad Brenhinol, gweler a. 27(2)

I8 Atod. para. 4 mewn grym ar 28.11.2013 gan O.S. 2013/2617, ergl. 3(l)

5 LL+C Nid yw paragraff 4 yn atal y gosb rhag cael ei thalu drwy unrhyw ddull arall.

Gwybodaeth Cychwyn

I9 Atod. para. 5 ddim mewn grym ar y Cydsyniad Brenhinol, gweler a. 27(2)

I10 Atod. para. 5 mewn grym ar 28.11.2013 gan O.S. 2013/2617, ergl. 3(l)

6 LL+C Os yw awdurdod bwyd o’r farn na ddylai hysbysiad cosb benodedig fod wedi ei roi i berson gan swyddog awdurdodedig sy’n gweithredu ar ran yr awdurdod bwyd, rhaid i’r awdurdod bwyd roi hysbysiad i’r person hwnnw ei fod yn tynnu’r hysbysiad cosb benodedig yn ôl.

Gwybodaeth Cychwyn

I11 Atod. para. 6 ddim mewn grym ar y Cydsyniad Brenhinol, gweler a. 27(2)

I12 Atod. para. 6 mewn grym ar 28.11.2013 gan O.S. 2013/2617, ergl. 3(l)

7 LL+C Os caiff hysbysiad cosb benodedig ei dynnu’n ôl—

(a) rhaid i awdurdod bwyd ad-dalu unrhyw swm sydd wedi ei dalu fel cosb yn unol â’r hysbysiad cosb benodedig, a

(b) ni chaniateir dwyn unrhyw achos na pharhau ag unrhyw achos yn erbyn y person a gafodd yr hysbysiad ar gyfer y drosedd sydd o dan sylw.

Gwybodaeth Cychwyn

I13 Atod. para. 7 ddim mewn grym ar y Cydsyniad Brenhinol, gweler a. 27(2)

I14 Atod. para. 7 mewn grym ar 28.11.2013 gan O.S. 2013/2617, ergl. 3(l)

8 LL+C Mewn unrhyw achos, mae tystysgrif—

(a) sy’n cymryd arni ei bod wedi ei llofnodi gan neu ar ran prif swyddog cyllid awdurdod bwyd, a

(b) sy’n datgan bod taliad cosb wedi dod i law neu heb ddod i law erbyn dyddiad a bennwyd yn y dystysgrif,

yn dystiolaeth o’r ffeithiau a ddatganwyd.

Gwybodaeth Cychwyn

I15 Atod. para. 8 ddim mewn grym ar y Cydsyniad Brenhinol, gweler a. 27(2)

I16 Atod. para. 8 mewn grym ar 28.11.2013 gan O.S. 2013/2617, ergl. 3(l)